ລິ້ງ ສຳຫລັບເຂົ້າຫາ

logo-print

ພວກນັກລົງທຶນຈີນ ປະເຊີນໜ້າກັບ ສະຫະພັນ ແຮງງານ ໃນລັດ Ohio


ພວກ​ພະນັກງານອາ​ເມຣິກັນບາງຄົນ ທີ່​ເຮັດ​ວຽກ​ໃຫ້​ບໍລິສັດຜະລິດ​ກະຈົກ​ຂອງ​ຈີນ
​ທີ່​ໃຫຍ່​ທີ່​ສຸດ ພວມພະຍາຍາມຈັດຕັ້ງສະຫະພັນແຮງ​ງານຂຶ້ນ​ໃນໂຮງງານຂອງເຂົາເຈົ້າ
ໃນ​ລັດ Ohio ທີ່ຕັ້ງຢູ່ທາງພາກຕາເວັນຕົກກາງ. ນັກ​ຂ່າວ VOA Calla Yu ມີ​ລາຍ​ງານ
​ວ່າ ​ນັກ​ລົງທຶນ​ຈີນຄົນນຶ່ງ ​ກຳລັງ​ປັບຕົວຂອງລາວໃຫ້ເຂົ້າກັບການເຮັດທຸລະ​ກິດຢູ່​ໃນ
​ສະຫະລັດ ຊຶ່ງ​ວັນນະ​ສ​ອນ ຈະ​ນຳ​ລາຍ​ລະອຽດມາສະ​ເໜີ​ທ່ານ.

ບໍ​ລິ​ສັດ​ເຮັດ​ກະຈົກ​ຈີນ Fuyao, ​ໄດ້ເປີດ​ກິດຈະການ​ໃນ​ເມືອງ Dayton ທີ່​ລັດ Ohio
ປະມານ 2 ປີ ກ່ອນ ດ້ວຍ​ເງິນ​ທຶນ 600 ລ້ານ​ໂດ​ລາ ເພື່ອ​ດັດ​ແປງ​ບໍລິສັດ​ເຮັດ​ລົດ​ທີ່​ຖືກ
​ປິດ​ລົງ​ນັ້ນ. ພວກ​ນັກ​ລົງ​ທຶນດັ່ງກ່າວ​ໄດ້​ເພີ່ມປະມານ 2 ພັນ​ໜ້າ​ວຽກໃໝ່ ​ເຂົ້າ​ໃສ່ໃນ​
ເສດຖະກິດ​ທ້ອງ​ຖິ່ນ​ແລະ​ກະຕຸກ​ຊຸກຍູ້ບໍ​ລິ​ສັດ Fuyao ​ໃນ​ຕະຫຼາດ​ກະຈົກໃສ່​ລົດ
​ໃນສະຫະລັດ.

​ແຕ່​ວ່າ​ບໍລິສັດນີ້ ກໍຍັງມັກ​ໄດ້​ສະ​ແດງ​ໃຫ້​ເຫັນ​ເຖິງ​ການລະ​ເມີດ​ດ້ານຄວາມປອດ​ໄພ​
ຢູ່ໃນ​ໂຮງງານ ຊຶ່ງ​ພະນັກງານຜູ້​ນຶ່ງ ຄື ທ່ານ Larry Yates Jr. ກ່າວ​ວ່າ ການສະ​ແດງ
​ອອກມາ ​ເຖິງ​ວິທີໃນ​ການ​ປະກອບ​ທຸລະ​ກິດ ຊຶ່ງທ່ານ Yates ກ່າວ​ວ່າ “ການ​ເຮັດ​ວຽກ
ຂອງ​ພວກ​ຄົນ​ງານ​ໃນ​ຈີນ ນັ້ນ ​ແມ່ນ​ບໍ່​ຄື​ກັນກັບ​ການ​ເຮັດ​ວຽກ​ຢູ່​ໃນ​ສະຫະລັດ. ທີ່​ຈີນ
ພວກ​ທ່ານ​ເຮັດ​ວຽກ 7 ມື້ ຕໍ່​ສັບປະດາ. ທ່ານຈະ​ເຮັດ ​ໃນ​ສິ່ງ​ທີ່​ທ່ານ​ຖືກ​ບອກ​ໃຫ້​ເຮັດ.
ທີ່​ສະຫະ​ລັດ ທ່ານ​ມີ​ກົດ​ລະບຽບ​ການ​ແລະແບບ​ແຜນ​ປະຕິບັດທີ່​ທ່ານ​ຈະ​ຕ້ອງ​ປະພຶດ
​ຕາມ. ຖ້າ​ຫາກ​ທ່ານ​ບໍ່​ເຮັດ​ຕາມ​ກົດ​ລະບຽບ ​ກໍແມ່ນ​ວ່າ ທ່ານ​ຈະ​ມີ​ບັນຫາ.”

ສະຖິຕິ​ຂອງ​ລັດຖະບານ​ກາງສະ​ແດງ​ໃຫ້​ເຫັນ​ວ່າ ພວກ​ກວດກາ​ຂອງ​ກະຊວງ​ແຮງງານ ​
ໄດ້​ໄປ​ຍັງ​ໂຮງການ​ເຮັດ​ກະຈົກ​ດັ່ງກ່າວ​ ຫຼາຍກວ່າ​ໄປບໍລິສັດໃດໆຂອງອາ​ເມຣິກັນ​
ທີ່​ຄ້າຍຄື​ກັນ​ນີ້. ບໍລິສັດ​ທີ່​ວ່າ​ນີ້ ​ໄດ້ຖືກ​ປັບ​ໃໝ ຫຼາຍ​ກວ່າ 100 ພັນ ​ໂດ​ລາ​ແລ້​ວ ​
ຍ້ອນລະ​ເມີດທາງດ້ານ​ຄວາມ​ປອດ​ໄພ ​ແລະ​ສຸກ​ຂະ​ອະນາ​ໄມ.

ທ່ານ Yates ກ່າວ​ວ່າ ນີ້​ສະ​ແດງ​ອອກ​ໃຫ້​ເຫັນ​ວ່າ ມັນ​ເຖິງ​ເວລາແລ້ວ​ສຳຫຼັບ​ພວກ​
ພະນັກງານ​ຂອງບໍ​ລິ​ສັດ Fuyao ທີ່​ຈະ​ຈັດຕັ້ງ​ສະຫະພັນ​ແຮງ​ງານ​ຂຶ້ນກັບ ຫຼື U-A-W.

ທ່ານ Yates ກ່າວຕື່ມ​ອີກ​ວ່າ “ດ້ວຍ​ການ​ທີ່ສະຫະພັນ​ແຮງ​ງານລົດໂອໂຕສະຫະລັດ
​ເຂົ້າ​ມາ​ພົວພັນແລະພວກເພິ່ນ​ຊ່ອຍ​ພວກ​ເຮົາ, ບອກ​ພວກ​ເຮົາ​ໃຫ້​ໄປ​ໃສ ​ໄປ​ທາງ​ໃດ
ພວກ​ເຮົາ ກໍ​ຈະສາມາດ​ເຮັດ​ວຽກ​ໄດ້​ຢ່າງ​ປອດ​ໄພ. ​ຈະ​ສາມາດ​ເປັນຕົວຂອງຕົນເອງ
ເປັນ​ປາກ ເປັນສຽງໄດ້ ​ໃນ​ການຕໍ່​ລອງ​ອີກນຳ.”

ພວກພະນັກງານໃນໂຮງງານເຮັດພື້ນແປ້ນ ທີ່ຄົນຈີນເປັນເຈົ້າຂອງ ກໍຄືບໍລິສັດ ເຮັດກະຈົກລົດ Fuyao Glass company ໃນເມືອງ Dayton, Ohio.
ພວກພະນັກງານໃນໂຮງງານເຮັດພື້ນແປ້ນ ທີ່ຄົນຈີນເປັນເຈົ້າຂອງ ກໍຄືບໍລິສັດ ເຮັດກະຈົກລົດ Fuyao Glass company ໃນເມືອງ Dayton, Ohio.

ປະທານ​ບໍ​ລິ​ສັດ​ Fuyao ອາ​ເມຣິກາ ທ່ານ Jeff Liu ກ່າວ​ວ່າ ທາງບໍລິສັດ ​ແມ່ນ​ໄດ້
ປະສານ​ງານ​ຢ່າງ​ເຕັມ​ສ່ວນ ກັບ​ຄະນະ​ກວດກາ​ດ້ານ​ຄວາ​ມປອດ​ໄພ ​ແລະ​ດັດ​ແກ້.
ບາດກ້າວ​ຕ່າງໆຂອງ ບໍ​ລິ​ສັດ​ Fuyao ນັ້ນ ​ແມ່ນ​ວ່າ ​ເປັນ​ການສະ​ແດງ​ອອກ​ ຊຶ່ງ​ຄວາມ​
ທົນ​ທານ ອົດທົນ​ຂອງຊາວ​ອາ​ເມຣິກັນ ບໍ່​ແມ່ນການຈັດ​ຕັ້ງ​ສະຫະພັນແຮງງານ
ຊຶ່ງ ທ່ານ Jeff Liu ກ່າວ​ວ່າ “​ໃນ​ສະຫະລັດ ພວກ​ເຮົາ​ຖືກ​ສອນ​ສັ່ງ​ໃຫ້ໄດ້ຮັບຄວາມ​ຝັນ
​ຂອງ​ຊາວ​ອາ​ເມຣິກັນ ຫຼື American Dream. ​ແມ່ນ​ຫຍັງ​ລະ ແມ່ນ American
Dream? ນັ້ນກໍ​ຄື ການເພິ່ງ​ພາ​ອາ​ໄສ​ຕົວ​ຂອງ​ຕົວ​ເອງ. ມັນ​ຈະ​ບໍ່​ຊ່ອຍ​ທ່ານ​ໄດ້​ດອກ
ຖ້າ​ຫາກ​ຈະ ກາງ​ຕໍ່​ໃສ່​ແຕ່ຄົນ​ອື່ນ​. ​ເພາະສະ​ນັ້ນ ບໍ່​ວ່າ​ຈະ​ເປັນພວກ​ທີ 3 ຫຼື ສ່ວນ​ບຸກຄົນ
ມື​ທີ 3 ຜູ້​ໃດ​ຜູ້​ນຶ່ງ ມັນ​ກໍ​ຈະບໍ່​ຊ່ອຍ​ຫຍັງ​. ພວກ​ເຮົາ ຈະ​ສືບ​ຕໍ່​ປະກອບ​ການ​ແບບ​ສະບັບ
​ຂອງ​ພວກ​ເຮົາ ​ແລະ​ເຮັດ​ໃຫ້​ມັນ​ດີ ​ແລະ​ພວກ​ເຮົາ ກໍ​ຈະ​ສາມາດ​ບັນລຸ​ເປົ້າ​ໝາຍ​ທີ່​ພວກ
​ເຮົາ​ຈຳ​ເປັນ​ແລະ​ຕ້ອງການ​ນັ້ນ​ໄດ້.”

ທ່ານ​ນາງ Calla Yu ນັກ​ຂ່າວ VOA ລາຍ​ງານ​ມາຈາກເມືອງ Dayton ລັດ Ohio ​ວ່າ
“​ບໍ​ລິ​ສັດ​ Fuyao ​ແມ່ນ​ກຳລັງ​ມອງ​ຫາ​ວິທີ​ທາງ​ເພື່ອ​ເຮັດຂົວໄຕ່​ ລະຫວ່າງ​ບໍ​ລິ​ສັດ​ຈີນ
​ກັບ ປະຊາ​ຄົມ​ອາ​ເມຣິກັນ. ​ໃນ​ຂະນະ​ດຽວ​ກັນ​ນັ້ນ ພວກ​ຜູ້​ຄົນ ກໍ​ແມ່ນ​ພາກັນ​ເບິ່ງ​ວ່າ:
​ບໍ​ລິ​ສັດ​ Fuyao ​ແມ່ນ​ຕັ້ງ​ໝັ້​ນຕໍ່​ປະຊາ​ຄົມ​ ໃນ​ເຂດເມືອງ Dayton ບໍ່? ພວກ​ເຂົາເຈົ້າ
​ເປັນ​ຫ່ວງ​ເປັນ​ໃຍ ຕໍ່​ພວກ​ຄົນ​ງານ​ທີ່​ປະກອບ​ການ​ຢູ່​ໃນ​ບໍ​ລິ​ສັດ ນີ້​ບໍ? ”

ບໍລິສັດນີ້​ ​ໄດ້​ບໍລິຈາກເງິນ​ປະມານ 1 ລ້ານ​ໂດ​ລາ ໃສ່ອົງການ​ກຸສົນ​ທ້ອງ​ຖິ່ນ ທີ່​ສະ​ແດງ​
ໃຫ້​ເຫັນ​ເຖິງ​ການ​ເອົາ​ໃຈ​ໃສ່​ແລະໝ​າຍໝັ້ນຕໍ່​ປະຊາ​ຄົມ​ໃນ​ຂົງ​ເຂດ.

ປະທານບໍລິສັດ Fuyao ທ່ານ Dewang Cao
ປະທານບໍລິສັດ Fuyao ທ່ານ Dewang Cao

ທ່ານ Dewang Cao ປະທານ​ບໍ​ລິ​ສັດ​ Fuyao ກ່າວ​ວ່າ “ພວກ​ເຮົາ​ເວົ້າ​ເຖິງ​ເລື່ອງ​
ຄວາມ​ບໍ່​ສອດຄ່ອງ​ຂອງ​ປະ​ເພນີ​ຮີດຄອງ ​ແມ່ນ​ບໍ? ​ບໍ​ລິ​ສັດອາ​ເມຣິກັນ ທັງຫຼາຍ ​
ແມ່ນ​ຈັດ​ຕັ້ງກອງ​ທຶນການ​ກຸສົນ. ສຳຫຼັບ​ບໍລິສັດ ທີ່​ປະກອບສ່ວນ​ໃນ​ກິດຈະກຳ​ຕ່າງໆ
​ແລະ​ການ​ກຸສົນ​ອື່ນໆໃນ​ເຂດ​ທ້ອງ​ຖິ່ນ​ແລ້ວ ມັນ​ເປັນ​ສິ່ງ​ທີ່​ປະກອບ​ຢ່າງຊອບ​ທຳ​ທີ່
​ຄວນຈະ​ປະພຶດ​ປະຕິບັດ ພ້ອມ​ທັງ​ຄວາມ​ຮັບຜິດຊອບ​ທາງ​ດ້ານ​ສັງຄົມ​ນຳ​ອີກ.”

ພະນັກງານ​ບໍລິ​ສັດ​ Fuyao ​ຄົນ​ນຶ່ງ ທ່ານ Wendel Rutledge ກ່າວ​ວ່າ ພໍ​ລາວ​ໄດ້
​ຮູ້​ກ່ຽວ​ກັບ​ການ​ກຸສົນ​ນີ້​ແລ້ວ ລາວ​ເຫັນ​ວ່າ ລາວ​ຄວນ​ຈະ​ເກັບ​ເງິນເພື່ອ​ເປັນ​ທຶນ​ການ
​ສຶກສາ​ໃຫ້​ລູກ​ຂອງ​ລາວ, ​ແຕ່​ລາວ​ບໍ່​ເຊື່ອ​ວ່າ ສະຫະພັນ​ແຮງນັ້ນ​ຈະ​ຄຳ​ຕອບ.

ທ່ານ Rutledge ພະນັກງານ​ບໍລິ​ສັດ​ Fuyao ກ່າວ​ວ່າ “ທ່ານ​ຈຳ​ເປັນ​ໃຫ້ມີສະຫະພັນ
​ແຮງ​ງານເພື່ອ​ຫຍັງ? ກົດ​ລະບຽບ​ການ ກໍ​ຄື ກົດ​ລະບຽບ​ການ. ສຳ​ຫຼັບ​ຂ້ອຍ​ ຂ້ອຍ​ບໍ່​
ເຊື່ອ​ວ່າ ກົດ​ລະບຽບ​ການ​ຂອງຜູ້​ໃດຜູ້ນຶ່ງ​ນັ້ນ ຈະ​ຄື​ກັນ​ໝົດ. ນີ້​ແມ່ນ​ອາ​ເມຣິກາ
ຄື​ວ່າທຸກ​ຄົນ ກໍ​ຍັງ​ຈະ​ມາ​ເຮັດ​ວຽກ​ໃນທີ່​ນີ້ຢູ່ ບໍ່​ໄວ ກໍ​ຊ້າ. ພວກ​ເຮົາ​ຈະ​ຕ້ອງ​ໄດ້
​ຮຽນ​ຮູ້​ແລະທີ່​ຈະ​ປັບຕົວໃຫ້​ເຂົ້າ​ກັບ​ວິຖີ​ຊີວິດ ການ​ເປັນ​ຢູ່​ນຳ.”

ພວກ​ທີ່​ໜຸນ​ຫຼັງ​ໃຫ້​ສະຫະພັນ​ແຮງງານ ​ແມ່ນ​ຈຳ​ເປັນ​ຕ້ອງ​ໄດ້ມີ​ລາຍ​ເຊັນ 30 ​ເປີ​ເຊັນ
ຂອງ​ພວກ​ພະນັກງານ​ທີ່​ເຮັດ​ວຽກ​ໃນ​ບໍລິສັດ ທີ່​ຈະ​ລົງ​ຄະ​ແນນ​ສຽງ​ຈັດ​ຕັ້ງ​ປະຕິບັດ​ການ.
ບໍ​ລິ​ສັດ​ Fuyao ​ແມ່ນ​ມີ​ຄະນະ​ກຳມະການ​ດ້ານ​ຄວາມ​ປອດ​ໄພ​ໃໝ່ ​ເພື່ອ​ຮັບ​ຟັງ​ບັນຫາ ​
ແລະ​ຄວາມ​ເປັນ​ຫ່ວງ​ຂອງ​ພວກ​ພະນັກງານ ​ແລະ​ໃນ​ຕົ້ນ​ປີ​ນີ້ ບໍ​ລິ​ສັດ​ດັ່ງກ່າວ ຍັງ​ໄດ້​ຂຶ້ນ​
ຄ່າ​ແຮງ​ງານ 2 ​ໂດ​ລາ ຕໍ່​ຊົ່ວ​ໂມງ ນຳ​ອີກ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG