ລິ້ງ ສຳຫລັບເຂົ້າຫາ

ວັນເສົາ, ໒໐ ເມສາ ໒໐໒໔

ດາຣາ ​ເທັນນິສຈີນ ນາງ Li Na ປະກາດ​​ເລີກລາ ຈາກວົງ​ການ ກິລາ​ເທັນນິສ (ວີດີໂອ)


ນາງ Li Na ຈາກຈີນ ຖືຂັນແຊມປ້ຽນ ຫຼັງຈາກເອົາຊະນະ ນາງ Dominika Cibulkova ຈາກ Slovakia ໃນການແຂ່ງຂັນເທັນນິສ ຮອບຊິງຊະນະເລີດ Australian Open ປະເພດຍິງດ່ຽວ ຢູ່ທີ່ນະຄອນ Melbourne, Australia.
ນາງ Li Na ຈາກຈີນ ຖືຂັນແຊມປ້ຽນ ຫຼັງຈາກເອົາຊະນະ ນາງ Dominika Cibulkova ຈາກ Slovakia ໃນການແຂ່ງຂັນເທັນນິສ ຮອບຊິງຊະນະເລີດ Australian Open ປະເພດຍິງດ່ຽວ ຢູ່ທີ່ນະຄອນ Melbourne, Australia.

ດາຣານັກ​ກິລາ​ເທັນນິສຈີນ ນາງ Li Na ທີ່​ໄດ້ຄວ້າເອົາ​ແຊມ​ປ້ຽນ
ເທັນນິສມາ​ຄອງແລ້ວ​ 2 ​ເທື່ອ ​ໄດ້​ປະກາດເລີກລາຈາກວົງ​ການ
​ແຂ່ງຂັນ​ເທັນນິສ​ ຍ້ອນ “ການບາດເຈັບ​ຊ້ຳ​ເຮື້ອ” ທີ່ນາງໄດ້ຮັບ.

ນາງຫລີ ​ໄດ້​ຊະນະ​ການແຂ່ງຂັນຊິງແຊມປ້ຽນ French Open ​
ໃນປີ 2011 ຊຶ່ງນາງໄດ້ກາຍ​ເປັນ​ ນັກກິລາ​ເທັນນິສຈາກ​ຈີນ
ຜູ້​ທຳ​ອິດ ທີ່​ສາມາດຄວ້າເອົາແຊ້ມປ້ຽນເທັນນິສປະເພດຍິງດ່ຽວ
ໄປຄອງ. ນາງໄດ້ຊະນະ​ການແຂ່ງຂັນຊິງແຊມປ້ຽນ Australian
Open ​ເມື່ອ​ຕົ້ນປີ​ນີ້ ​ແຕ່​ໄດ້​ລົງ​ແຂ່ງຂັນ​ພຽງ​ໜ້ອຍ​ດຽວຫຼັງຈາກ​
ນັ້ນມາ ຍ້ອນ​ວ່າ​ໄດ້​ຮັບ​ບາດ​ເຈັບ​ທີ່​ຫົວ​ເຂົ່າ.

​ໃນ​ຖະ​ແຫລ​ງຂ່າວທີ່​ນຳອອກ​ເຜີຍ​ແຜ່​ທາງຕາໜ່າງ​ສື່​ສັງຄົມ ​ໃນ​ວັນ​ສຸກ​ມື້​ນີ້ ນາງຫລີ ​ໄວ 32 ປີ ​ເວົ້າ​ວ່າ “ຫຼັງຈາກ​ທີ່​ໄດ້​ຮັບ​ການ​ຜ່າຕັດ​ຫົວ​ເຂົ່າ 4 ​ເທື່ອແລ້ວ​ ​ແລະໄດ້​ຮັບການ​ສັກ​ຢາ​ ຫຼາຍຮ້ອຍ​ເຂັມ​ໃສ່​ຫົວ​ເຂົ່າ​ ທຸກໆອາທິດ ເພື່ອຫລຸດຜ່ອນ​ອາການບວມ ​ແລະ​ເຈັບ​ປວດ​ນັ້ນ ຮ່າງກາຍ​ຂອງ​ຂ້ອຍ ອ້ອນວອນ​ໃຫ້​ຂ້ອຍ​ ເຊົາ​ການ​ທຸບ​ຕີມັນຕື່ມ.”

ນາງ​ໄດ້​ກ່າວ​ວ່າ ນາງ “ພະຍາຍາມ​ ປະຕິບັດ​ຕາມບາດກ້າວຕ່າງໆ​ ທີ່​ຈຳ​ເປັນ ​ເພື່ອ
ໃຫ້ສາມາດ​ກັບ​ຄືນ​ ສູ່ເດີ່ນ​ເທັ​ນນິສອີກ​ເທື່ອ​ນຶ່ງ”
ຫຼັງຈາກ​ທີ່​ນາງໄດ້​ຮັບ ​ການຜ່າຕັດ
​ຫົວ​ເຂົ່າ​ຄັ້ງຫຼ້າສຸດ ​ເມື່ອ​ເດືອນກໍລະກົດ​ນີ້.

ນາງຫລີ ​ເວົ້າ​ຕື່ມ​ວ່າ ມັນຄື “​ຄວາມ​ເຈັບ​ປວດ​ທີ່​ສຸດ​ເປັນເວລາຫຼາຍ​ເດືອນ” ໃນ​ທີ່​ສຸດ
ນາງຈຶ່ງໄດ້​ຕັດສິນ​ໃຈ​ວ່າ “ການບາດເຈັບທີ່​ຊ້ຳ​ເຮື້ອ​ຂອງ​ຂ້ອຍ ຈະ​ບໍ່ໃຫ້​ຂ້ອຍ​ເປັນ​
ນັກ​ກິລາ​ເທັ​ນນິສ ທີ່​ຂ້ອຍ​ຢາກ​ເປັນ​ໄດ້​ອີກ​ເລີຍ.”

ນາງ​ຫລີ ​ໄດ້​ໃຫ້​ຂໍ້​ສັງ​ເກດ​ວ່າ ນາງ​ໄດ້​ຮັບ​ຜົນສຳ​ເລັດ ກ່ຽວກັບ​ກິລາ​ເທັນນິສ ໃນເວທີ​ໂລກ
ຊຶ່ງ​ເປັນ​ກິລາ “ທີ່​ບໍ່​ພຽງ​ເທົ່າ​ໃດ​ປີ​ທີ່​ຜ່ານ​ມາ​ນີ້ ​ແມ່ນ​ມີຄວາມ​ນິຍົມ​ບໍ່ທັນຫຼາຍຢູ່​ໃນ​ຈີນ.” ນາງ​ກ່າວ​ວ່າ ອັນ​ທີ່​ນາງ​ໄດ້​ກະທຳ​ຈົນ​ສຳ​ເລັດ​ ​ເພື່ອ​ປະ​ເທດ​ຂອງ​ນາງ​ນັ້ນແມ່ນ
ຄວາມ​ສຳ​ເລັດ​ທີ່​ນາງ​ຮູ້ສຶກ​ພາກພູມ​ໃຈ​ທີ່​ສຸດ.

CHINA LI NA VO
please wait
Embed

No media source currently available

0:00 0:00:47 0:00

XS
SM
MD
LG