Ningxia ເປັນເຂດນ້ອຍໆທີ່ມີຄວາມໃຝ່ຝັນສູງ. ພື້ນທີ່ແຫ່ງນຶ່ງຢູ່ນອກເມືອງຫຼວງ Yin-
chuan ກໍາລັງຖືກພັດທະນາ ໃຫ້ເປັນເຂດສູນກາງເສດຖະກິດແຫ່ງໃໝ່ ທີ່ພວກຄົນທ້ອງ
ຖິ່ນກ່າວວ່າ ມີເປົ້າໝາຍເພື່ອດຶງດູດເອົາຊາວອາຫຣັບມຸສລິມ ໃຫ້ມາຢູ່ອາໄສແລະທໍາງານ
ຢູ່ທີ່ນັ້ນ.
ບໍລິສັດວິສະວະກອນກໍ່ສ້າງຂອງລັດຖະບານຈີນ ກໍາລັງກໍ່ສ້າງສະຖານທີ່ສໍາຄັນແຫ່ງນຶ່ງ
ຂອງເຂດດັ່ງກ່າວ ກໍຄືຫໍປະຊຸມຂອງສະພາເສດຖະກິດ ຈີນ-ອາຫຣັບ. ເມື່ອໄວໆມານີ້
ບໍລິສັດດຽວກັນນີ້ ໄດ້ຊະນະການປະມູນເປັນຜູ້ຮັບເໝົາກໍ່ສ້າງສຸເຫລົາ ທີ່ຈະເປັນວັດ
ອິສລາມທີ່ໃຫຍ່ທີ່ສຸດແຫ່ງນຶ່ງຂອງໂລກ ຢູ່ໃນປະເທດ Algeria.
ຊາວເມືອງ Yinchuan ຄົນນີ້ ບໍ່ເຄີຍໄດ້ພົບພໍ້ຊາວອາຫຣັບຫຼາຍຄົນປານໃດ ແຕ່ລາວ
ກໍຍິນດີຕ້ອນຮັບພວກເຂົາເຈົ້າ.
“ຂ້ອຍຄິດວ່າ ອິດທິພົນມຸສລິມຢູ່ທີ່ນີ້ ຈະເປັນໃນທາງບວກ. ຄວາມແຕກຕ່າງທາງ
ວັດທະນະທໍານັ້ນ ແມ່ນຈະມີຢູ່ສະເໝີ ແຕ່ມັນກໍຈະຊ່ວຍຊີວິດຄວາມເປັນຢູ່ຂອງ
ພວກເຮົາຫຼາຍສົມຄວນ ພ້ອມທັງດ້ານອາຫານການກິນ ແລະການພັດທະນາ.”
ສູນການຄ້າສາກົນ ຈີນ-ມຸສລິມ ທີ່ຫາກໍສ້າງແລ້ວເມື່ອບໍ່ດົນມານີ້ ຈະເປັນເຈົ້າພາບຈັດງານ
ວາງສະແດງສິນຄ້າ ຈີນ-ອາຫຣັບ ເປັນປີທີ່ສາມ ໃນທ້າຍປີນີ້.
ເບິ່ງວີດີໂອ ພາສາລາວ:
ທ່ານ ໝາ ປິງ ນັກວິຊາການສະຖາບັນວິທະຍາສາດສັງຄົມ Ningxia ກ່າວວ່າ ເມືອງຫຼວງ
Yinchuan ຢາກຈະກາຍມາເປັນສູນກາງການຄ້າ ສໍາລັບຜະລິດຕະພັນອິສລາມ ແລະອາຫານ
Halal ຫຼືອາຫານຂອງຊາວມຸສລິມ.
“ຜະລິດຕະພັນບາງຢ່າງອາດຈະຜະລິດຢູ່ບ່ອນອື່ນ ແຕ່ຈະມີການຄ້າຂາຍກັນຢູ່ທີ່ນີ້ ຊຶ່ງ
ໝາຍຄວາມວ່າ ບັນດາພໍ່ຄ້າຊາວອາຫຣັບທັງຫຼາຍ ບໍ່ຈໍາເປັນຈະຕ້ອງດັ້ນດົ້ນໄປຮອດ
ປັກກິ່ງ ຊຽງໄຮ້ ຫຼື ກວາງໂຈ ເພື່ອຊອກຊື້ຜະລິດຕະພັນທີ່ຕ້ອງການ ຫລືທຸກໆສິ່ງທີ່
ຊາວມຸສລິມກິນ ດື່ມ ຫຼືນຸ່ງຖືນັ້ນ ເຂົາເຈົ້າຈະພາກັນມາຊື້ຢູ່ໜີ້ໝົດ.”
ນາງ ຫຼິວ ແມ່ຄ້າຂາຍອາຫານແຫ້ງທ້ອງຖິ່ນ ທີ່ມາຢູ່ທີ່ນີ້ໄດ້ພຽງສີ່ເດືອນ ກ່າວວ່າ ເວລາບໍ່ມີ
ກອງປະຊຸມຢູ່ທີ່ນີ້ ທຸລະກິດກໍຈະຊົບເຊົາແດ່.
“ທຸກສິ່ງກໍາລັງດີຂຶ້ນ ໂດຍສະເພາະຖ້າສົມທຽບໃສ່ຕອນເລີ່ມຕົ້ນໃໝ່ໆ ຄືທໍາອິດນັ້ນ ບໍ່ມີ
ຜູ້ໃດຮູ້ບ່ອນນີ້ດີປານໃດ ແລະພວກນັກທ່ອງທ່ຽວກໍບໍ່ຮູ້ວ່າ ຈະມາທີ່ນີ້ໄດ້ແນວໃດ.”
ຊາວມຸສລິມ Hui ສືບທອດຕະກູນມາຈາກ ພວກພໍ່ຄ້າຊາວເປີເຊຍແລະອາຫຣັບ ທີ່ເດີນທາງມາ
ຊອກຄ້າຂາຍ ຕາມເສັ້ນທາງສາຍໄໝ ຫລື Silk Road ແລ້ວພາກັນຕັ້ງຖິ່ນຖານຢູ່ເລີຍ ແລະກໍ
ແຕ່ງງານກັບຄົນທ້ອງຖິ່ນ. Ningxia ເປັນເຂດປົກຄອງຕົນເອງລະດັບແຂວງແຫ່ງດຽວຂອງ
ຈີນ ແລະບັນດາເຈົ້າໜ້າທີ່ທ້ອງຖິ່ນຫວັງທີ່ຈະ ສວາຍໃຊ້ມູນເຊື້ອສາສະໜາອິສລາມຂອງພວກ
ເຂົາເຈົ້ານັ້ນ ຍື່ນມືໄປຫາຊາວມຸສລິມອື່ນໆໃນໂລກ.
ເບິ່ງວີດີໂອ ພາສາອັງກິດ:
ສາສະດາຈານ Jackie Armijo ທີ່ສອນວິຊາກິດຈະການສາກົນ ຢູ່ມະຫາວິທະຍາໄລຄາຕ້າ
ກ່າວວ່າ ລາວໄດ້ພົບຊາວຮຸ້ຍຫລາຍໆຄົນ ໃນຈີນ ທີ່ພາກັນປະກອບກິດຈະກໍາການຄ້າຕ່າງໆ.
“ບັນດານັກຮຽນ ທີ່ຮຽນສໍາລັບຈາກມະຫາວິທະຍາໄລອິສລາມເຫຼົ່ານີ້ ຊຶ່ງແນ່ນອນແມ່ນ
ໂຮມທັງການເຝິກແອບຮຽນພາສາອາຣາບິກກັນຢ່າງຂຸ້ນແຂ້ວຕັ້ງໜ້ານໍານັ້ນ ຫລາຍຄົນ
ບໍ່ຮັບຕໍາແໜ່ງເປັນອີມໍາ ຫຼືນັກບວດອິສລາມ ແຕ່ຈະອອກໄປຊອກຫາວຽກເຮັດງານທໍາ
ພໍຮຽນຈົບແລ້ວ ແລະໂດຍພື້ນຖານແລ້ວ ກໍແມ່ນພວກທຸລະກິດຕ່າງໆ ທີ່ຊາວຕາເວັນ
ອອກກາງທັງຫຼາຍ ໄດ້ປະກອບ ຂຶ້ນມານັ້ນ.”
ນອກເໜືອຈາກເຂດສູນກາງທຸລະກິດແລ້ວ ກໍມີໂຄງການໃຫຍ່ໃໝ່ໆອື່ນໆອີກ ເພື່ອເນ້ນຢໍ້າ
ແລະສະແດງເຖິງວັດທະນະທໍາອິສລາມຂອງເຂດ Ningxia ນັ້ນ ໂຮມທັງສວນວັດທະນະທໍາ
ແຫ່ງຊາດຂອງຊາວຈີນ Hui ມຸສລິມ ແລະເມືອງມຸສລິມໂລກ ຊຶ່ງເປັນໂຄງການໃຫຍ່ມູນຄ່າ
ຫຼາຍພັນລ້ານໂດລາ ທີ່ໄດ້ມີແຜນຈະໂຮມເອົາການລົງທຶນຈາກປະເທດມຸສລິມອື່ນໆເຂົ້ານໍາ
ແຕ່ຕອນນີ້ໄດ້ຢຸດສະງັກລົງ.
ວີດີໂອກ່ຽວກັບເຂດປົກຄອງຕົນເອງ Ningxia ຂອງຈີນ: