ທາງການຈີນກ່າວວ່າ ປະຊາຊົນ 57 ຄົນເສຍຊີວິດ ແລະ 29 ຄົນ ຫາຍສາບສູນໃນ
ໄພນໍ້າຖ້ວມທີ່ໄດ້ເກີດຂຶ້ນໃນທົ່ວ 3 ແຂວງ.
ກະຊວງກິດຈະການພົນລະເມືອງ ກ່າວວ່າ ປະຊາຊົນຈໍານວນຫລາຍກວ່າ 1 ລ້ານ 2
ແສນຄົນໄດ້ຖືກຍົກຍ້າຍແລະຄວາມເສຍຫາຍດ້ານເສດຖະກິດ ກະປະມານວ່າເປັນມູນຄ່າ
2 ພັນ 700 ລ້ານໂດລາ ໃນແຂວງເຮນັນ ຊານສີ ແລະຊີສວນນັ້ນ.
ອົງການຂ່າວຊິນຫົວທາງການຈີນກ່າວວ່າ ນໍ້າຖ້ວມຄັ້ງນີ້ນັບວ່າເປັນຄັ້ງຮ້າຍແຮງທີ່ສຸດ
ໃນຮອບ 50 ປີຜ່ານມາ ໃນແຂວງ ຊານສີ ຊຶ່ງທໍາມະດາເປັນບ່ອນທີ່ແຫ້ງແລ້ງໄດ້ພາໃຫ້
ມີດິນເຈື່ອນລົງທັບໂຮງງານແຫ່ງນຶ່ງຢູ່ນອກນະຄອນ Xi’an ນະຄອນຫລວງຂອງແຂວງ
ເຮັດໃຫ້ພວກຄົນງານເສຍຊີວິດໄປ 17 ຄົນ.
ອົງການຂ່າວດັ່ງກ່າວເວົ້າຕື່ມວ່າ ໃນວັນອັງຄານມື້ນີ້ ຝົນຕົກໜັກໄດ້ເຮັດໃຫ້ນໍ້າໃນແມ່ນໍ້າ
ຢັງຊີ ຍຶ່ງຂຶ້ນລົ້ນຝັ່ງ ເຮັດໃຫ້ນໍ້າໄຫລລົງໃສ່ອ່າງເກັບນໍ້າ ທາງເໜືອເຂື່ອນ 3 ໜ້າຜາ ໃນ
ປະລິມານ 45 ພັນແມັດກ້ອນຕໍ່ 1 ວິນາທີ ແລະອົງການຂ່າວຊິນຫົວເວົ້າຕື່ມວ່າ ອ່າງເກັບ
ນໍ້າແຫ່ງນີ້ແມ່ນສູງກວ່າລະດັບເຕືອນໄພ 16 ແມັດ ແລະກໍາລັງມີການປ່ອຍນໍ້າບາງສ່ວນ
ລົງມາໃສ່ຫຼັງເຂື່ອນແລ້ວ.