ທີ່ພາກຕາເວັນຕົກສ່ຽງເໜືອຂອງຈີນ ໄດ້ເກີດເຫດດິນຖະຫລົ່ມລົງມາຖົມໝູ່ບ້ານເທິງພູເຂົາແຫ່ງນຶ່ງທີ່ຍັງ ຜົນໃຫ້ມີຜູ້ຫາຍສາບສູນຢ່າງໜ້ອຍ 20 ຄົນ ໃນວັນຈັນມື້ນີ້.
ອົງການຂ່າວຊິນຫົວຂອງທາງການຈີນກ່າວວ່າ ດິນເຈຶ່ອນແລະຂີ້ຕົມທີ່ປົນດ້ວຍຫິນ ໄດ້ໄຫລລົງມາປະທະ ຫລາຍໝູ່ບ້ານໃນເຂດເມືອງ Langao ໃນແລງວັນອາທິດວານນີ້ ຫລັງຈາກມີຝົນຕົກຢ່າງຕໍ່ເນຶ່ອງເປັນ ເວລາຫລາຍມື້. ລາຍງານຂ່າວເວົ້າວ່າ ບ້ານເຮືອນ 9 ຫລັງຖືກ ຂີ້ຕົມທັບຖົມ ແລະ 20 ຄົນຫາຍສາບສູນ ໃນໝູ່ບ້ານ Muzhu ເມືອງ Ankang ແຂວງ Shaanxi.
ສື່ມວນຊົນຈີນຍັງເວົ້າອີກວ່າ ລະດັບນ້ຳທີ່ສູງຂື້ນນັ້ນ ເປັນການທົດສອບ ເຂຶ່ອນສາມໜ້າຜາຫລື Three Gorges Dam ຊຶ່ງເປັນເຂື່ອນກັ້ນນ້ຳຂະ ໜາດໃຫຍ່ ທີ່ຄາດກັນໃນອາທິດນີ້ວ່າຈະເຫັນລະດັບນ້ຳທີ່ສູງ ທີ່ສຸດໃນອ່າງ ນັບຕັ້ງແຕ່ເຂຶ່ອນດັ່ງກ່າວນີ້ສ້າງສຳເລັດລົງໃນປີ 2006.
ກະຊວງກິດຈະການພົນລະເຮືອນຂອງຈີນກ່າວວ່າ ຝົນຕົກໜັກໄດ້ເຮັດ ໃຫ້ລະດັບນ້ຳໃນໜອງ ແລະໃນ ແມ່ນ້ຳສູງເກີນລະດັບອັນຕະລາຍ.