ເຈົ້າໜ້າທີ່ຈີນກ່າວວ່າແຜ່ນດິນໄຫວໄດ້ເຮັດໃຫ້ຕຶກອາຄານ
ພັງລົງແລະມີຜູ້ເສຍຊີວິດຢ່າງນ້ອຍ 14 ຄົນ ທີ່ແຂວງຢຸນ
ນານໃນພາກຕາເວັນຕົກສຽງໃຕ້ຂອງຈີນໃກ້ໆກັບຊາຍແດນ
ມຽນມາ.
ອົງການຂ່າວຊິນຫົວຂອງທາງການຈີນອ້າງຄຳເວົ້າຂອງພວກເຈົ້າໜ້າທີ່ທ້ອງຖິ່ນທີ່ກ່າວວ່າ
ຍັງມີຫຼາຍກວ່າ 150 ຄົນໄດ້ຮັບບາດເຈັບຈາກແຜ່ນດິນໄຫວທີ່ເກີດຂຶ້ນບໍ່ດົນຫຼັງຈາກຕອນ
ທ່ຽງຂອງວັນພະຫັດມື້ນີ້.
ອົງການຂ່າວຕ່າງໆ ອ້າງຄຳເວົ້າຂອງພວກເຈົ້າໜ້າທີ່ໃນເຂດດັ່ງກ່າວ ທີ່ເວົ້າວ່າ ມີເຮືອນ
ຫຼາຍໆຫຼັງແລະສ່ວນນຶ່ງຂອງຕະຫຼາດຊູເປີ້ມາກເກັດພັງລົງມາເຮັດໃຫ້ຜູ້ຄົນຈຳນວນນຶ່ງຕົກ
ຄ້າງຢູ່ທາງໃນ.
ອົງການສຳຫຼວດທໍລະນີວິທະຍາຂອງສະຫະລັດ ກ່າວວ່າ ແຜ່ນດິນໄຫວ ທີ່ມີຄວາມແຮງ
5.4 ຄັ້ງນີ້ແມ່ນມີຈຸດສູນກາງປະມານ 250 ຫຼັກກິໂລແມັດຫ່າງຈາກເມືອງ Dali ໃນແຂວງ
ຢຸນນານໄປທາງຕາເວັນຕົກສຽງໃຕ້ ແລະປະມານ 350 ຫຼັກກິໂລແມັດ ຫ່າງຈາກເມືອງ
Mandalay ຂອງມຽນມາ ໄປທາງຕາເວັນອອກສຽງເໜືອ ແລະຢູ່ໃຕ້ພື້ນດິນ ເລິກລົງໄປ
ປະມານ 35 ກິໂລແມັດ ແຕ່ລາຍງານຂ່າວຂອງຈີນເວົ້າວ່າ ເກີດຢູ່ເລິກລົງໄປແຕ່ພຽງ 10
ກິໂລແມັດທໍ່ນັ້ນ.
ນອກນັ້ນແລ້ວ ອົງການຂ່າວຊິນຫົວຍັງລາຍງານວ່າ ໄດ້ເກີດໄຟຟ້າມອດແລະມີການສົ່ງກຳ
ລັງທະຫານປະມານ 400 ຄົນໄປຍັງບໍລິເວນທີ່ເກີດເຫດ. ໃນເວລານີ້ ຍັງບໍ່ທັນມີລາຍງານ
ກ່ຽວກັບຜົນກະທົບຈາກແຜ່ນດິນໄຫວດັ່ງກ່າວໃນເຂດມຽນມາເທື່ອ.
