ລິ້ງ ສຳຫລັບເຂົ້າຫາ

ຈີນ ແລະອິນເດຍ ກຳນົດ ຈະແກ້ໄຂ ບັນຫາຊາຍແດນ ຢ່າງສັນຕິວິທີ (ວີດີໂອ)


India's Prime Minister Narendra Modi (R) and China's President Xi Jinping wave to the media during a photo opportunity ahead of their meeting at Hyderabad House in New Delhi, Sept. 18, 2014.

ບັນດາ​ຜູ້ນຳ​ສູງ​ສຸດ​ຂອງ​ອິນ​ເດຍ​ແລະ​ຈີນ ກ່າວ​ວ່າ ພວກ​ເຂົາ​ເຈົ້າ​
ມີ​ຄວາມ​ໝັ້ນ​ໝາຍໃນ​ການ​ແກ້ໄຂບັນຫາ​ຂັດ​ແຍ້​ງ​ດ້ານ​ຊາຍ​ແດນ
ກັນຢ່າງ​ສັນຕິ ​ເຖິງ​ແມ່ນ​ໃນຂະນະທີ່ພວກ​ທະຫານ​ຈີນ​ແລະ​ອິນ​
ເດຍສືບ​ຕໍ່​ປະ​ເຊີນ​ໜ້າກັນ ​ໃນ​ເຂດ​ຊາຍ​ແດນເລາະ​ຕາມ​ພູ​ຫິມະ​
ໄລ​ໃນ​ວັນ​ພະຫັດ​ມື້​ນີ້​ກໍ​ຕາມ.

ປະທານ​ປະ​ເທດ​ຈີນ ທ່ານ​ສີ ​ຊິນ​ປິງ ຊຶ່ງ​ເວລາ​ນີ້ກຳລັງ​ທຳ​ການ​ເຄື່ອນ​ໄຫວ​ຢ້ຽມຢາມ​ອິນ​ເດຍຢ່າງ​ເປັນ​ທາງ​ການ​ເປັນ​ເວລາ 3 ມື້ ກ່າວ​ວ່າປັກ​ກິ່ງຫວັງ​ວ່າ “ຈະ​ແກ້​ໄຂ​ບັນດາ​ຊາຍ​ແດນ​ກັນ​ໃນ​ເວລາ​ອັນ​ໄວ”​ ແຕ່ ຮອດ​ເວລາ​ນັ້ນ ທ່ານ​ກ່າວ​ວ່າ ຈີນ​ຈະ​ດຳ​ເນີນ​ງານ ​ເພື່ອ “ຮັກສາ​ສັນຕິ ພາບ​ແລະ​ຄວາມ​ງຽບ​ສະຫງົບ.”

ຄວາມ​ເຫັນ​ຂອງ​ທ່ານ Xi Jinping ມີ​ຂຶ້ນ​ຫຼັງ​ຈາກ​ການ​ພັບ​ປະກັນ​ກັບນາຍົກລັດຖະມົນຕີ Narendra Modi ທີ່ New Delhi ທີ່​ຢືນ​ຢັດ​ວ່າ ບັນ​ຫາ​ຂັດ​ແຍ້​ງກັນ​ນີ້ຈະ​ຕ້ອງ​ໄດ້​ຮັບ​ການ​ແກ້​ໄຂ “ ​ໃນ​ໄວໆນີ້”. ທ່ານໂມ​ດີ ກ່າວ​ວ່າ ສັນຕິພາບ​ຢູ່ຕາມ​ຊາຍ​ແດນ “ເປັນ​ພື້ນຖານ​ແຫ່ງ​ຄວາມ​ສຳພັນ​ລະຫວ່າງ​ສອງ​ປະ​ເທດ.”

ນີວເດ​ລີກ່າວ​ຫາ​ວ່າ ພວກ​ທະຫານ​ຈີນ​ຫຼາຍ​ຮ້ອຍ​ຄົນ​ໄດ້​ເຂົ້າ​ໄປ​ໃນ​ເຂດ​ແດນ​ຂອງ​ອິນ​ເດຍຢ່າງ​ຜິດ​ກົດໝາຍ​ທີ່ແຄວ້ນ Ladakh ທີ່​ເປັນ​ບັນຫາຂັດ​ແຍ້​ງກັນ​ນັ້ນ. ການ​ພົບ​ປະ
ກັນ​ໃນ​ແລງ​ວັນ​ພຸດ​ວານ​ນີ້ ລະຫວ່າງ​ສອງ​ຝ່າຍ ບໍ່​ໄດ້​ປະສົບ​ຜົນສຳ​ເລັດ ​ເພື່ອ​ແກ້​ໄຂ​ການ
​ປະ​ເຊີນໜ້າ​ກັນ​ນັ້ນ.

ບັນຫາ​ຂັດ​ແຍ້​ງ​ເລື້ອງ​ເຂດ​ນ້ຳ​ແດນ​ດິນ​ກັນ​ມາ​ເປັນ​ເວລາ​ດົນ​ນານ ​ເປັນ​ໄພ​ຂົ່ມຂູ່​ທີ່ຈະ​ບົດ
​ບັງ​ການ​ຢ້ຽມຢາມ​ຂອງ​ທ່ານ Xi Jinping ທີ່​ຄາດ​ກັນໄວ້​ກ່ອນ​ວ່າ ຈະ​ເພ່ງ​ເລັງ​ໃສ່​ການ​ຂະ​ຫຍາຍສາຍ​ພົວພັນ​ດ້ານ​ເສດຖະກິດ ລະຫວ່າງ​ສອງ​ມະຫາ​ອຳນາດ​ໃຫຍ່ ​ໃນ​ເອ​ເຊຍ​ນັ້ນ.

ຖ່າຍທອດສົດ ປ. ດໍໂນລ ທຣຳ ກ່າວຄຳປາໄສ ຕໍ່ ອົງການສະຫະປະຊາຊາດ

XS
SM
MD
LG