ລິ້ງ ສຳຫລັບເຂົ້າຫາ

ການຄ້າຈີນ ເຂັ້ມແຂງ ເກີນຄາດ ໃນເດືອນແລ້ວນີ້


ນັກທຸລະກິດຈີນຜູ້ນຶ່ງ ນັ່ງຢູ່ຕໍ່ໜ້າຈໍລາຍງານລາຄາຮຸ້ນ ຂອງຕະຫລາດຫລັກຊັບ ຂອງບໍລິສັດເອກະຊົນ ທີ່ນະຄອນຊຽງໄຮ້ຂອງຈີນ ໃນວັນທີ 22 ພະຈິກ 2012.
ຕົວເລກດ້ານການຄ້າຂອງຈີນແມ່ນເຂັ້ມແຂງກວ່າທີ່ຄາດກັນ
ໄວ້ສໍາລັບ ເດືອນທັນວາຜ່ານມາ ຊຶ່ງເປັນຮ່ອງຮອຍ ທີ່ສະ
ແດງໃຫ້ເຫັນເພີ້ມເຕີມວ່າ ປະເທດທີ່ມີເສດຖະກິດໃຫຍ່ອັນ
ດັບສອງຂອງໂລກ ຍັງສືບຕໍ່ຟື້ນ ຕົວຄືນຈາກສະພາບການ ຂະຫຍາຍຕົວຊັກຊ້າທີ່ສຸດໃນຮອບຫຼາຍໆປີ.

ຂໍ້ມູນຂອງທາງການທີ່ນໍາອອກເຜີຍແຜ່ໃນວັນພະຫັດມື້ນີ້
ໄດ້ສະແດງ ໃຫ້ເຫັນເຖິງການຂະຫຍາຍຕົວຂອງການສົ່ງ
ອອກສິນຄ້າຫລາຍກວ່າ 4 ເທົ່າ ທຽບໃສ່ເດືອນຜ່ານມາ
ເປັນ 14.1%. ສ່ວນສິນຄ້າຂາເຂົ້າ ໃນເດືອນທັນວາແມ່ນ
ເພີ້ມຂຶ້ນ 6% ລຸນຫລັງທີ່ບໍ່ມີການຂະຫຍາຍຕົວເລີຍ ໃນ
ເດືອນພະຈິກຜ່ານມາ.

ເຖິງແມ່ນວ່າສະພາບການໄດ້ດີຂຶ້ນໃນເດືອນທັນວາກໍຈິງແຕ່ຕົວເລກໄດ້ ສະແດງໃຫ້ເຫັນ ວ່າ ຈີນໄດ້ພາດເປົ້າໝາຍ ໃນການຂະຫຍາຍໂຕທາງ ເສດຖະກິດ ໃນລະດັບ 10% ຕາມ ທີ່ຕັ້ງໄວ້ໃນປີ 2012.

ກະຊວງການຄ້າໄດ້ທໍານາຍໃນເດືອນແລ້ວນີ້ວ່າ ການຄ້າຈະດີຂຶ້ນພຽງ “ໜ້ອຍດຽວ” ໃນປີ 2013, ໂດຍອ້າງເຖິງສະພາບຄວາມຕ້ອງການ ຂອງຕະຫລາດພາຍນອກຕໍ່າ ຍ້ອນການ ຂະຫຍາຍໂຕຊ້າຂອງເສດຖະກິດໂລກ.

ຈີນແມ່ນກໍາລັງໂຜ່ຕົວອອກ ຈາກສະພາບເສດຖະກິດຖົດຖອຍທີ່ຮ້າຍແຮງທີ່ສຸດ ນັບຕັ້ງ ແຕ່ໄດ້ເກີດວິກິດການດ້ານການເງິນຂອງໂລກໃນປີ 2008 ເປັນຕົ້ນມາ. ພວກນັກວິເຄາະ ສ່ວນໃຫຍ່ເວົ້າວ່າ ການຟື້ນໂຕ ຄືນຂອງເສດຖະກິດຈີນ ຈະເປັນການຟື້ນຄືນທີ່ຍັງບໍ່ໝັ້ນ ຄົງ ແຕ່ມີທ່າທາງວ່າ ຈີນຈະຫລີກລ່ຽງອັນທີ່ເອີ້ນກັນວ່າ “ສະພາບເສດຖະກິດຫລຸດລົງທີ່ ໜັກໜ່ວງ” ນັ້ນໄດ້.
XS
SM
MD
LG