ນັກປະພັນ ແລະນັກເຄື່ອນໄຫວເພື່ອປະຊາທິປະໄຕ ລີ ທາຍ ໄດ້ຖືກຕັດສິນໂທດ
ຈຳຄຸກ 10 ຫລັງຈາກທ່ານໄດ້ຂຽນບົດຄວາມຫຼາຍໆເລື່ອງ ຮຽກຮ້ອງໃຫ້ປະຊາຊົນ
ປົກປ້ອງສິດທິຂອງເຂົາເຈົ້າ.
ພີ່ນ້ອງຄົນນຶ່ງຂອງນັກເຄື່ອນໄຫວທ່ານນີ້ ໄດ້ກ່າວໃນວັນພະຫັດນີ້ມື້ວ່າ ທ່ານລີ ໄດ້
ຖືກພົບເຫັນວ່າມີຄວາມຜິດໃນຂໍ້ຫາ “ບ່ອນທຳລາຍອຳນາດຂອງລັດ” ໂດຍສານແຫ່ງ
ນຶ່ງໃນພາກກາງຂອງປະເທດຈີນ ໃນຕົ້ນອາທິດ
ພີ່ນອ້ງຂອງທ່ານລີກ່າວວ່າ ທ່ານລີໄດ້ຢືນຢັນວ່າທ່ານບໍ່ມີຄວາມຜິດຕະຫລອດການດໍາ
ເນີນຄະດີ ແລະສານໄດ້ປະຕິເສດບໍ່ຍອມໃຫ້ທ່ານເລືອກ ທະນາຍຄວາມທີ່ຈະມາສູ້ຄະດີ
ໃຫ້ທ່ານເອງໄດ້.
ກຸ່ມປົກປ້ອງສິດທິມະນຸດ Wang Songlian ທີມີສຳນັກງານຕັ້ງຢູ່ຮົງກົງ ໄດ້ບອກກັບ
ວີໂອເອວ່າ ນັກເຄື່ອນໄຫວ ອາຍຸ 52 ປີທ່ານນີ້ໄດ້ຖືກຄຸກຍ້ອນວ່າທ່ານໄດ້ພິມເຜີຍແຜ່
ບົດຄວາມຕິຕຽນລັດຖະບານ ແລະຊຸກຍູ້ໃຫ້ມີປະຊາທິປະໄຕ ລົງທາງອິນເຕີແນັດ.
ທ່ານລີ ແມ່ນນັກເຄື່ອນໄຫວຈີນຄົນທີສາມ ທີ່ໄດ້ຖືກຕັດສິນຈຳຄຸກເປັນ ເວລາຍາວນານ
ໃນໄລຍະບໍ່ຮອດນຶ່ງເດືອນ ໃນຂໍ້ຫາຍຸຍົງໃຫ້ບ່ອນທຳລາຍອຳນາດຂອງລັດ. ໃນເດືອນ
ທັນວາ ທີ່ຜ່ານມາ ສານຂອງຈີນໄດ້ຕັດສີນໂທດຈຳຄຸກ ທ່ານເຈັນເວ ນັກເຄື່ອນໄຫວ
ປະຊາທິປະໄຕອະວຸໂສ ເປັນເວລາເກົ້າປີ ແລະຕັດສິນໂທດໃຫ້ນັກເຄື່ອນໄຫວ ເຈັນສີ
ຈຳຄຸກເປັນເວລາສິບປີ ຫລັງຈາກເຂົາເຈົ້າພາກັນພິມເຜີຍແຜ່ບົດຄວາມທາງອິນເຕີແນັດ
ທີ່ລັດຖະບານເຫັນວ່າມີເນື້ອໄນເພື່ອບ່ອນທຳລາຍລັດຖະບານນັ້ນ.
