ເສດຖະກິດຂອງຈີນ ໄດ້ຂະຫຍາຍໂຕ ໃນອັດຕາພຽງ 7.3 ເປິ
ເຊັນ ໃນໄຕມາດທີ່ສາມ ຈາກເມື່ອນຶ່ງປີກ່ອນນີ້ ຊຶ່ງເປັນການ
ເຕີບໂຕໃນອັດຕາທີ່ຕໍ່າ ສຸດ ນັບແຕ່ຕົ້ນປີ 2009 ມາ ສຳຫລັບ
ເສດຖະກິດທີ່ໃຫຍ່ອັນດັບສອງຂອງໂລກ.
ໂຕເລກທີ່ນຳອອກເຜີຍແຜ່ ໃນວັນອັງຄານມື້ນີ້ ໂດຍກົມສະຖິຕິ
ແຫ່ງຊາດ ແມ່ນເກີນຄວາມຄາດໝາຍຂອງຕະຫລາດ ແຕ່ວ່າ
ເຮັດໃຫ້ເກີດຄວາມເປັນຫ່ວງວ່າ ຈີນຈະບໍ່ບັນລຸເປົ້າໝາຍ ໃນ
ການຊຸກຍູ້ເສດຖະກິດຂອງຕົນໃຫ້ເຕີບໂຕ 7.5 ເປີເຊັນ ໃນປີນີ້.
ທ່ານ Sheng Laiyun ໂຄສົກ ກົມສະທິຕິແຫ່ງຊາດ ກ່າວວ່າ :
“ເຖິງແມ່ນວ່າ ມີການຊັກຊ້າລົງ ໃນການຂະຫຍາຍໂຕຂອງຜົນຜະລິດໂຮມພາຍໃນ
ປະເທດ ຫລື GDP ໃນໄຕມາດທີ່ສາມນີ້ກໍຕາມ ແຕ່ວ່າໂດຍທົ່ວໄປແລ້ວ ອັດຕາແຮງງານ ແລະລາຄາສິນຄ້າ ກໍຍັງທຸ່ນທ່ຽງຢູ່. ເສດຖະກິດຂອງຊາດ ປັດຈຸບັນນີ້ ກຳລັງຢູ່
ໃນສະພາບດີສົມຄວນ. ການເຕີບໂຕລວມ ສຳຫລັບສາມໄຕມາດຜ່ານມາ ແມ່ນ 7.4
ເປີເຊັນ. ໄຕມາດທີ່ສາມແມ່ນ 7.3 ເປີເຊັນ. ແນ່ນອນ ມັນເປັນການຊັກຊ້າລົງ ສົມທຽບໃສ່ກັບລະຍະດຽວກັນ ເມື່ອປີກາຍ.”
ໃນຕົ້ນປີນີ້ ຈີນໄດ້ເປີດເຜິຍມາດຕະການກະຕຸ້ນເສດຖະກິດ ຊຶ່ງຮວມທັງເພີ້ມ ການໃຊ້ຈ່າຍ
ໃນໂຄງການກໍ່ສ້າງໂຄງລ່າງພື້ນຖານຕ່າງໆ ເຊັ່ນ ທາງລົດໄຟ ເຄຫາສະຖານ ແລະຂະ
ຫຍາຍສິນເຊື່ອ.
