ລິ້ງ ສຳຫລັບເຂົ້າຫາ

ວິກິດການໃນຢູໂຣບ ອາດເປັນໂອກາດອັນດີ ສໍາລັບການລົງທຶນຂອງຈີນ (ເບິ່ງວີດີໂອ)

  • ດາຣາ

ເງິນຫລຽນຢູໂຣ

ບັນດາ​ເຈົ້າໜ້າ​ທີ່​ປັກ​ກິ່ງ​ໄດ້​ຢືນ​ຢັນ​ຄວາມໝາຍ​ໝັ້ນ​ຂອງ​ຈີນ​ຄືນ​ໃໝ່​ ຕໍ່ການ​ສະໜັບສະໜູນ​ເງິນຕາຢູ​ໂຣ​ແລະ​​ເສດຖະກິດ​ແຫ່ງ​ພາກ​ພື້ນ​ຢູ​ໂຣບ ໃນຂະນະ​ທີ່​ມີຄວາມບໍ່​ແນ່​ໃຈຫລາຍ​ຂຶ້ນ​ນັບ​ມື້​ກ່ຽວ​ກັບ​ວ່າ ​ພວກ​ເຈົ້າໜ້າທີ່ສະຫະພາບ​ຢູໂຣບຈະສາມາດ​ຟື້ນ​ຕົວ​ຄືນ​ຈາກ​ວິ​ກິດ​ການ​ໜີ້​ສິນ​​ຂອງ​ເຂົາ​ເຈົ້າໄດ້​ຢ່າງ​ໄວ ຫລື​ບໍ່ນັ້ນ? ດາຣາມີ​ເລຶ່ອງນີ້ມາສະເໜີ​ທ່ານ​.

ໃນ​ການຖະ​ແຫລ​ງຕໍ່​ພວກ​ນັກ​ຂ່າວ​ອາທິດ​ແລ້ວ​ນີ້ ທ່ານ ຮົງ ​ເລ ​ໂຄສົກກະຊວງຕ່າງປະ
​ເທດ​ຈີນ​ ກ່າວວ່າ ທ່ານ​ຫວັງ​ວ່າພາກ​ພື້ນ​ຢູ​ໂຣບຈະມີ​ຄວາມ​ສາມາດ​ແລະ​ຄວາມ​ສະຫລຽວ
ສະຫລາດ ພໍທີ່​ຈະ​ກ້າວ​ຜ່ານ​ວິ​ກິດ​ການ​ໜີ້​ສິນ​ຂອງ​ຕົນໄປໄດ້ ​ແລະ​ຮັບປະກັນຄວາມ​ປອດ
​ໄພ​ ແກ່​ການ​ລົງ​ທຶນ​ຕ່າງໆ​ຂອງ​ຈີນ​.

ໃນ​ຈໍານວນເງິນຕາ​ຕ່າງປະ​ເທດສໍາຮອງອັນມະຫາສານຂອງ​ຈີນ ທີ່​ມີ​ຢູ່ 2800 ຕື້​ໂດ​ລາ​ນັ້ນ
ປະມານ 25 ​ເປີ​ເຊັນ​ແມ່ນໄດ້​ລົງທຶນ​ໃສ່ເງິນ​ສະກຸນ ຢູ​ໂຣ ຊື່​ງອາດ​ເຮັດ​ໃຫ້​ປັກ​ກິ່ງຕົກ​ຢູ່​ໃນ
​ສະພາວະ​ອ່ອນ​ແອ​ໄດ້ ​ຖ້າ​ຫາກ​ຄ່າຂອງເງິນຢູ​ໂຣ ຕົກ​ຕໍ່າລົງ​.

ໃນ​ຂະນະ​ທີ່​ພວກ​ນັກວິເຄາະ​ບາງ​ຄົນ​ກ່າວ​ວ່າ ຈີນ​ຈະ​ຕ້ອງ​ສືບ​ຕໍ່​ຮັກສາ​ການ​ລົງ​ທຶນ​ຂອງ​ຕົນ
ໃນ​ເງິນ​ຢູ​ໂຣໄວ້​ຄື​ເກົ່າ ​ເຖິງ​ແມ່ນ​ກໍາລັງເກີດ​ວິ​ກິດ​ການ​ທີ່​ຮ້າ​ຍ​ແຮງ​ຍິ່ງ​ຂຶ້ນເລື້ອຍໆ​ໃນຫລາຍ
ປະ​ເທດ​ສະມາຊິກ​ ​ເຊ່ນ ອິຕາ​ລີ​ແລະກຣີສນັ້ນ​ກໍ​ຕາມ ​ແຕ່​ພວກອື່ນໆ​ກໍ​ກ່າວ​ວ່າ ວິ​ກິດ​ການ
​ດັ່ງກ່າວກໍາລັງເລັ່ງລັດ​ຄວາມ​ພະຍາຍາມຂອງ​ຈີນ ໃນການ​ເສີ​ມຂະຫຍາຍຖານະ​ດ້ານ​ເສດ
ຖະກິດ​ຂອງ​ຕົນ ຢູ່ພາຍ​ໃນ​ຢູໂຣບນັ້ນ.

ທ່ານ Jonas Parello-Plesner ແມ່ນ​ນຶ່ງ​ໃນ​ບັນດາ​ຜູ້ຂຽນ​ລາຍ​ງານ​ ທີ່​ນໍາ​ອອກ​ເຜີຍ​ແຜ່​
ໃນ​ອາທິດ​ແລ້ວ​ນີ້ ຂອງ​ສະພາ​ຢູໂຣບວ່າ​ດ້ວຍ​ຄວາມສໍາພັນກັບ​ຕ່າງປະ​ເທດ ທີ່​ສະ​ເໜີແນະ
ແນວ​ຄິດທີ່​ວ່າ ຈີນ​ກໍາລັງ​ສວຍ​ເອົາ​ປະ​ໂຫຍ​ດຈາກ​ວິ​ກິດ​ການ​ຂອງ​ຢູ​ໂຣບ ​ໂດຍ​ການ​ທໍາ​ສັນ
ຍາ​ຊື້​ຂາຍ​ທີ່​ຕໍ່າ​ກ່ວາ​ລາຄາ​ທ້ອງ​ຕະຫລາດ ​ແລະ​ຊື້​ເອົາ​ໜີ້​ສິນ​ຂອງ​ລັດຖະບານ​ຂອງ​ພວກ
​ປະ​ເທດ​ທີ່​ມີ​ບັນຫາ​ຂາດ​ດຸນ​ງົບປະມານ​ນັ້ນ. ທ່ານ Parello-Plesner ກ່າວ​ວ່າ:

“ວິ​ກິດ​ການ​ຂອງ​ຢຸ​ໂຣບນັ້ນ ກໍາລັງກາຍມາເປັນ​ໂອກາດ​ສໍາລັບຈີນ. ພວກ​ເຮົາເຄີຍໄດ້
ເຫັນ​ໂອກາດ​ທາງ​ດ້ານ​ເສດຖະກິດ​ໃນ​ປະ​ເທດຈີນ​ ສໍາລັບ​ພວກ​ປະ​ເທດ​ຢູໂຣບທີ່​ມີ​ການ​
ສົ່ງ​ອອກ​ໃນ​ລາຄາ​ຖືກ ​ແຕ່​ບັດ​ນີ້ ​ມັນແມ່ນ​ຈີນ​ທີ່ເຂົ້າ​ໄປມີໜ້າ​ຢູ່ໃນ​ພາກ​ພື້ນ​ຢູ​ໂຣບ​ ໃນ
​ວິທີ​ທາງ​ທີ່​ແຕກ​ຕ່າງກັນ​ຢ່າງ​ສິ້ນ​ເຊີງ ຊຶ່ງພວກ​ເຮົາ​ຈະ​ເຫັນ​ໄດ້ ໃນຈໍານວນ​ພັນທະບັດ
​ຂອງ​ພວກລັດຖະບານຢູໂຣບ ທີ່​ຈີນ​ຊື້​ສະ​ສົມ​ໄວ້​ຫລາຍ​ຂຶ້ນ​ເລື້ອຍ​ໆ ​ຈະ​ເຫັນ​ໄດ້ໃນ​
ວົງ​ການ​ອຸດສາຫະກໍາ​ທີ່​ກໍາລັງ​ຊຸດໂຊມ ແລະໃນໂຄງ​ລ່າ​ງພື້ນຖານ​ສາທາລະນະຕ່າງໆ
ບ່ອນ​ທີ່​ຈີນກໍາລັງ​ສ້າງສາ​ຖະໜົນ​ຫົນທາງ ​ແລະ​ເຊື່ອມ​ໂຍງ​ໃສ່​ກັບ​ພາກ​ພື້ນ​ຢູໂຣບ​ໂດຍ
​ວິທີການ​ໃໝ່ໆ.”

ນອກ​ນີ້​ແລ້ວ ລາຍ​ງານ​ຍັງ​ໄດ້​ຊີ້​ໄປ​ໃສ່​ຄວາມ​ສົນ​ໃຈ​ເປັນ​ພິ​ເສດ​ຂອງ​ຈີນ ​ໃນ​ດ້ານຊັບພະຍາ
ກອນ​ໄຮ​ເທັກ​ຂອງ​ຢູໂ​ຣບ ​ໂດຍ​ສະ​ເພາະອັນ​ທີ່​ເອີ້ນ​ກັນ​ວ່າ ​ເທັກ​ໂນ​ໂລ​ຈີ​ຂຽວ ຫລື ​green technologies ນັ້ນ.

ທ່ານ Parello-Plesner ກ່າວ​ວ່າ ລະດັບ​ການ​ລົງທຶນ​ຂອງ​ຈີນ​ກໍາລັງ​ຖີບຕົວ​ສູງ​ຂຶ້ນຢ່າງ​
ວ່ອງ​ໄວ ​ແລະ​ພາຍໃນ​ປີ 2015 ການ​ລົງ​ທຶນ​ຂອງ​ຈີນ​ໃນຢູໂຣບ​ກໍແມ່ນ​ຈະມີ​ຫລາຍກວ່າ
​ການ​ລົງທຶນ​ຂອງ​ຢູໂຣບຢູ່​ໃນ​ຈີນ ຊຶ່ງກໍ່​ໃຫ້​ເກີດ​ມີ​ຄວາມ​ເປັນ​ຫ່ວງ​ກັນ​ຫລາຍ​ຂຶ້ນ​ ໃນບັນດາ​
ປະ​ເທດ​ສະມາຊິກ​ຂອງເຂດ​ຢູ​ໂຣ ທີ່​ກ່າວ​ວ່າລັດຖະບານ​ປັກ​ກິ່ງ​ບໍ່​ປ່ອຍໃຫ້​ພວກ​ບໍລິສັດ​ຕ່າງໆ
​ຂອງ​ຢູໂຣບ ມີ​ໂອກາດ​ຫລື​ສະຖານະ​ພາບ​ທີ່​ເທົ່າ​ທຽມ​ກັນກັບ​ບໍລິສັດ​ຂອງ​ຕົນ ​ຢູ່​ໃນ​ຈີນ.
ທ່ານ Parello-Plesner ກ່າວ​ຕື່ມ​ວ່າ:

“ພວກ​ເຮົາ​ແມ່ນ​ຕ້ອງການໂອກາດ​ໃນການ​ເຂົ້າ​ເຖິງ​ພາກສ່ວນໂຄງ​ລ່າ​ງພື້ນຖານ​ສາທາລະ
ນະ​ຂອງ​ຈີນ ​ເພື່ອ​ທີ່ພວກ​ເຮົາ​ຈະໄດ້ກໍ່ສ້າງຖະໜົນ​ໃຫຍ່ໆ​ຢູ່​ໃນ​ຈີນ ຖ້າ​ຫາກ​ວ່າ​ຈີນ​ຊື້​ເອົາ
ຖະໜົນໃຫຍ່​ໆໃນຢຸ​ໂຣບ​ໄດ້​.”

ທ່ານ Parello-Plesner ກ່າວຕໍ່​ໄປ​ວ່າ​ ພວກ​ຜູ້​ນໍາຢູໂຣບຈະ​ຕ້ອງປຸ້ມລຸມ​ສາ​ມະ​ຄີ​ກັນ​ ຢູ່
​ເບື້ອງ​ຫລັງ​ການຮຽກ​ຮ້ອງທວງເອົາໂອກາດ​ທີ່​ເທົ່າ​ທຽມ​ກັນ ບົນ​ພື້ນຖານ​ຂອງ​ກົດ​ລະບຽບ
​ໃຫ້​ແກ່​ພວກ​ບໍລິສັດທຸລະ​ກິດ​ຂອງ​ຢູໂຣບນັ້ນ.

ທ່ານ Gary Locke ເອກອັກຄະລັດຖະທູດສະຫະລັດ ປະຈໍາປະເທດຈີນ (REUTERS/China Daily)
ທ່ານ Gary Locke ເອກອັກຄະລັດຖະທູດສະຫະລັດ ປະຈໍາປະເທດຈີນ (REUTERS/China Daily)

ໃນ​ອາທິດ​ແລ້ວ​ນີ້ ທ່ານ Gary
Locke ​ເອກ​ອັກຄະ​ລັດຖະທູດ
​ສະຫະລັດ​ປະ​ຈໍາ​ຈີນ ກໍ​ໄດ້​ທໍາ
ການ​ຮຽກຮ້ອງ​ໃນ​ທໍານອງ​ດຽວ
ກັນ ເພື່ອໃຫ້​ຈີນ​ປ່ອຍ​ໃຫ້​ພວກ
​ທຸລະ​ກິດ​ອາ​ເມຣິກັນໄດ້ເຂົ້າ​ເຖິງ
​ພາກສ່ວນ​ໄຮ​ເທັກ​ແລະ​ໂຄງການ
​ໂຄງ​ລ່າງ​ພື້ນຖານຕ່າງໆ​ຂອງຈີນ ຫລາຍ​ຂຶ້ນ.

ສ່ວນທ່ານນາງ Alice Richard
ນັກ​ວິເຄາະຂ່າວຈີນ​ຂອງສະພາ​ຢູ
ໂຣບ ວ່າ​ດ້ວຍ​ຄວາມ​ສໍາພັນ​ກັບ
ຕ່າງປະ​ເທດ ກໍກ່າວ​ວ່າ ຈີນ​ກໍາ
ລັງ​ເສີມ​ຂະຫຍາ​ຍອິດ​ທະ​ພົນ​ທາງ​
ກ​ານ​ເມືອງ​ຂອງ​ຕົນ ​ໄປ​ພ້ອມໆ​
ກັນ​ກັບ​ອິດ​ທິພົນ​ທາງເສດຖະກິດ
​ແລະ​ວ່າ ເຖິ​ງ​ແມ່ນ​ວ່າ​ຈີນບໍ່​ຄ່ອຍ​ຈະ​ໃຊ້​ສໍານັກງານ​ຜູ້​ແທນ​ຂອງ​ຕົນ ​ປະ​ຈໍາສະຫະພາບ
​ຢູ​ໂຣບ ​ໃນນະຄອນຫລວງ Brussells ນັ້ນ ​ເພື່ອ​ພົວພັນ​ກັບ​ປະຊາຄົມ​ການ​ທູດ ​ຫລື
ອອກ​ຖະ​ແຫລ​ງການ​ຕ່າງໆກ່ຽວກັບ​ຜົນ​ປະ​ໂຫຍດ​ຫລັກ​ຂອງ​ຕົນກໍ​ຕາມ ​ແຕ່ຍຸ​ທະສາດ
​ການໃຊ້ອໍານາດແບບ​ຄ່ອຍໆຂອງ​ຈີນ​ໃນ​ຂົງ​ເຂດນັ້ນ ກໍກໍາລັງ​ເອົາ​ຊະນະ​ຈິດ​ໃຈ​ບາງ​ຄົນ
ຢູ່​ໃນ​ວົງ​ການພວກ​ນັກການ​ເມືອງຊັ້ນ​ຫົວ​ກະທິຂອງຢູ​ໂຣບ.

ທ່ານ​ນາງ Richard ກ່າວ​ວ່າ: “ຈີນແມ່ນຈະໄປ​ມີໜ້າ​ຢູ່ໃນທຸກໆກອງ​ປະຊຸມຂອງ​ພວກ
​ອົງການ​ຄົ້ນຄວ້າ​ທັງຫລາຍ ​ໄປມີໜ້າ​ໃນທຸກໆກອງ​ປະຊຸມ​ຮັບ​ຟັງ​ຄໍາ​ໃຫ້ການ​ຂອງລັດ​ຖະ
​ສະພາ​ຢູໂຣບ ​ແລະເຂົ້າພົວພັນ​ບົນ​ພື້ນຖານ​ທີ່​ແຕກ​ຕ່າງ​ກັນ​ໂດຍ​ສິ້ນ​ເຊີງ ​ແລະມີ​ຄວາມ
​ເຕັມໃຈ​ຫລາຍ​ຂຶ້ນທີ່ຈະ​ສົນທະນາ​ຫາລື​ໃນ​ປ​ະ​ເດັນ​ບັນຫາຕ່າງໆ​ຂອງ​ຢູໂຣບ ​ແລະ​ກໍເຂົ້າ
ຮ່ວມ​ແບບ​ກຽມພ້ອມ​ຫລາຍ​ຂຶ້ນ​ກ່ວາ​ເກົ່າ. ດຽວ​ນີ້ ຈີນແມ່ນ​ຮູ້​ຈັກ​ບັນຫາທາງ​ນອກ​ທາງ
​ໃນ​ຂອງ​ຢູໂຣບ​ທຸກ​ຢ່າງ.”

ທ່ານ​ນາງ Richard ກ່າວ​ຕໍ່​ໄປ​ວ່າ ຈີນ​ໄດ້​ສຶກສາ​ເບິ່ງລາ​ຍລະອຽດທີ່​ຊັບຊ້ອນຂອງ​ການ​ກໍ່
​ຈະລາ​ຈົນ​ຢູ່​ລອນ​ດອນ​ເມື່ອ​ບໍ່​ດົນ​ມາ​ນີ້ ​ແລະ​ສະໜັບສະໜູນ ຄໍາ​ຖະ​ແຫລ​ງຂອງ​ນາຍົກລັດ
ຖະມົນຕີອັງກິດ ກ່ຽວ​ກັບ​ການ​ຄວບ​ຄຸມ​ສື່​ທາງສັງຄົມ ​ເພື່ອ​ຄວບ​ຄຸມ​ການ​ອະພິປາຍ​ຂອງ
​ມະຫາຊົນນັ້ນ.

ທ່ານ​ນາງ Richard ​ກ່າວວ່າ “​ເວົ້າ​ໃນ​ແງ່​ນັ້ນ ກໍ​ແມ່ນ​ວ່າຈີນ​ເຂົ້າ​ໃຈ​ພວກ​ເຮົາ​ດີຂຶ້ນ ​ແລະ​
ຈາກການ​ຈະລາຈົນນັ້ນ ຈີນກໍ​ຈະ​ເຂົ້າ​ໃຈ​ໄດ້​ດີຂຶ້ນ ກ່ຽວ​ກັບ​ວ່າ ຈະ​ຊັກຈູງຄວາມ​ຄິດ​ຄວາມ
​ເຫັນໃນຢູ​ໂຣບ​ໄດ້ແບບ​ໃດ.”

ແຕ່​ຢ່າງ​ໃດ​ກໍ​ຕາມ ​ເຖິງ​ແມ່ນ​ຈະ​ມີ​ຫລາຍໆ​ຄົນ​ໃນ​ຢູໂຣບທີ່​ມີ​ຄວາມ​ລະ​ແວງແຄງໃຈກ່ຽວ​ກັບ
ເຈດ​ຕະນາລົມ​ຂອງ​ຈີນ ​ແລະ​ຜົນ​ກະທົບ​ທີ່​ອາດ​ຕາມ​ມາ​ ຈາ​ກການ​ທີ່​ຈີນ​ເຂົ້າໄປ​ຊ່ວຍ​ກອບ​ກູ້​
ບັນ​ຫາ​ເສດຖະກິດ​ໃນ​ຢູໂຣບນັ້ນ​ກໍ​ຕາມ ​ແຕ່​ຈີນ​ກໍ​ຍັງພົບ​ວ່າ ມີ​ຫລາຍໆ​ປະ​ເທດ​ທີ່​ຕ້ອງການ
​ຄວາມ​ຊ່ວຍ​ເຫລືອ​ຂອງ​ຕົນ​ຢ່າງ​ກະຕືລື​ລົ້ນ.

ໃນ​ອາທິດ​ແລ້ວ​ນີ້ ຈີນ​ປະກາດ​ວ່າ​ຕົນ​ໃຫ້​ເງິນ​ກູ້​ຢືມ​ຈໍານວນນຶ່ງ​ພັນ​ລ້ານ​ໂດ​ລາ ​ແກ່​ປະ​ເທດ
​ເບ​ລາ​ຣຸສ ທີ່​ບໍ່​ແມ່ນ​ສະມາຊິກຂອງ ​EU ແລະ​ຂັດ​ສົນ​ເງິນ​ນັ້ນ ສໍາລັບດໍາ​ເນີນໂຄງການຮ່ວມ
​ກັນ​ຫລາຍໆ​ໂຄງການ ຢູ່ໃນເບ​ລາຣຸສ.

ທ່ານ Hong Lei ໂຄສົກກະຊວງຕ່າງປະເທດຈີນ
ທ່ານ Hong Lei ໂຄສົກກະຊວງຕ່າງປະເທດຈີນ

ທ່ານ ຮົງ ​ເລ ​ໂຄສົກ​ກະ​ຊວງ
ຕ່າງປະ​ເທດ​ຈີນ​ກ່າວ​ວ່າ ຈີນ
​ແລະ​ເບລາຣຸສ​ ​ກໍາລັງມີການ
​ຮ່ວມ​ມືນໍາກັນ​ໃນ​ຫລາຍໆ​ດ້ານ
​ແລະ​ບົນ​ພື້ນຖານ​ແຫ່ງ​ຜົນ​ປະ
​ໂຫຍດຮ່ວມ​ກັນ ​ແລະ​ສະຖານະ
​ພາບທີ່​ເທົ່າ​ທຽມ​ກັນ.

ແຕ່ທີ່ໂຄສົກ ຮົງ ​ເລ ​ບໍ່​ໄດ້​ກ່າວ
​ເຖິງ​ນັ້ນ ​ກໍ​ແມ່ນ​ວ່າ​ ​ເບ​ລາ​ຣຸສ
ສະໜັບສະ​ໜຸນນະ​ໂຍບາຍ​ຂອງ
ປັກ​ກິ່ງກ່ຽວ​ກັບໄຕ້​ຫວັນ ທິ​ເບ​ດ ​
ເຂດ​ຊິນ​ຈຽງ ​ແລະ​ເລຶ່ອງສິດທິ​ມະ
ນຸດ​ ຊຶ່ງ​ການ​ສະໜັບ​ສະໜັບ​ດ້ານ​ການ​ເມືອງ​ແບບນີ້ ຈີນ​ແມ່ນບໍ່​ຊົງທີ່​ຈະໄດ້​ຮັບ ຈາກພວກປະ​ເທດ​ EU ເຊັ່ນກຣີສ​ແລະ​ອີ​ຕາ​ລີນັ້ນ ​ເຖິງ​ແມ່ນ​ພວກ​ປະ​ເທດເຫລົ່າ​ນີ້ ຈະ​ປະສົບ​ກັບບັນຫາ​ເສດຖະກິດ​ທີ່ຮ້າຍ​ແຮງ ຂຶ້ນ​ນັບ​ມື້​ກໍ​ຕາມ.

ໃນວັນອັງຄານມື້ນີ້ ປາກົດວ່າມີຄວາມຫວັງຂຶ້ນມາແດ່ກ່ຽວກັບສະຖານະພາບດ້ານການເງິນ
ຂອງກຣີສ ສົ່ງຜົນໃຫ່ລາຄາຮຸ້ນຖີບຂຶ້ນຢູ່ໃນທົ່ວໂລກ. ເບິ່ງວີດີໂອຂ້າງລຸ່ມ ກ່ຽວກັບເລື່ອງນີ້:

XS
SM
MD
LG