ໃນຂະນະດຽວກັນ ຈີນກໍໄດ້ໃຫ້ການສະໜັບສະໜຸນເງິນຕາຮ່ວມຂອງ ຢູໂຣບທີ່ກໍາລັງ
ປະສົບກັບບັນຫາຢູ່ນັ້ນ ໃນລະຫວ່າງການຢ້ຽມຢາມກຸງປັກກິ່ງໂດຍຄະນະນໍາພາຂອງ
ສະຫະພາບຢູໂຣບນັ້ນ.
ທ່ານ Zhou Xiaochuan ຫົວໜ້າທະນາຄານແຫ່ງຊາດຈີນ ກ່າວໃນວັນພຸດມື້ນີ້ວ່າ ຈີນ
ມີຄວາມເຊື້ອໝັ້ນໃນເງິນຢູໂຣ ແລະຈະສືບຕໍ່ລົງທຶນ ໃນການຊື້ພັນທະບັດແລະຫລັກຊັບ
ອື່ນໆທີ່ພວກປະເທດສະມາຊິກຂອງສະຫະພາບຢູໂຣບນໍາອອກມາຂາຍນັ້ນ.
ໃນຂະນະທີ່ທ່ານບໍ່ໄດ້ໃຫ້ຄໍາໝັ້ນໝາຍທີ່ເຈະຈົງໃດໆນັ້ນ ທ່ານ Zhou ສະເໜີແນະໃຫ້ຮູ້
ວ່າ ຈີນຈະດໍາເນີນງານຜ່ານກອງທຶນສາກົນຫລື IMF ແລະກອງທຶນຊ່ອຍກູ້ໜີ້ສິນສອງ
ກອງທຶນຂອງຢູໂຣບ ເພື່ອຊ່ອຍຄໍ້າປະກັນເງິນຢູໂຣທີ່ປະເຊີນກັບບັນຫານັ້ນ. ຖ້ອຍຖະ
ແຫຼງຂອງທ່ານ Zhou ນີ້ໄດ້ເນ້ນໜັກອີກຄັ້ງໃໝ່ ກ່ຽວກັບການສະເໜີແນະຂອງນາຍົກ
ລັດຖະມົນຕີເຫວິ້ນເຈຍບາວ ໃນມື້ວານນີ້.
ຖ້ອຍຖະແຫລງຂອງທ່ານ Zhou ນີ້ໄດ້ຊ່ອຍສົ່ງເສີມເງິນຢູໂຣໃນຕະຫຼາດເງິນຕາລະຫວ່າງ
ຊາດ ແລະໄດ້ຮັບການສະແດງຄວາມຍິນດີຈາກພວກຜູ້ນໍາປະເທດສະຫະພາບຢູໂຣບ ທີ່
ກໍາລັງຢູ່ໃນກຸງປັກກິ່ງເພື່ອເຂົ້າຮ່ວມກອງປະຊຸມສຸດຍອດປະຈໍາປີນັ້ນ.
