ໜັງສືພິມຈີນສະບັບນຶ່ງລາຍງານຂ່າວໃນວັນຈັນມື້ນີ້ວ່າ
ພວກແກ໊ງຄ້າມະນຸດຂ້າມຊາດກໍາລັງລັກລອບສົ່ງພວກແມ່
ຍິງຈີນ ໃນຈໍານວນຫລາຍຂຶ້ນນັບມື້ ໄປຍັງຂົງເຂດເອເຊຍ
ຕາເວັນອອກສຽງໃຕ້ ຢູໂຣບແລະທະວີບອະຟຣິກາ ບ່ອນ
ທີ່ພວກແມ່ຍິງເຫລົ່ານັ້ນຖືກບັງຄັບໃຫ້ຂາຍໂຕເປັນໂສເພນີ.
ໜັງສືພິມ China Daily ທີ່ລັດເປັນຜູ້ຄວບຄຸມ ສະບັບວັນຈັນມື້ນີ້ ອ້າງຄໍາເວົ້າຂອງເຈົ້າໜ້າທີ່ຕໍາຫລວດອາວຸໂສທ່ານນຶ່ງ ທີ່ກ່າວວ່າ ພວກແມ່ຍິງເຫລົ່ານັ້ນ ສ່ວນຫລາຍແມ່ນມາຈາກເຂດຊົນນະບົດທີ່ທຸກຍາກແລະໄດ້ຖືກພວກແກ໊ງອາຊະຍາກອນຫລອກ ໃຫ້ເຊື່ອວ່າ ພວກເຂົາເຈົ້າຈະໄດ້ໄປສຶກສາຢູໃນຕ່າງປະເທດແລະຈະໄດ້ມີວຽກການທີ່ໄດ້ເງິນດີເຮັດ.
ເຖິງຢ່າງໃດກໍຕາມ ເຈົ້າໜ້າທີ່ຕໍາຫລວດທ່ານນີ້ກ່າວວ່າ
ການລັກລອບຄ້າຂາຍແມ່ຍິງສ່ວນຫລາຍແມ່ນດໍາເນີນໄປ
ຢູ່ພາຍໃນປະເທດ ຊຶ່ງພວກແມ່ຍິງຖືກຫລອກມາຈາກເຂດທີ່ທຸກຈົນ ແລະຖືກບັງຄັບໃຫ້
ແຕ່ງງານໃນແຫ່ງອື່ນໆໃນປະເທດຈີນນັ້ນ.
ໜັງສືພິມສະບັບນີ້ຍັງກ່າວຕື່ມວ່າ ຕໍາຫລວດຈີນໄດ້ທໍາການທັບມ້າງຄະດີຄ້າມະນຸດໄດ້ຈໍາ
ນວນ 9165 ລາຍແລະໄດ້ຊ່ອຍກູ້ພວກແມ່ຍິງຈໍານວນ 17 ພັນ 746 ຄົນນັບແຕ່ເດືອນ
ເມສາປີ 2009 ເປັນຕົ້ນມາ ເວລາກະຊວງຮັກສາຄວາມປອດໄພຂອງປະຊາຊົນ ລົງມືທໍາ
ການປຸກລະດົມພິເສດຕໍ່ຕ້ານການກໍ່ອາຊະຍາກໍາທີ່ວ່ານີ້.
