ຈີນ ໄດ້ໄລ່ທ່ານ Guo Boxiong ຜູ້ນຳທະຫານ ອາຍຸ 73 ປີ
ອອກຈາກພັກ ຄອມມິວນິສ ທີ່ປົກຄອງປະເທດຢູ່ໃນເວລາ ໂດຍ
ກ່າວຫາທ່ານວ່າ ສໍ້ລາດບັງຫລວງ ຊຶ່ງເປັນນຶ່ງໃນພວກນາຍ
ທະຫານອະວຸໂສທີ່ສຳຄັນ ທີ່ໄດ້ຖືກປົດອອກຈາກຕຳແໜ່ງ ໃນ
ການປາບປາມການສໍ້ລາດບັງຫລວງ ໂດຍປະທານປະເທດ
Xi Jinping.
ສື່ມວນຊົນຈີນກ່າວວ່າ ທ່ານ Guo ໄດ້ຖືກໄລ່ອອກຈາກພັກ
ໃນວັນພະຫັດວານນີ້ ແລະມອບໃຫ້ບັນດາໄອຍະການທະ
ຫານ ຊຶ່ງເປັນການເຄື່ອນໄຫວທີ່ໄດ້ຄາດກັນໄວ້ແລ້ວ ຕັ້ງແຕ່
ໄດ້ຖືກສືບສວນ ໃນຕົ້ນປີນີ້.
ເປັນທີ່ຄາດກັນວ່າ ທ່ານຈະປະເຊີນໜ້າກັບການດຳເນີນຄະດີ ຢູ່ໃນລະບົບສານທີ່ຄວບ
ຄຸມໂດຍພັກຄອມມິວນິສ ຊຶ່ງມີທ່າທາງ ຈະຖືກຕັດສິນວ່າ ມີຄວາມຜິດ ແລະຖືກຕິດຄຸກ.
ທ່ານ Guo ໄດ້ຖືກກ່າວຫາວ່າ ຮັບສິນບົນ ໃນການຂຶ້ນຊັ້ນ ໃຫ້ພວກທະຫານ. ໃນຂະນະ
ທີ່ທ່ານ Guo ຢູ່ພາຍໃຕ້ການສືບສວນ ທີ່ເລີ້ມມາແຕ່ເດືອນເມສານັ້ນ ລູກຊາຍຂອງທ່ານ
ທ້າວ Guo Zhenggang ກໍໄດ້ຖືກສຶບສວນໃນເດືອນມີນາ ໂດຍຖືກກ່າວຫາວ່າ ສໍ້ລາດ
ບັງຫລວງ ແລະການກະທຳຄວາມຜິດທາງອາຍາທີ່ບໍ່ໄດ້ເຈາະຈົງຈຳນວນນຶ່ງ.