ເສດຖະກິດຈີນ ຍັງສືບຕໍ່ຂະຫຍາຍໂຕ

ເຈົ້າໜ້າທີ່ຈີນ ກ່າວໃນວັນສຸກມື້ນີ້ວ່າ ເສດຖະກິດໄດ້ເຕີບໂຕ
ຢ່າງແຂງແຮງ ແຕ່ກໍຊ້າລົງໜ້ອຍນຶ່ງໃນໄຕມາດທຳອິດ
ຂອງ ປີ 2011 ຂະນະທີ່ອັດຕາເງິນເຟີ້ໄດ້ສູງຂຶ້ນທັງໆທີ່ໄດ້
ມີການດຳເນີນຄວາມພະຍາຍາມເພື່ອເຮັດໃຫ້ຄ່າຄອງຊີບ
ຕໍ່າລົງ.

ສຳນັກງານສະຖິຕິແຫ່ງຊາດຂອງຈີນ ລາຍງານວ່າ ຍອດ
ຜະລິດຮວມພາຍໃນຫຼື GDP ໄດ້ຂະຫຍາຍໂຕ 9.7%
ໃນໄລຍະ 3 ເດືອນທຳອິດຂອງປີນີ້ ຫຼຸດອັດຕາການຂະ
ຫຍາຍໂຕ 9.8% ໃນໄຕມາດສຸດທ້າຍຂອງປີ 2010
ໜ້ອຍນຶ່ງ.

ແຕ່ແນວໃດກໍຕາມ ລາຄາສິນຄ້າ ໄດ້ສູງຂຶ້ນ 5.4% ລື່ນປີ
ກາຍຍ້ອນໄດ້ຮັບແຮງກົດດັນຈາກການເພີ່ມຂຶ້ນຂອງລາຄາ
ອາຫານ 11.7% ຊຶ່ງໄດ້ຖີບໂຕຂຶ້ນທັງໆທີ່ເຈົ້າໜ້າທີ່ໄດ້ຂຶ້ນ ອັດຕາດອກເບ້ຍ 4 ເທື່ອແລ້ວ ນັບແຕ່ເດືອນຕຸລາ ເປັນຕົ້ນມາ
ໃນຄວາມພະຍາຍາມເພື່ອເຮັດໃຫ້ລາຄາສິນຄ້າຖືກລົງ.