ຈີນກ່າວວ່າ ເຮືອບິນທະຫານລຳນຶ່ງໄດ້ລົງຈອດ ຢູ່ໃນເກາະທຽມເກາະນຶ່ງຂອງຕົນ ໃນທະ ເລຈີນໃຕ້ທີ່ຍັງເປັນບັນຫາຖົກຖຽງ ຊຶ່ງເປັນການຮັບຮູ້ຢ່າງເປີດເຜີຍເທື່ອທຳອິດ ກ່ຽວກັບ ການປະຕິບັດງານດັ່ງກ່າວ.
ອົງການຂ່າວລັດຖະບານຈີນ ກ່າວໃນວັນຈັນວານນີ້ວ່າ ເຮືອບິນທະຫານທີ່ພວມ ລາດຕະ ເວນຢູ່ໃນເຂດດັ່ງກ່າວ ໄດ້ຮັບໂທລະສັບສຸກເສີນ ໃຫ້ລົງຈອດຢູ່ເກາະ Fiery Cross Reef ເພື່ອຮັບເອົາພະນັກງານກໍ່ສ້າງ ທີ່ໄດ້ຮັບບາດເຈັບ.
ຫລັງຈາກໄດ້ຮັບເອົາບັນດາພະນັກງານທີ່ໄດ້ຮັບບາດເຈັບແລ້ວ ເຮືອບິນໄດ້ບິນໄປສູ່ເກາະ Hainan ບ່ອນທີ່ມີລົດໂຮງໝໍມາຮັບເອົາ.
ໂຄສົກກະຊວງຕ່າງປະເທດຈີນ ທ່ານ Lu Kang ກ່າວວ່າ ການປະຕິບັດງານກູ້ໄພດັ່ງກ່າວເປັນພາກສ່ວນທີ່ເຄີຍມີການປະຕິບັດກັນມາເປັນປະຈຳຂອງພວກທະຫານ. ທ່ານກ່າວວ່າ “ຢູ່ໃນດິນແດນຈີນເຫດການໃນທຳນອງນີ້ບໍ່ແມ່ນເປັນເລື້ອງ ທີ່ຜິດທຳມະດາ.”
ຈິນ ໄດ້ເສັດສິ້ນການສ້າງທາງແລ່ນ 3,000 ແມັດຢູ່ເທິງເກາະທຽມເກາະນຶ່ງໃນໝູ່ເກາະ Spratlys ທີ່ມີການໂຕ້ແຍ້ງກັນໃນປີແລ້ວນີ້ ແລະໄດ້ສົ່ງເຮືອບິນພົນ ລະເຮືອນ ໄປລົງ ຈອດຢູ່ທີ່ນັ້ນ ໃນເດືອນມັງກອນຕົ້ນປີນີ້.
ໃນຕົ້ນເດືອນນີ້ ລັດຖະມົນຕີປ້ອງກັນປະເທດສະຫະລັດ ທ່ານ Ash Carter ກ່າວວ່າ ສະຫະລັດ ມີຄວາມເປັນຫ່ວງທີ່ສຸດກ່ຽວກັບການເຄື່ອນໄຫວຂອງຈີນຢູ່ໃນທະເລຈີນໃຕ້.
