ລິ້ງ ສຳຫລັບເຂົ້າຫາ

ຈີນຈັບພວກສະຫລອງ ບຸນອີສເຕີ ທີ່ບໍ່ໄດ້ຮັບອະນຸຍາດ

  • ດາຣາ ບັກຄໍາ

ພວກຕໍາຫລວດຈີນ ທັງໃນແລະນອກເຄື່ອງແບບ ສີ້ງຊອມເບິ່ງ ບໍລິເວນທີ່ພວກສະມາຊິກຂອງໂບດ Shouwang ທີ່ບໍ່ໄດ້ຂຶ້ນທະບຽນກັບທາງການ ວາງແຜນຈະປະກອບພິທີທາງສາສະໜາ ສະຫລອງບຸນອີສເຕີ ໃນວັນອາທິດ ທີ 24 ເມສານີ້ ທີ່ນະຄອນຫລວງປັກກິ່ງ.(AP Photo/Ng Han Guan)

ທີ່​ປະ​ເທດ​ຈີນ ພວກ​ສະມາຊິກ​ຂອງ​ສາສະໜາ​ຄຣິສຕ໌ນິກາຍ Evangelical ທີ່​ບໍ່​ໄດ້​ຮັບ​ອະນຸຍາດ​ຈາກ​ລັດຖະບານ​ຈີນ ກ່າວ​ວ່າຕໍາຫລວດ​ໄດ້​ກັກ​ໂຕຊາວຄຣິສຕ໌ໄວ້ ຫລາຍ​ສິບ​ຄົນ ຫລັງ​ຈາກ​ທີ່ພວກ​ຜູ້​ນໍາໂບດໄດ້​ຝ່າຝືນ​ຄໍາ​ສັ່ງ ​ແລະ​ພາກັນ ປະກອບ​ພິທີ​ທາງ​ສາສະ​ໜາຢູ່​ກາງ​ແຈ້ງ ​ເພື່ອ​ສະຫລອງ​ບຸນ Easter ຂອງ​ສາສະໜາຄຣິສຕ໌ ​ໃນ​ວັນ​ອາທິດ​ມື້​ນີ້.

ພວກ​ເຫັນ​ເຫດການ​ເວົ້າ​ວ່າ ຕໍາຫລວດ​ໄດ້​ຢຸດ​ພວກ​ສະມາ​ຊິກ​ຂອງ​ໂບດ Shouwang ທີ່​ບໍ່​ໄດ້​ຂຶ້ນ​ທະບຽນ​ກັບ​ທາງ​ການ​ນັ້ນ ​ເວລາ​ພວກ​ເຂົາ​ເຈົ້າໄປເຕົ້າ​ໂຮມ​ກັນ​ຢູ່​ເດີ່ນ​ສາທາ ລະນະ​ແຫ່ງ​ນຶ່ງ ​ໃນເຂດ​ເໜືອ​ຂອງນະຄອນຫລວງ​ປັກ​ກິ່ງ ​ແລະ​ກວດ​ຕ້ອນ​ເອົາ​ຢ່າງ​ນ້ອຍ 30 ຄົນ ຂຶ້ນ​ລົດ​ເມ ​ໄປ​ຍັງ​ສະຖານີ​ຕໍາ​ຫລວດ.

ພວກ​ສະມາ​ຊິກ​ໂບດ​ດັ່ງກ່າວ​ພາກັນ​ໄປເຕົ້າ​ໂຮມ​ໃນ​ທີ່​ສາທາລະນະ ລຸນຫລັງ​ທີ່​ຖືກ​ຂັບ​ໄລ່ ​ເມື່ອ 3 ອາທິດ​ກ່ອນ ​ອອກ​ຈາກ​ບ່ອນ​ໂຮມ​ຊຸມນຸມ​ປະ​ຈໍາ​ ​ທີ່​ເຂົາ​ເຈົ້າ​ເຊົ່າ​ເອົາ​ນັ້ນ.

ຈີນ​ລະບຸ​ວ່າ​ ທຸກໆ​ໂບດ​ຈະ​ຕ້ອງ​ຂຶ້ນ​ທະບຽນ​ກັນ​ທາງ​ການ ​ແລະ​ລັດຖະບານປັກ​ກິ່ງ​ໄດ້​ທໍາ​ການກວດ​ລ້າງ​ເປັນ​ປະ​ຈໍາ ​ຕໍ່ພວກ​ໂບດ ທີ່ບໍ່​ຈົດ​ທະບຽນ​ແລະ​ຈັດ​ຕັ້ງຂຶ້ນ​ຢູ່​ຕາມບ້ານ​ນັ້ນ.

XS
SM
MD
LG