ລິ້ງ ສຳຫລັບເຂົ້າຫາ

logo-print

ຈີນ ສະ​ຫຼອງ​ ການປີດຂົວ ​ທີ່​ຍາວ​ທີ່​ສຸດ​ ໃນ​ໂລກ ເພື່ອເຊື່ອມ​ຕໍ່ ​ຈີນ​ແຜ່ນ​ດິນ​ໃຫຍ່ ກັບຮົງ​ກົງ ແລະ​ມາ​ກາວ


ພາບ​ຂອງຂົວ ​ຊູ​ຮາຍ-ຮົງ​ກົງ-ມາ​ກາວ ​ແລະ​ທາງ​ເຂົ້າ ທີ່ມອງ​ຈາກ​ເກາະລານ​ໂຕ ໃນ​ຮົງ​ກົງ​, 21 ຕຸ​ລາ 2018, ​ກ່ອນ​ທີ່​ຈະ​ເປີດ​ຢ່າງ​ເປັນ​ທາງ​ການ​ໃນ​ວັນ​ທີ 23 ຕຸ​ລາ 2018.

ຈີນ ໄດ້ເປີດຂົວ​ທີ່​ຍາວ​ທີ່​ສຸດ​ໃນ​ໂລກ ທີ່​ເນັ່ງ​ຜ່ານ​ທະ​ເລ ທີ່​ເຊື່ອມ​ຕໍ່​ຈີນ​ແຜ່ນ​ດິນ​ໃຫຍ່
ກັບຮົງ​ກົງ ແລະ​ມາ​ກາວ ຊຶ່ງ​ເປັນ​ສັນ​ຍາ​ລັກ​ອັນ​ຫຼ້າ​ສຸດ​ຂອງ​ປັກ​ກິ່ງ ເຖິງ ການ​ຄວບ​ຄຸມ
​ທີ່ເຄັ່ງຄັດ​ກວ່າ​ເກົ່າ ​ກັບ​ຂົງ​ເຂດ​ເຄິ່ງປົກ​ຄອງ​ຕົນ​ເອງທັງ​ສອງ ​ນັ້ນ.

ປະ​ທານ​ປະ​ເທດ​ສີ ຈິ້ນຜິງ ແລະ​ພວກ​ຜູ້​ນຳ​ຂອງ​ເມືອງ​ໃຫຍ່ ທັງ​ສາມ​ນັ້ນ ແມ່ນປະ​ສານ​
ມື​ກັນ ໃນ​ເມືອງ​ຊູ​ຮາຍ ທາງ​ພາກ​ໃ​ຕ້​ຂອງ​ປະ​ເທດ ເພື່ອການ​ຕັດ​ແຖບຜ້າ ໃນ​ພິ​ທີເປີດ
​ງານ, ຊຶ່ງ​ມີ​ສາກ​ທີ່​ປະ​ກອບ​ດ້ວຍ​ບັ້ງ​ໄຟ​ດອກ​ທີ່​ເປັນ​ດິ​ຈິ​ໂຕ​ລ ທີ່​ຢູ່ທາງຫຼັງ​ຂອງ​ທ່ານ.

ຂົວ​ທີ່​ຍາວ 54 ກິ​ໂລ​ແມັດ ໃນ​ໂຄງ​ການ 20 ພັນ​ລ້ານ​ໂດ​ລາ ທີ່​ຮວມ​ທັງ​ອຸ​ໂມງ​ໃຕ້​ນ້ຳ,
ທີ່​ເຊື່ອມ​ຕໍ່​ເມືອງຊູ​ຮາຍ ກັບ​ຮົງ​ກົງ​ທີ່​ເປັນ​ເຂດ​ການ​ເງິນ ແລະ​ແຫຼ່ງການ​ພະ​ນັນຂອງ
ມາ​ກາວ ​ທີ່​ຂ້າມ​ຜ່ານ​ເຂດ​ສາມ​ຫລ່ຽມ ຂອງ​ແມ່ນ​ນ້ຳ​ເພີຣ໌​ລ. ໂຄງ ການກໍ່​ສ້າງ​ຂົວ​ທີ່
​ວ່າ​ນີ້ ເລີ້ມ​ຂຶ້ນ ໃນ​ປີ 2009 ແລະ​ຊັ​ກຊ້າຍ້ອນ​ຫຼາຍ​ເຫດ​ຜົນ ແລະ​ເພີ້ມ​ຄ່າ​ກໍ່​ສ້າງ​ເພີ້ມ.
ການ​ເດີນ​ທາງ​ແມ່ນ​ຈະ​ເລີ້ມແລ່ນ​ຜ່ານຂົວ​ດັ່ງ​ກ່າວ ໃນ​ວັນ​ພຸດ​ມື້​ອື່ນ​ນີ້.

ພິທີເປີດ​ຂົວ ​ຊູ​ຮາຍ-ຮົງ​ກົງ-ມາ​ກາວ ມີ​ຂຶ້ນ​ນຶ່ງ​ເດືອນ ຫຼັງ​ຈາກ​ຈີນ ໄດ້​ເປີດ​ທາງ​ລົດ​ໄຟ
ຄວາມ​ໄວ​ສູງ​ລະ​ຫວ່າງ​ຮົງ​ກົງ​ແລະ​ຈີນແຜ່ນ​ດິນ​ໃຫຍ່, ທີ່​ໄດ້​ເຮັດ​ໃຫ້​ເກີດ​ຄວາມ​ເປັນ
​ຫ່ວງ​ເປັນ​ໃຍ ທີ່​ວ່າ ປັກ​ກິ່ງ ແມ່ນ​ເລີ້ມ​ເຂົ້າ​ຄວາມ​ຄຸມ​ຢ່າງ​ຊ້າໆ ໃນ​ສິດ​ເສ​ລິ​ພາບ
ຂອງ​ດິນ​ແດນ​ດັ່ງ​ກ່າວ ທີ່​ເຄີຍ​ຊົມ​ໃຊ້ ພາຍ​ໃຕ້ “ນຶ່ງ​ປະ​ເທດສອງ​ລະ​ບົບ” ຊຶ່ງ​ແມ່ນ​
ລະ​ບຽບ​ການ​ທີ່​ໄດ້​ສ້າງ​ຕັ້ງ​ຂຶ້ນ ຕອນ​ທີ່​ອັງ​ກິດ ມອບ​ອຳ​ນາດ​ຄືນ​ ໃນ​ປີ 1997 ພຸ້ນ.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG