ລິ້ງ ສຳຫລັບເຂົ້າຫາ

ວັນພະຫັດ, 07 ກໍລະກົດ 2022

ລັດຖະມົນຕີຕ່າງປະເທດຈີນ ຢ້ຽມຢາມກຳປູເຈຍ ເພື່ອຫາລືກ່ຽວ ກັບໄວຣັສໂຄໂຣນາ ແລະການຄ້າ


່ນາຍົກລັດຖະມົນຕີກຳປູເຈຍ ທ່ານຮຸນ ເຊນ.

ລັດຖະມົນຕີຕ່າງປະເທດຈີນ ທ່ານຫວັງ ຢີ ຢ້ຽມຢາມກຳປູເຈຍ ເພື່ອສົນທະນາຫາລື ກ່ຽວ
ກັບໄວຣັສໂຄໂຣນາ ແລະການຄ້າ.

ລັດຖະມົນຕີການຕ່າງປະເທດຈີນ ທ່ານຫວັງ ຢິ ກຳລັງຢ້ຽມຢາມກຳປູເຈຍບ່ອນ ທີ່ທ່ານ
ຄາດວ່າ ຈະພົບປະກັບນາຍົກລັດຖະມົນຕີຮຸນ ເຊນ ແລະບັນດາເຈົ້າໜ້າ ທີ່ຄົນອື່ນໆ ເພື່ອ
ສົນທະນາຫາລື ກ່ຽວກັບໂຄວິດ-19 ແລະບັນຫາອື່ນໆຢູ່ໃນຂົງເຂດ ອີງຕາມລາຍງານ
ຂອງອົງການຂ່າວເອພີ.

ລັດຖະມົນຕີຕ່າງປະເທດກຳປູເຈຍ ກ່າວວ່າ ການພົບປະຂອງທ່ານຫວັງ ໃນວັນອາທິດ
ແລະວັນຈັນມື້ນີ້ ຈະຮວມທັງການສົນທະນາຫາລື ກ່ຽວກັບເລື້ອງການຄ້າ ແລະພ້ອມທັງ
ຄວາມປອດໄພ.

ໃນການມ້ວນທ້າຍ ການຢ້ຽມຢາມປະເທດຫວຽດນາມຊຶ່ງເປັນເພື່ອນບ້ານ ໃນວັນ ເສົາທີ່
ຜ່ານມາ ທ່ານຫວັງກ່າວວ່າຈີນໄດ້ມີແຜນທີ່ຈະບໍລິຈາກຢາວັກຊີນ 3 ລ້ານ ໂດສ ໃຫ້ແກ່
ປະເທດດັ່ງກ່າວ ຊຶ່ງເວລານີ້ ພວມຢູ່ພາຍໃຕ້ການປິດປະເທດເພື່ອ ຄວບຄຸມບໍ່ໃຫ້ມີການ
ແຜ່ລະບາດເພີ້ມຂຶ້ນຂອງໂຄວິດ-19.

ຈີນເປັນຜູ້ລົງທຶນໃຫຍ່ສຸດ ແລະເປັນພາຄີທາງດ້ານການເມືອງໃກ້ຊິດທີ່ສຸດຂອງ ກຳປູເຈຍ.
ການສະໜັບສະໜູນຂອງປັກກິ່ງ ໄດ້ອະນຸຍາດໃຫ້ກຳປູເຈຍ ບໍ່ເອົາຫົວຊາໃນຄວາມເປັນ
ຫ່ວງ ກ່ຽວກັບປະຫວັດການເຄົາລົບນັບຖືສິດທິມະນຸດແລະ ແລະສິດທິທາງດ້ານການເມືອງ
ແລະເພື່ອເປັນການຕອບແທນ ກຳປູເຈຍ ໂດຍ ທົ່ວໄປແລ້ວ ໃຫ້ການສະໜັບສະໜູນຕໍ່ທ່າ
ທີທາງພູມີສາດການເມືອງຂອງປັກກິ່ງ ຕໍ່ບັນຫາຕ່າງໆເຊັ່ນວ່າ ການອ້າງເອົາກຳມະສິດ
ຂອງຈີນ ຢູ່ໃນທະເລຈີນໃຕ້.

ອ່ານຂ່າວນີ້ເພີ້ມເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG