ລັດຖະມົນຕີຕ່າງປະເທດຈີນ ກ່າວວ່າ ຕົນໄດ້ປົດ ນັກການທູດ
ອະວຸໂສຄົນໜຶ່ງຈາກຕຳແໜ່ງຂອງທ່ານ ທ່າມກາງການສືບສວນ
ສອບສວນ ໃນການລະເມີດລະບຽບວິໄນ ທີ່ບໍ່ໄດ້ລະບຸລາຍລະ
ອຽດໃຫ້ຊາບ.
ຢູ່ໃນຖະແຫລງການ ທີ່ມີປະໂຫຍກດຽວເທົ່ານັ້ນ ທີ່ນຳອອກ
ເຜີຍແຜ່ໃນວັນສຸກມື້ນີ້ ກະຊວງດັ່ງກ່າວ ບໍ່ໄດ້ໃຫ້ລາຍລະອຽດ
ຫຍັງເພີ້ມຕື່ມ ກ່ຽວກັບການປົດ ລັດຖະມົນຕີຊ່ວຍວ່າການ
ກະຊວງຕ່າງປະເທດ ທ່ານ Zhang Kunsheng.
ທ່ານ Zhang ເປັນນັກການທູດລະດັບສູງ ຜູ້ທຳອິດ ທີ່ຖືກຈັບໄດ້ ພາຍໃຕ້ ການປຸກລະດົມ ຕໍ່ຕ້ານການສໍ້ລາດບັງຫລວງ ຂອງປະທານປະເທດ ສີ ຈິ້ນຜິງ.
ສຳນວນທີ່ວ່າ “ການລະເມີດລະບຽບວິໄນ” ນັ້ນ ແມ່ນຖືກນຳມາໃຊ້ຢ່າງກວ້າງຂວາງ
ໂດຍບັນດາເຈົ້າໜ້າທີ່ຈີນ ເພື່ອອະທິບາຍເຖິງການທຸຈະລິດ.
