ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ສານຈີນຕັດສິນ ຝາກໂທດປະຫານຊີວິດຕໍ່ ນາງ Gu Kailai ສອງປີ


ທ່ານນາງ Gu Kailai ພັນລະຍາ ທ່ານ Bo Xilai ຢືນຢູ່ຕໍ່ໜ້າ ສານປະຊາຊົນຊັ້ນກາງ ທີ່ເມືອງ Hefei ຂະນະຮັບຟັງຄໍາຕັດສິນໂທດ.
ທ່ານນາງ Gu Kailai ພັນລະຍາ ທ່ານ Bo Xilai ຢືນຢູ່ຕໍ່ໜ້າ ສານປະຊາຊົນຊັ້ນກາງ ທີ່ເມືອງ Hefei ຂະນະຮັບຟັງຄໍາຕັດສິນໂທດ.
ສານ​ຂອງ​ຈີນ​ແຫ່ງ​ນຶ່ງ ​ໄດ້​ຕັດ​ສິນ​ຝາກ​ໂທດ​ປະຫານ​ຊີວິດ​ ຕໍ່ພັນ
​ລະ​ຍາຂອງ ທ່ານ Bo Xilai ​ອ​ະດີດຜູ້​ນໍາ​ພັກ​ຄອມ​ມິ​ວນິສ ທີ່​ຕົກ
​ຕໍາແໜ່​ງ ໃນ​ຖານ​ຄາດ​ຕະກໍາ ນັກທຸລະກິດ​ອັງກິດ.

ໃນ​ວັນ​ຈັນມື້​ນີ້ ສານ​ປະຊາຊົນ​ຊັ້ນ​ກາງ ທີ່​ເມືອງ Hefei ​ໄດ້​ຕັດສິນ
ລົງໂທດປະຫານ​ຊີວິດ ຕໍ່​ນາງ Gu Kailai ​ແຕ່​ຝາກ​ໂທດ​ໄວ້ສອງ​ປີ
ຫລັງ​ຈາກທີ່ນາງ​ໄດ້​ຮັບ​ສາລະພາບ ​ໃນ​ວັນທີ 9 ຜ່ານ​ມາ​ວ່າ ​ໄດ້ໃສ່​
ຢາ​ເບື່ອນັກທຸລະກິດ Neil Heywood ຫລັງ​ຈາກມີ​ບັນຫາ​ຜິດ​ຖຽງ
ກັນ​ເລື້ອງທຸລະ​ກິດ.

ການຝາກ​ໂທດ​ດັ່ງກ່າວ​ໝາຍຄວາມ​ວ່າ ​ໂທດປະຫານ​ຊີວິ​ດຈະ​ຖືກ​
ຜ່ອນຜັນ​ລົງ​ມາ​ເປັນຕິດ​ຄຸກ​ຕະຫລອດ​ຊີວິດ ຖ້າ​ຫາກ​ວ່າ​ນາງບໍ່ກະ
ທໍາຄວາມ​ຜິດໃດໆ​ອີກ​ ໃນ​ສອງ​ປີ.

ພະນັກງານໃນ​ຄອບຄົວຄົນ​ນຶ່ງ ທີ່​ຊ່ວຍ​ໃນ​ການ​ຄາດ​ຕະກໍາ​ ​ໄດ້​ຖືກ​ລົງ​ໂທດ​ຈໍາ​ຄຸກ 9 ປີ.

ນາງ Gu ​ສາລະພາບ​ວ່າ​ ໄດ້ຫລອກ​ລໍ້ ທ່ານ Heywood ຊຶ່ງ​ເປັນ​ຄູ່​ຮ່ວມ​ງານ​ທຸລະ​ກິດ​ຂອງນາງ​ໃນ​ເວລາ​ນັ້ນ ​ໄປ​ທີ່​ໂຮງ​ແຮມ​ແຫ່ງ​ນຶ່ງ​ໃນ​ເມືອງ ຈົງ​ຈິງ (Chongqing) ທາງ​ພາກ​ຕາ​ເວັນ​ຕົກ​ສຽງໃຕ້​ຂອງ​ຈີນ​ ໃນ​ເດືອນ​ພະຈິກ​ແລ້ວ​ນີ້. ຫລັງ​ຈາກ​ນັ້ນ​ ກໍໄດ້​ມອມ​ເຫລົ້າຜູ້ກ່ຽວຈົນ​ເມົາ ​ແລະ​ວາງ
ຢາ​ພິດ​ລາວ.

ສາມີ​ຂອງ​ທ່ານ​ນາງ Gu ຄື​ທ່ານ Bo Xilai ​ເວລາ​ນັ້ນ ​ກໍາລັງ​ເປັນ​ດາວ​ດວງ​ເດັ່ນ​ຂອງ​ພັກ​ຄອ​ມ
ມິ​ວນິສ ​ແຕ່​ວ່າ​ໄດ້​ຖືກ​ປົດ​ອອກ​ຈາກ​ຕໍາ​ແໜ່​ງຫົວໜ້າ​ພັກ​ຄອມ​ມິ​ວນິສ ​ເມືອງ​ຈົງ​ຈິງ ​ໃນທ່າມ
ກາງຂ່າວ​ນອງ​ນັ້​ນ​ເລື້ອງ​ການ​ສໍ້ໂກງ.
XS
SM
MD
LG