ຈີນ ອອກ ກ.ມ. ບັງຄັບ​ໃຫ້ ລູກ​ເຕົ້າຜູ້​​ໃຫຍ່ ຊ່ອຍ​ເຫຼືອພໍ່ແມ່ ທີ່ສູງອາຍຸ (ວີດີໂອ)

ຈີນ​ໄດ້​ອອກກົດໝາຍ​ໃໝ່​ ທີ່ບັງຄັບ​ໃຫ້​ພວກລູກ​ເຕົ້າຜູ້ໃຫຍ່
​ໃຫ້​ຄວາມ​ເອົາ​ໃຈ​ໃສ່ ອູ້ມຊູຊ່ອຍ​ເຫຼືອ ພໍ່ແມ່ທີ່ຊະລາ​ພາບຂອງ​
ພວກ​ເຂົາ​ເຈົ້າ ທັງ​ໃນ​ດ້ານ​ຈິດ​ໃຈ​ແລະ​ການ​ເງິນ ບໍ່ດັ່ງນັ້ນ​
ກໍຈະ​ຖືກ​ປັບ​ໄໝ ຫຼືຖືກ​ໂທດ​ຢ່າງ​ອື່ນ. ກົດໝາຍ​ດັ່ງກ່າວ​ໄດ້​ມີ
​ຜົນ​ບັງຄັບ​ໃຊ້​ໃນ​ຕົ້ນ​ເດືອນ​ນີ້ ຊຶ່ງ​ເພີ່ມພາລະ​ໃໝ່​ໃຫ້​ແກ່ພວກ​
ລູກໆໃນ​ຍຸກລູກ​ຄົນ​ດຽວ ທີ່​ອາໄສ​ຢູ່​ໃນ​ຕົວ​ເມືອງ ​ໃນ​ການ​ທີ່​
ຈະ​ຕ້ອງ​ປະຕິບັດ​ຕາມ ມາດຕະຖານແບບດັ້ງ​ເດີມ​ຕາມ​ຮີດຄອງ​ປະ​ເພນີ ທີ່​ຈະ​ຕ້ອງ​ຮັບຜິດຊອບ ​ດູ​ແລ​ເບິ່ງ​ແຍງ​ພໍ່​ແມ່​ນັ້ນ.

ຄອບຄົວ​ຊາວ​ຈີນ​ແບບ​ດັ້ງ​ເດີມ​ນັ້ນ​ ແມ່ນ​ຈະຢູ່​ດ້ວຍ​ກັນ 3 ລຸ່ນ
ຄົນ ​ໃນ​ຫຼັງຄາ​ດຽວ​ກັນ ​ແຕ່​ວ່າສະພາວະ​ເສດຖະກິດ​ແລະຄວາມ​
ກົດ​ດັນ​ທາງ​ດ້ານ​ວຽກ​ງານ​ ​ໄດ້​ພາໃຫ້ສະມາຊິກ​ຄອບ​ຄົວຕ້ອງ ແຍກ​ຍ້າຍ​ກັນໄປ ຄົນ​ລະ​
ທິດ​ລະ​ທາງ​. ຄວາມ​ຈໍາ​ເປັນ​ທີ່​ຈະ​ຕ້ອງຊອກ​ຫາ​ວຽກ​ເຮັດ​ງານ​ທໍາ ຄວາມ​ປາດ​ຖະໜາ​ຢາກ​ດໍາ​ເນີນ​ອາຊີບ​ທີ່​ຕົນ​ມັກ ​ແລະ​ຄວາມ​ຕ້ອງການ​ຢາກ​ມີ​ອິດ​ສະລະ​ທາງ​ການ​ເງິນນັ້ນ ​ໄດ້​ພາ​ໃຫ້​ພວກ​ຄົນ​ໜຸ່ມໜີ​ອອກ​ຈາກ​ບ້ານ​ເຮືອນ​ໄປ​ ​ໂດຍປະ​ໃຫ້​ພໍ່​ແມ່ທີ່ເຖົ້າ​ແກ່​ຕ້ອງ​ຢູ່ຕາມລໍາພັງ.