ຈີນໄດ້ຈັດຕັ້ງພັນທະມິດ ມະຫາວິທະຍາໄລເອເຊຍ ທີ່ຈະເປັນບ່ອນເຕົ້າໂຮມຊັບພະຍາ
ກອນ ເພື່ອຊ່ວຍສ້າງສະມັດຖະພາບ ແລະຮັບມືກັບການທ້າທາຍ ທີ່ເຂົາເຈົ້າປະເຊີນໜ້າ
ກັບບັນດາສະຖາບັນການສຶກສາປະເທດຕາເວັນຕົກ ທີ່ໄດ້ດຶງດູດເອົາພວກນັກຮຽນແລະ
ຄູອາຈານທີ່ດີເລີດຢ່າງຫລວງຫລາຍອອກໄປຈາກເອເຊຍ.
ສຳລັບຈີນແລ້ວ ຍັງເປັນຄວາມພະຍາຍາມ ທີ່ຈະຄົ້ວເອົາທ່າທີ ການເປັນຜູ້ນຳ ຢູ່ໃນ
ຫລາຍໆດ້ານຂອງຊີວິດຊາວເອເຊຍ ແລະຊ່ວຍເສີມຂະຫຍາຍບົດບາດສາກົນຂອງ
ຕົນ. ຈີນໄດ້ບັນລຸຜົນສຳເລັດ ທີ່ຄ້າຍຄືກັນ ໃນດ້ານທະນາຄານ ເວລາຈີນນຳພາ 60
ກວ່າປະເທດ ສ້າງຕັ້ງທະນາຄານພັດທະນາການລົງທຶນໃນດ້ານໂຄງລ່າງເອເຊຍໃນ
ປີ 2014.
ປັດຈຸບັນນີ້ ປັກກິ່ງກຳລັງຊອກຫາການສະໜັບສະໜູນຈາກຫລາຍສິບປະເທດສຳລັບໂຄງການສາຍພານແລະຫົນທາງຂອງຕົນ.
ການຈັດຕັ້ງໃໝ່ ກຸ່ມພັນທະມິດມະຫາວິທະຍາໄລເອເຊຍ ຫຼື AUA ໄດ້ເລີ້ມຢູ່ໃນປັກກິ່ງ ທີ່ມະຫາວິທະຍາໄລ Tshinghua ທີ່ມີຊື່ສຽງ ທີ່ໄດ້ເລືອກເອົາເປັນປະທານກຸ່ມ 15 ມະ
ຫາວິທະຍາໄລ ຈາກສິບກວ່າປະເທດ.
ພິທີດັ່ງກ່າວຈັດຂຶ້ນໃນວັນເສົາແລ້ວໂດຍ ຮອງປະທານປະເທດຂອງຈີນ ທ່ານ Liu
Yandong ທີ່ໄດ້ກ່າວເນັ້ນເຖິງຄວາມສຳຄັນຂອງລັດຖະບານຈີນ ທີ່ໃຫ້ແກ່ກຸ່ມພັນທະ
ມິດມະຫາວິທະຍາໄລເອເຊຍ.
