ທາງການກຸງປັກກິງກ່າວວ່າ ຈໍານວນຜູ້ຄົນທີ່ເສຍຊີວິດ ຍ້ອນຝົນຕົກໜັກໃນຮອບ 6
ທົດສະຫວັດ ໄດ້ເພີ່ມຂຶ້ນເປັນ 37 ຄົນແລ້ວ.
ອົງການຂ່າວ Xinhua ຂອງທາງການຈີນ ລາຍງານວ່າ ມີ 25 ຄົນຈົມນໍ້າຕາຍ, 6 ຄົນ
ເສຍຊີວິດໃນເຮືອນທີ່ຫັກພັງລົງ, 5 ຄົນຖືກໄຟຊ໊ອດຕາຍ ແລະອີກ 1 ຄົນ ຕາຍຍ້ອນຟ້າຜ່າ.
ຝົນໄດ້ເລີ່ມຕົກລົງມາຢ່າງໃຫຍ່ ໃນວັນເສົາວານນີ້ ເຮັດໃຫ້ກຸງປັກກິ່ງໄດ້ຮັບນໍ້າຝົນໃນ
ອັດຕາສະເລ່ຍ 17 centimeters ໂດຍມີບາງບ່ອນໄດ້ຮັບຫລາຍເຖິງ 46 centimeters.
ນໍ້າຖ້ວມໄດ້ເຮັດໃຫ້ຊາວເມືອງຫລາຍສິບຄົນຕົກຄ້າງຢູ່ກັບບ່ອນ, ລົດລາຫລາຍໆຄັນໄຫລ
ໄປຕາມຖະໜົນຫົນທາງ ແລະໄດ້ມີການຍົກຍ້າຍຜູ້ຄົນຫຼາຍໝື່ນຄົນ.
ສະໜາມບິນນາໆຊາດທີ່ກຸງປັກກິ່ງ ໄດ້ຍົກເລີກຖ້ຽວບິນຫຼາຍຮ້ອຍຖ້ຽວ ເຮັດໃຫ້ບັນດາ
ຜູ້ໂດຍສານ 8 ໝື່ນຄົນ ຕົກຄ້າງຢູ່ທີ່ສະໜາມບິນ.
ພວກພະຍາກອນອາກາດກ່າວວ່າ ຝົນອາດຈະຕົກລົງມາອີກ ຈົນເຖິງຄໍ່າວັນຈັນມື້ນີ້.