ພວກປະຊາຄົມຈີນຕ່າງໆໃນທົ່ວໂລກພາກັນສະເຫລີມສະຫລອງບຸນກາງລະດູໃບໄມ້ຫລົ່ນ
ອັນເປັນນຶຶ່ງໃນບັນດາເທດສະການບຸນທີ່ສໍາຄັນທີ່ສຸດໃນປະຕິທິນຈີນ.
ຕົ້ນຕໍຂອງວັນພັກທີ່ໄດ້ປະຕິບັດກັນມາເປັນເວລາຫລາຍສັດຕະວັດ ທີ່ ເອີ້ນກັນອີກຊື່ນຶ່ງວ່າ
ບຸນໄຫວ້ພະຈັນນັ້ນ ແມ່ນມາຈາກເທບພະນິຍາຍ ແຕ່ຕົກມາສະໄໝນີ້ ບຸນດັ່ງກ່າວໄດ້ກາຍ
ມາເປັນໂອກາດອັນນຶ່ງສໍາລັບພວກຄອບຄົວຕ່າງໆມາເຕົ້າໂຮມກັນພາຍໃຕ້ພະຈັນເຕັມດວງ
ອັນເປັນສັນຍະລັກແຫ່ງຄວາມມ່ວນຊື່ນເບີກບານແລະຄວາມວັດທະນາຖາວອນ ແລະເປັນ
ວັນແລກປ່ຽນເຂົ້າໜົມປະເພນີ ທີ່ເອີ້ນກັນວ່າ ເຂົ້າໜົມພະຈັນນັ້ນ.
ທີ່ກຸງປັກກິງ ພວກສະເຫລີມສະຫລອງບຸນນີ້ ພາກັນໄປທ່ຽວສວນສະທາລະນະ ທີ່ປະດັບ
ປະດາດ້ວຍໂຄມໄຟສີສັນຕ່າງໆ ຊຶ່ງບາງອັນມີຮູບໂຕມັງກອນ ຫລືພວກໂຕສັດຢູ່ໃນຈັກ
ກະຣາສີນັ້ນ.
ໃນແຫ່ງອື່ນໆ ການສະຫຼອງເທດສະການນີ້ເປັນເວລາ 3 ມື້ ໂດຍພວກປະຊາຄົມຈີນ ແມ່ນ
ມີຂຶ້ນນັບແຕ່ກຸງມານີລາ ໄປຮອດໄຕ້ຫວັນ ຕະຫຼອດທັງຢູ່ Silicon Valley ໃນລັດ Cali
fornia ແລະໃນກອງທັບເຮືອຈີນທີ່ພວກປະຕິບັດງານໃນອ່າວ Aden ນັ້ນນໍາ.
