ເຈົ້າໜ້າທີ່ຈີນລາຍງານໃນວັນເສົາມື້ນີ້ວ່າ ໄດ້ມີການຂາດດຸນການຄ້າຢ່າງໃຫຍ່ຫຼວງໃນເດືອນ
ກຸມພາຜ່ານມາ ຂະນະທີ່ການນຳເຂົ້າສິນຄ້າ ຫຼາຍກວ່າການສົ່ງອອກ ຊຶ່ງພາໃຫ້ມີການຂາດ
ດຸນການຄ້າໃນມູນຄ່າຫຼາຍທີ່ສຸດຢ່າງນ້ອຍໃນຮອບນຶ່ງທົດສະວັດ.
ຂໍ້ມູນດ້ານພາສີ ສະແດງໃຫ້ເຫັນວ່າ ການສົ່ງອອກສິນຄ້າຂອງຈີນໃນເດືອນກຸມພາຜ່ານມານີ້
ມີມູນຄ່າ 114 ພັນ 500 ລ້ານໂດລາ ຂະນະການນຳເຂົ້າມີຍອດຢູ່ 145 ພັນ 900 ລ້ານ
ໂດລາ. ການຂາດດຸນການຄ້າ 31 ພັນ 400 ລ້ານໂດລາເປັນການຂາດດຸນການຄ້າທີ່ໃຫຍ່
ທີ່ສຸດນັບແຕ່ກາງຊຸມປີ 1990 ເປັນຕົ້ນມາ ແລະເປັນກໍລະນີພິເສດທີ່ບໍ່ຄ່ອຍໄດ້ເຫັນກັນໃນ
ການໄດ້ປຽນດຸນການຄ້າມູນຄ່າຫຼາຍພັນລ້ານໂດລາທີ່ມີມາຢ່າງຕໍ່ເນື່ອງຂອງຈີນເມື່ອໄວໆມາ
ນີ້.
ພວກນັກວິເຄາະເວົ້າວ່າ ການພະຍາຍາມຂອງຈີນ ທີ່ຈະຂາຍສິນຄ້າໃຫ້ແກ່ບັນດາຄູ່ການຄ້າ
ໃນປະເທດຕາເວັນຕົກ ບໍ່ປະສົບກັບຄວາມສຳເລັດ ຍ້ອນຜົນກະທົບຈາກວິກິດການໜີ້ສິນໃນ
ເຂດໃຊ້ຢູໂຣ ແລະການຟື້ນໂຕຄືນທາງດ້ານເສດຖະກິດທີ່ຍັງອ່ອນແອຢູ່ໃນສະຫະລັດ.