ມີການຍົກຍ້າຍປະຊາຊົນ ເກືອບ 100 ພັນຄົນ ຢູ່ໃນ ພາກໃຕ້ ຂອງຈີນ ຫລັງຈາກ ຄູກັ້ນນໍ້າແຫ່ງນຶ່ງ ໄດ້ພັງລົງ ໃນວັນພຸດມື້ນີ້ ເປັນເທື່ອທີ 2 ຍ້ອນແມ່ນໍ້າສາຍນຶ່ງ ທີ່ໄຫລຖ້ວມລົ້ນຝັ່ງ.
ອົງການຂ່າວຊິນຫົວ ລາຍງານວ່າ ຄູກັ້ນນໍ້າ ໄດ້ພັງລົງ ຫຼັງຈາກແມ່ນໍ້າ FUHE ທີ່ແຂວງ JIANGXI ໄດ້ໄຫລ ລົ້ນຝັ່ງຂຶ້ນຖ້ວມ. ພວກກູ້ໄພ ໄດ້ໃຊ້ເວລາ ເກືອບຕະຫຼອດຄືນ ຜ່ານມາ ຍົກຍ້າຍປະຊາຊົນ ໄປຍັງບ່ອນປອດໄພ ໂດຍເຮືອພາຍ.
ມີຝົນຕົກໜັກ ເປັນເວລາຫຼາຍໆມື້ ຢູ່ໃນພາກໃຕ້ ຂອງຈີນ ຊຶ່ງໄດ້ພາໃຫ້ ເກີດນໍ້າຖ້ວມ ທີ່ເຮັດໃຫ້ ມີຜູ້ເສຍຊີວິດ ເກືອບ 200 ຄົນ ແລະອີກ 123 ຄົນ ຫາຍສາບສູນ. ນອກນັ້ນ ຝົນຕົກໜັກ ຍັງໄດ້ພາໃຫ້ເກີດ ດິນເຈື່ອນຫຼືດິນຖະຫຼົ່ມ ທີ່ໄດ້ຕັດຂາດ ຖະໜົນຫົນທາງ ແລະລາງລົດໄຟ ໃນເຂດດັ່ງກ່າວ.
ຄາດຄະເນກັນວ່າ ໄພທຳມະຊາດ ໃນຄັ້ງນີ້ ຈະສ້າງຄວາມເສຍຫາຍ ຢ່າງນ້ອຍ 6 ພັນ ລ້ານໂດລາ ຕໍ່ເສດຖະກິດ.
