ເມືອງໃຫຍ່ທີ່ສຸດຂອງຈີນກໍາລັງຈະເລີ້ມທໍາການປາບປາມໝາຢ່າງໃຫຍ່ ເພື່ອຄວບຄຸມຈໍານວນໝາ.
ເລີ້ມແຕ່ວັນອາທິດມື້ນີ້ໄປ ບັນດາເຈົ້າໜ້າທີ່ໃນນະຄອນຊຽງ
ໄຮ້ຈະເລີ້ມຈັດຕັ້ງປະຕິບັດນະໂຍບາຍອະນຸຍາດໃຫ້ຄອບຄົວ
ນຶ່ງມີໝາພຽງໂຕດຽວ ໃນຂະນະດຽວກັນກໍຈັດຕັ້ງການເກັບ
ຄ່າເປັນເຈົ້າຂອງໝາຕໍ່າລົງແລະເສຍຄ່າປັບໄໝແພງຂຶ້ນສໍາ
ລັບພວກເຈົ້າຂອງໝາ.
ບັນດາເຈົ້າໜ້າທີ່ໃນນະຄອນຊຽງໄຮ້ກ່າວວ່າ ນະໂຍບາຍໃໝ່ນີ້ ແມ່ນມີໄວ້ເພື່ອຊ່ອຍພວກເຂົາເຈົ້າຄວບຄຸມພົນລະເມືອງໝາທີ່ກໍາລັງເພີ່ມຂຶ້ນຢ່າງໄວນັບມື້ ທີ່ມີສ່ວນພົວພັນກັບການລະບາດຂອງໂຣກໝາວໍ້ນັ້ນ.
ບັນດາເຈົ້າໜ້າທີ່ເທດສະບານກ່າວວ່າ ມີໝາຈໍານວນປະ
ມານ 8 ແສນໂຕ ຢູ່ໃນເມືອງຊຽງໄຮ້ ພ້ອມກັບພົນລະ
ເມືອງ 23 ລ້ານຄົນ ແຕ່ມີໝາພຽງແຕ່ປະມານ 140 ພັນ
ໂຕເທົ່ານັ້ນທີ່ໄດ້ລົງທະບຽນ. ພວກຊາວເມືອງຊຽງໄຮ້ບາງຄົນພາກັນຈົ່ມທຸກວ່າ ພວກເຈົ້າ
ຂອງໝາຫລາຍຄົນພາກັນປະປ່ອຍໝາຂອງຕົນໄວ້ ແລະມາບັດນີ້ພວກເຂົາເຈົ້າກໍາລັງປະ
ເຊີນພວກໝູ່ໝາ ທີ່ແລ່ນໄປແລ່ນມາຕາມຖະໜົນຫົນທາງສາຍຕ່າງໆນັ້ນ.
ສື່ມວນຊົນຈີນ ກ່າວວ່າ ນັບແຕ່ປີ 2008 ເປັນຕົ້ນມາ ນະຄອນຊຽງໄຮ້ໄດ້ບັນທຶກວ່າຢ່າງ
ໜ້ອຍມີໝາກັດ 1 ແສນກໍລະນີໃນແຕ່ລະປີ. ບັນດາເຈົ້າໜ້າທີ່ຍັງກ່າວເຊ່ນກັນວ່າ ຈໍານວນ
ໂຣກໝາວໍ້ກໍໄດ້ເພີ່ມຂຶ້ນເຊ່ນກັນ.
ພາຍໃຕ້ນະໂຍບາຍໃໝ່ຂອງນະຄອນຊຽງໄຮ້ ພວກຄອບຄົວໃດທີ່ມີໝາຫລາຍກວ່າໂຕນຶ່ງ
ແລ້ວ ຈະໄດ້ຮັບອະນຸຍາດໃຫ້ມີຕໍ່ໄປ ຕາບໃດທີ່ພວກເຂົາເຈົ້າໄປລົງທະບຽນໝາຂອງເຂົາເຈົ້າ
ກ່ອນກົດໝາຍສະບັບໃໝ່ຈະມີຜົນບັງຄັບໃຊ້.
