ລິ້ງ ສຳຫລັບເຂົ້າຫາ

ລັດຖະມົນຕີ ຕ່າງປະເທດ ອິນເດຍ ແລະຈີນ ພົບປະກັນ ທີ່ ນະຄອນ ນິວເດລີ (ວີ​ດີ​ໂອ)


ລັດຖະມົນຕີ ຕ່າງປະເທດ ຈີນ ທ່ານ Wang Yi (ຊ້າຍ) ແລະຄູ່ ຕຳແໜ່ງ ລັດຖະມົນຕີຕ່າງປະເທດອິນເດຍ ທ່ານ​ນາງ Sushma Swaraj
ລັດຖະມົນຕີຕ່າງປະ​ເທດ ຈີນ ​ແລະອິນ​ເດຍ ໄດ້​ສົນທະນາ
ເພື່ອ​ຊອກ​ຫາ​ສ່ອງ​ທາງ ລຸດຜ່ອນ​ຄວາມ​ເຄັ່ງ​ຕືງຂອງ​ຊາຍ
​ແດນ ​ແລະ​ການ​ພົວພັນ​ທາງ​ດ້ານ​ເສດຖະກິດ​ໃຫ້​ດີ​ຂຶ້ນ.

ລັດຖະມົນຕີ ຕ່າງປະ​ເທດ ຈີນ ທ່ານ Wang Yi ​ແລະ​ຄູ່​ຕຳ
​ແໜ່​ງ ທ່ານ Sushma Swaraj ​ໄດ້​ພົບ​ປະ​ກັນ​ຫລາຍ​ກວ່າ​
ສາມ​ຊົ່ວ​ໂມງ ​ໃນ​ວັນ​ອາທິດ​ວານ​ນີ້​ທີ່ ນະຄອນຫຼວງ New
Delhi.

ບັນດາ​ເຈົ້າ​ໜ້າ​ທີ່ ອິນ​ເດຍ ກ່າວ​ວ່າ ທັງ​ສອງ​ປະ​ເທດ ເຫັນ​
ດີວ່າ ມີ​ໂອກາດ​ອັນ​ໃຫຍ່ຫລວງ ​ໃນສາຍສຳພັນທາງ​ດ້ານ​
ເສດຖະກິດຂອງ​ເຂົາ​ເຈົ້າ.

ມັນ​ເປັນ​ການ​ພົບ​ປ​ະລະດັບ​ສູງ​ເທຶ່ອທຳ​ອິດ ລະຫວ່າງ​ສອງ​ປະ​ເທດ ນັບ​ແຕ່​ນາຍົກລັດຖະ
ມົນຕີອິນ​ເດຍ ທ່ານ Narendra Modi ​ໄດ້​ຂຶ້ນ​ກຳອຳນາດ​ໃນ​ເດືອນ​ແລ້ວ​ນີ້​ເປັນ​ຕົ້ນ​ມາ.

ທ່ານ Wang ຄາດ​ວ່າ​ຈະ​ໄດ້​ພົບ​ປະ​ກັບ ທ່ານ Modi ກ່ອນ​ອອກເດີນທາງ​ໃນ​ວັນ​ອັງຄານ​
ມື້​ອຶ່ນນີ້.

​ໂຄສົກ​ກະ​ຊ່ວງ​ການ​ຕ່າງປະ​ເທດ ອິນ​ເດຍຄົນ​ນຶ່ງ ກ່າວ​ວ່າ ​ເວ​ທີ່​ໄດ້​ຈັດ​ໄວ້​ແລ້ວ ​ເພື່ອ​ການ
​ພົບ​ປະກັນ​ຫລາຍ​ຄັ້ງ ໃນ​ລະ​ດັບ​ສູງລະຫວ່າງ​ສອງ​ປະ​ເທດໃນ​ປີ​ນີ້.

ອັນ​ນຶ່ງ​ນັ້ນ​ກໍ​ແມ່ນການ​ຢ້ຽມຢາມ ອິນ​ເດຍ ຂອງ ປະທານ​ປະ​ເທດ​ຈີນ.
XS
SM
MD
LG