ການສຳຫຼວດທີ່ນຳອອກເຜີຍແຜ່ໃນວັນສຸກມື້ນີ້ສະແດງໃຫ້ເຫັນວ່າພາກສ່ວນການຜະລິດຂອງ
ຈີນໄດ້ຊັກຊ້າລົງ ໃນເດືອນທັນວາເປັນເດືອນທີສອງ ຍ້ອນຄວາມຕ້ອງການສິນຄ້າຂອງໂລກ
ຫຼຸດລົງພ້ອມໆກັບທີ່ໄດ້ເກີດບັນຫາທາງດ້ານການເງິນໃນສະຫະລັດ ແລະໃນຢູໂຣບ.
ດັດຊະນີຜູ້ບໍລິຫານດ້ານການຊື້ HSBC ລ່າສຸດທີ່ແນໃສ່ເພື່ອແຈ້ງລ່ວງໜ້າກ່ຽວກັບສະພາບ
ອຸສາຫະກຳຂອງຈີນ ກ່ອນການພິມເຜີຍແຜ່ຂໍ້ມູນຢ່າງເປັນທາງການແມ່ນຢູ່ໃນລະດັບ 48.7
ໃນເດືອນທັນວາຈາກລະດັບຕໍ່າຂອງໄລຍະ 32 ເດືອນ 47.7 ໃນເດືອນພະຈິກ.
ໂຕເລກທີ່ກາຍ 50 ແມ່ນສະແດງໃຫ້ເຫັນເຖິງການ ຂະຫຍາຍໂຕຂະນະທີ່ໂຕເລກຕໍ່າກວ່າ
50 ແມ່ນສະແດງໃຫ້ເຫັນເຖິງການຫຼຸດຖອຍ.
ທ່ານ Qu Hongbin ຫົວໜ້ານັກເສດຖະສາດຂອງ HSBC ກ່າວວ່າ ລະດັບຂອງການຊັກ
ຊ້າລົງແມ່ນມີຄວາມທຸ່ນທ່ຽງແລ້ວ ແຕ່ທ່ານກໍກ່າວຕື່ມວ່າ ຄວາມຕ້ອງການພາຍນອກທີ່ອ່ອນ
ແອລົງພວມເລີ່ມມີຜົນກະທົບຕໍ່ເສດຖະກິດພາຍໃນປະເທດແລ້ວ.
ທ່ານ Qu ກ່າວຕື່ມວ່າຈີນສາມາດທີ່ຈະຫຼີກລ້ຽງສະພາບເສດຖະກິດຊັກຊ້າລົງກວ່ານີ້ໄດ້ຕາບ
ໃດທີ່ມີການດຳເນີນນະໂຍບາຍເອົາມາຕະການຫຼຸດຜ່ອນທີ່ມີການກັ່ນກອງໃນໄລຍະສອງສາມ
ເດືອນນີ້.
