ບັນດາເຈົ້າໜ້າທີ່ຈີນ ກ່າວວ່າ ຮອງລັດຖະມົນຕີ ທີ່ຮັບຜິດຊອບ
ເປັນຫົວໜ້າອົງການສືບລັບຂອງປະເທດ ໄດ້ຕົກຢູ່ໃນການ
ສືບສວນສອບສວນ ຊຶ່ງເປັນສ່ວນໜຶ່ງ ຂອງການປາບປາມ
ການສໍ້ລາດບັງຫຼວງ ໃນລັດຖະບານ.
ໃນຖະແຫລງການສະບັບໜຶ່ງ ທີ່ເປີດເຜີຍໃນວັນສຸກມື້ນີ້
ອົງການສິ້ງຊອມເບິ່ງການຕໍ່ຕ້ານການສໍ້ລາດບັງຫລວງ ຂອງ
ພັກຄອມມິວນິສ ກ່າວວ່າ ທ່ານ Ma Jian ຮອງລັດຖະມົນຕີ
ກະຊວງຮັກສາຄວາມສະຫງົບ ແມ່ນກຳລັງຖືກສືບສວນສອບ
ສວນ ຍ້ອນສົງໄສວ່າ ໄດ້ກະທຳຄວາມຜິດຢ່າງຮ້າຍແຮງ ທາງ
ລະບຽບວິໄນ ແລະ ກົດໝາຍ.
ສຳນວນຄຳເວົ້າດັ່ງກ່າວນີ້ ໂດຍທົ່ວໄປແລ້ວ ແມ່ນໝາຍເຖິງການສືບສວນສອບສວນ ເລື່ອງການສໍ້ລາດບັງຫລວງ. ອົງການດັ່ງກ່າວ ບໍ່ໄດ້ໃຫ້ລາຍລະອຽດຫຍັງຕື່ມອີກ.
ວີດີໂອ: ຈີນສືບສວນ ເຈົ້າໜ້າທີ່ສໍ້ລາດບັງຫລວງ ທີ່ມີຊັບສິນຢູ່ຕ່າງປະເທດ:
