ລິ້ງ ສຳຫລັບເຂົ້າຫາ

ລັດຖະມົນຕີ ຕ່າງປະເທດ ຈີນ ແລະຍີ່ປຸ່ນ ພົບປະກັນ ທີ່ປັກກິ່ງ


ລັດຖະມົນຕີຕ່າງປະເທດຈີນ ທ່ານ Wang Yi ພວມກ່າວໃນລະຫວ່າງການຖະແຫຼງຂ່າວ ພົວພັນກັບ ກອງປະຊຸມເອເພັກ ທີ່ນະຄອນຫຼວງປັກກິ່ງ (8 ພະຈິກ 2014)

ລັດຖະມົນຕີຕ່າງປ​ະ​ເທດຍີ່ປຸ່ນໄດ້​ພົ​ບປະ​ຢ່າ​ງ​ເປັນ​ທາງ​ການ
​ໃນ​ນະ​ຄອນ​ປັກ​ກິ່ງ ກັບ​ຄູ່ຕຳ​ແໜ່​ງຝ່າຍຈີນເປັນເທຶ່ອທຳ​ອິດ​
ໃນຮອບ​ສອງ​ປີ​ກວ່າໆ ​ທ່າມກາງ​ການດຳເນີນຄວາມພະຍາ
ຍາມ​ດ້ານ​ການ​ທູດ ​ເພື່ອ​ຫລຸດ​ຜ່ອນ​ຄວາມ​ເຄັ່ງ​ຕືງລະຫວ່າງ
ປະເທດທັງສອງ​.

ທ່ານ Fumio Kishida ​ແລະ​ທ່ານ Wang Yi ​ລັດຖະມົນຕີ
ຕ່າງປະເທດ​ຈີນ ​ໄດ້​ພົບ​ປະກັນ​ໃນ​ວັນ​ເສົາ​ມື້​ນີ້ ​ເພື່ອ​ວາງ​ພື້ນ
ຖານ​ ກ່ຽວກັບ​ກອງ​ປະຊຸມ​ສຸດ​ຍອດ ທີ່ອາດເປັນໄປໄດ້ ລະ
ຫວ່າງ​ບັນດາຜູ້ນຳ​ສູງ​ສຸດ ຂອງ​ປະ​ເທດທັງສອງ ຢູ່​ນອກກອງ​
ປະຊຸມການ​ຮວມມື​ເສດຖະກິດ ເຂດ​ເອ​ເຊຍ​ປາຊິ​ຟິກຫຼືເອເພັກ ທີ່​ຈະ​ເລີ້ມ​ຂຶ້ນ ໃນນະຄອນ ຫຼວງ​ປັກ​ກິ່ງ ​ໃນ​ວັນ​ຈັນ​ຈະ​ມາ​ເຖິງ​ນີ້.

ໃນການຖະແຫຼງທີ່ປັກ​ກິ່ງ ລັດຖະມົນຕີ ຕ່າງປະ​ເທດ ສະຫະລັດ ທ່ານ John Kerry ເວົ້າ
ວ່າ ທ່ານ​ຂໍສະແດງຄວາມຍິນ​ດີ​ຕໍ່ການຫຼຸດຜ່ອນ​ຄວາມ​ເຄັ່ງ​ຕືງລະຫວ່າງ​ປະ​ເທດທັງສອງ.

ຍີ່ປຸ່ນ ​ແລະຈີນ ​ໄດ້​ຕົກລົງ​ໃນ​ວັນ​ສຸກ​ວານ​ນີ້ ​ເພື່ອ​ຈັດ​ຕັ້ງ​ກົນ​ໄກ​ທາງ​ການ​ທູດ ເພື່ອ​ຫລີກ
​ລ່ຽງບໍ່ໃຫ້ມີການ​ເພີ້ມທະວີບັນຫາຂັດແຍ້ງກ່ຽວ​ກັບໝູ່​ເກາະທີ່​ບໍ່​ມີ​ຄົນ​ຢູ່.

ຂໍ້​ຕົກລົງ​ດັ່ງກ່າວ ໄດ້​ບັນລຸທີ່​ກອງ​ປະຊຸ​ມປັກ​ກິ່ງ ​ລະຫວ່າງ​ນັກ​ການ​ທູດ​ຂັ້ນ​ສູງ​ຂອງ​ ຈີນ
ທ່ານ Yang Jiechi ​ແລະ ທີ່​ປຶ​ກສາດ້ານ​ຄວາມ​ໝັ້ນຄົງຍີ່ປຸ່ນ ທ່ານ Shotaro Yachi.
ຖະແຫຼງຂ່າວຂອງ​ຈີນ ທີ່ນຳອອກ​ເຜີຍ​ແຜ່​ກ່າວ​ວ່າ ທັງ​ສອງ​ຝ່າຍ​ໄດ້ຕົກ​ລົງ​ກັນ​ວ່າ ພວກ
ຕົນຍັງມີທ່າທີທີ່ແຕກຕ່າງກັນຢູ່ ໃນໄລຍະ​ສອງສາມປີ​ ທີ່​ຜ່າ​ນມານີ້ ຍ້ອນເລື່ອງໝູ່​ເກາະ
​ຢູ່ທະ​ເລ​ຈີນ​ຕາ​ເວັນອອກ ທີ່ຮູ້​ກັນ​ໃນຍີ່ປຸ່ນວ່າ Senkaku ​ແລະ​ໃນ​ຈີນວ່າຕຽວອີນັ້ນ.

ບັນດາ​ເຈົ້າ​ໜ້າ​ທີ່ ກ່າວ​ວ່າ ທັງ​ສອງ​ຝ່າຍ​ໄດ້​ຕົກລົງ​ກັນ ​ທີ່ຈະເລີ້ມການສົນທະນາ ຫາລື
ເປັນຂັ້ນໆ ທາງ​ດ້ານການເມືອງ ການ​ທູດ ​ແລະ​ ຄວາມ​ປອດ​ໄພ ​ພ້ອມທັງ ການດຳເນີນ
ຄວາມ​ພະຍາຍາມ​ ເພື່ອເສີມສ້າງຄວາມໄວ້ເນື້ອເຊື່ອໃຈ ທາງດ້ານ​ການ​ເມືອງລະຫວ່າງ
ກັນຄືນໃໝ່

XS
SM
MD
LG