ຈີນ ກຳລັງຂະຫຍາຍ ສະຖານທີ່ ທາງທະຫານ ເທິງເກາະ ທີ່ສ້າງຂຶ້ນເອງນັ້ນ

ຈີນ ແມ່ນເກືອບວ່າໄດ້ເສັດສິ້ນ ການສ້າງທາງແລ່ນຂອງເດີ່ນບິນ
ທະຫານ ໃນເກາະດອນທຽມນຶ່ງທີ່ຈີນໄດ້ສ້າງຂຶ້ນ ຢູ່ໃນເຂດທະເລ
ຈີນໃຕ້ ທີ່ມີການຜິດຖຽງໂຕ້ແຍ້ງ ອິງຕາມພາບຖ່າຍຈາກດາວທຽມ
ທີ່ພິມເຜີຍແຜ່ ໂດຍກຸ່ມສິ້ງຊອມທາງທະເລ ກຸ່ມນຶ່ງນັ້ນ.

ອົງການລິເລີ້ມເພື່ອຄວາມໂປ່ງໄສທາງທະເລເອເຊຍ ຫຼື AMTI
ກ່າວວ່າ ຈີນຍັງດຳເນີນສືບຕໍ່ລາດຢາງແລະຂີດເສັ້ນທາງແລ່ນ
ໄລຍະ 3 ພັນແມັດ ຊຶ່ງນັກວິໄຈກ່າວວ່າ ສາມາດຮັບຮອງເຮືອບິນ
ທະຫານໃດໆກໍໄດ້ຂອງກອງທັບອາກາດຈີນ.

ກຸ່ມດັ່ງກ່າວໄດ້ລາຍງານທາງອິນເຕີແນ໊ຕ ວ່າ ສະຖານທີ່ທາງ
ທະຫານອື່ນໆ ແມ່ນຍັງຮວມທັງລານຈອດເຮືອບິນເຮລິຄອບເຕີ 2 ບ່ອນ ເຄື່ອງຮັບສົ່ງສັນ
ຍານດາວທຽມ ຫຼາຍເຖິງ 10 ເຄື່ອງ ແລະອາດຈະມີການສ້າງຫໍຄອຍ ສຳລັບເຄື່ອງເຣດ້າ
ນຳອີກ ທີ່ກຳລັງກໍ່ສ້າງຢູ່ເກາະ Fiery Cross.

ເກາະດອນທີ່ວ່ານີ້ ແມ່ນມີເນື້ອທີ່ປະມານ 2 ລ້ານ 740 ພັນ ຕາລາງແມັດ​ແລະໄດ້ກໍ່ສ້າງ
ທ່າເຮືອບາງສ່ວນໄປແລ້ວ ທີ່ມີບ່ອນຈອດເຮືອຊົ່ວຄາວຍື່ນອອກໄປ 9 ບ່ອນ ອິງຕາມອົງ
ການ AMTI ທີ່ເປັນເຄືອຂ່າຍກັບສູນການວາງແຜນຍຸດທະສາດ ແລະການຄົ້ນຄວ້າ
ສາກົນ.

ເກາະດອນນີ້​ແມ່ນ​ພຽງ 1 ​ໃນ 7 ສະຖານທີ່ ​ຢູ່ໃນເຂດ​ໝູ່​ເກາະ Spratly ບ່ອນທີ່ຈີນໄດ້
ຖົມດິນສ້າງເກາະດອນທຽມຂຶ້ນ ແລະໃນບາງກໍລະນີແມ່ນ ໄດ້ສ້າງຄ້າຍທະຫານໃສ່ນຳ​ໃນຄວາມພະຍາຍາມທີ່ເບິ່ງກັນວ່າ ເປັນການຂະຫຍາຍການມີໜ້າທາງທະຫານ​ແລະເລີ້ມບັງຄັບໃນການອ້າງເອົາກຳມະສິດຂອງຕົນ.

ຟິລິບປີນ ຫວຽດນາມ ມາເລເຊຍ ບຣູໄນ ແລະໄຕ້ຫວັນ ຕ່າງກໍອ້າງເອົາກຳມະສິດໃນບາງ ເຂດຂອງທະເລຈີນໃຕ້ເຊັ່ນກັນ ຊຶ່ງໝູ່ເກາະເຫລົ່ານີ້ ແມ່ນອຸດົມສົມບູນ ໄດ້ດ້ວຍຊັບພະຍາ ກອນທຳມະຊາດ ພ້ອມທັງເປັນເສັ້ນທາງຫຼັກໃນການຄ້າຂາຍ ແລະເປັນສັນຍາລັກຂອງ
ຄຸນຄ່າແຫ່ງຊາດນຳດ້ວຍ.