ລິ້ງ ສຳຫລັບເຂົ້າຫາ

ຈີນຮັບຮູ້ວ່າ ຂະບວນການກະບົດລີເບຍ ເປັນພະລັງການເມືອງສໍາຄັນ ໃນລີເບຍ

  • ສິງ ບູຣົມມະວົງ

ທ່ານ Yang Jiechi ລັດຖະມົນຕີຕ່າງປະເທດຈີນ


















ຈີນ​ຮັບ​ຮູ້​ຂະ​ບວນການ​ກະບົດ​ລີ​ເບຍ​ວ່າ​ເປັນ​ຄູ່​ໂອ້​ລົມ​ສົນທະນາ​ທີ່​ສໍາຄັນທີ່​ໄດ້​ກາຍ​ມາ​ເປັນພະລັງ​ການ​ເມືອງ​ທີ່ຂາດບໍ່ໄດ້​ໃນ​ປະ​ເທດ​ທີ່ຕັ້ງຢູ່ໃນ ​ທະວີ​ບອະ​ຟຣິກາ​ເໜືອ​ແຫ່ງ​ນີ້.

ທ່ານ Yang Jiechi ລັດຖະມົນຕີ​ການ​ຕ່າງປະ​ເທດຈີນ​ໃຫ້ຄວາມເຫັນກ່ຽວ​ກັບ​ສະພາ​ປົກຄອງ​ໄລ​ຍະ​ຂ້າມ​ຜ່າ​ນ​ແຫ່ງ​ຊາດ​ລີ​ເບຍ ຫລັງຈາກ​ທໍາ ​ການ​ພົບ​ປະກັນ​ຢູ່​ໃນ​ກຸງ​ປັກ​ກິ​ງ​ໃນ​ວັນ​ພຸດ​ມື້​ນີ້​ກັບ​ທ່ານ MahMoud Jibril ທູດ​ພິ​ເສດ​ຂອງ​ຝ່າຍ​ກະບົດ​ລີ​ເບຍ​ນັ້ນ.

ໃນ​ການ​ລົງ​ຂ່າວ​ຢູ່​ໃນ​ແວບ​ໄຊ​ຕ໌ ຂອງ​ກະຊວງ​ການ​ຕ່າງປະ​ເທດ​ຈີນນັ້ນ ມີ​ການ​ອ້າງ​ຄໍາ​ເວົ້າ​ຂອງ​ທ່ານ Yang Jiechi ວ່າ​ອິດ​ທິພົນ​ຂອງ​ສະພາ​ປົກຄອງ​ໄລຍະ​ຂ້າມ​ຜ່ານ​ແຫ່ງ​ຊາດ ​ໄດ້​ເພີ່ມ​ຂຶ້ນ​ຢ່າງ​ສະ​ມໍ່າສະ​ເໜີ​ມາ ​ແລະ​ບັດ​ນີ້​ໄດ້ກາຍ​ເປັນ​ພະ​ລັງ​ການ​ເມືອງ​ທີ່​ສໍາຄັນ​ໃນ​ລີ​ເບຍ.

ຈີນ​ເຄີຍ​ກ່າວ​ມາ​ກ່ອນ​ວ່າ ຕົນ​ຫວັງ​ວ່າ​ຈະ​ທໍາ​ການ​ພົວພັນ​ກັບ​ທັງ​ສອງ​ຝ່າຍ​ໃນ​ບັນຫາ​ຂັດ​ແຍ້​ງຢູ່
ໃນ​ລີ​ເບຍ​ເພື່ອ​ໃຫ້​ບັນລຸ​ການ​ແກ້​ໄຂ​ທາງ​ດ້ານ​ການ​ເມືອງ​ລະຫວ່າງ​ພວກ​ກະບົດ​ແລະ​ລັດຖະ
ບານ​ກາດ​ດາ​ຟີ​ນັ້ນ.

ບັນດາ​ນັກ​ການ​ທູດ​ຈີນ​ໄດ້​ທໍາ​ການ​ພົບ​ປະກັນ​ມາ​ກ່ອນ​ຢູ່​ໃນ​ພາກ​ຕາ​ເວັນ​ອອກ​ກາງ​ກັບ​ທ່ານ
Mustafa Abdel Jalil ຫົວໜ້າ​ຂະ​ບວນການ​ກະບົດ​ລີ​ເບຍ ​ແລະ​ໄດ້​ເປັນ​ເຈົ້າພາບ​ຈັດການ
ພົບປະກັນ​ກັບ​ທ່ານ Abdelati ລັດຖະມົນຕີ​ຕ່າງປະ​ເທດ​ຂອງ​ລັດຖະບານ​ທ່ານ​ກາດ​ດາ​ຟີ ​
ໃນ​ລະຫວ່າງ​ການ​ຢ້ຽມຢາມ​ກຸງ​ປັກ​ກິ​ງ​ໃນ​ຕົ້ນ​ເດືອນ​ນີ້.

XS
SM
MD
LG