ຈີນໄດ້ປະຕິເສດຕໍ່ຂໍ້ສະເໜີຂອງສະຫະລັດທີ່ຈະຊ່ອຍໄກ່ເກ່ຍລະຫວ່າງປັກກິ່ງແລະໂຕກຽວ
ໂດຍເວົ້າວ່າການຂັດແຍ້ງຂອງຕົນກັບຍີ່ປຸ່ນກ່ຽວກັບເລື່ອງໝູ່ເກາະ ນັ້ນ ຄວນຈະໄດ້ຮັບການ
ແກ້ໄຂລະຫວ່າງປະເທດທັງສອງ.
ໂຄສົກກະຊວງການຕ່າງປະເທດຈີນທ່ານ Ma Zhaoxu ກ່າວຕໍ່ພວກນັກຂ່າວ ໃນວັນອັງ
ຄານມື້ນີ້ ກ່ຽວກັບການສະເໜີຂອງສະຫະລັດທີ່ຈະເປັນເຈົ້າພາບຈັດ ການພົບປະ 3 ຝ່າຍ
ເພື່ອເຈລະຈາຫາລືກ່ຽວກັບໝູ່ເກາະທີ່ຍີ່ປຸ່ນໄດ້ຈັບກັບຕັນເຮືອປະມົງຈີນໃນເດືອນ
ກັນຍາຜ່ານມາ.
ທ່ານ Ma ເວົ້າວ່າ ການສະເໜີແນະດັ່ງກ່າວນີ້ແມ່ນເປັນຄວາມຄິດຂອງສະຫະລັດແຕ່ພຽງ
ຝ່າຍດຽວ ແລະການຂັດແຍ້ງທີ່ວ່ານີ້ແມ່ນເປັນເລື່ອງລະຫວ່າງສອງປະເທດທໍ່ນັ້ນ.
ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ທີ່ພວມຢູ່ໃນລະ
ຫວ່າງການຢ້ຽມຢາມເຂດເອເຊຍກ່າວທີ່ປະເທດມາເລເຊຍວ່າ ຂໍ້ສະເໜີ ດັ່ງກ່າວນີ້ຍັງມີ
ຜົນຢູ່ແລະບໍ່ແມ່ນກ່ຽວກັບບັນຫາຂັດແຍ້ງເລື່ອງດິນແດນທໍ່ນັ້ນ.ທ່ານນາງເວົ້າວ່າຈີນແລະ
ຍີປຸ່ນຍັງມີຫຼາຍໆບັນຫາທີ່ຄວນຈະສົນທະນາຫາລືກັນ.
