ລິ້ງ ສຳຫລັບເຂົ້າຫາ

ວັນຈັນ, ໒໒ ກໍລະກົດ ໒໐໒໔

ຈີນ ກັກຂັງແມ່ຍິງຄົນນຶ່ງ ທີ່ຕິດຕັ້ງຂ່າວ ກ່ຽວກັບການທັບມ້າງເພເມືອງ Wukan


ຮູບພາບຄຸກຄຸມຂັງຢູ່ໝູ່ບ້ານ Wukan ທີ່ເຫັນຮູບພໍ່ບ້ານ ທ່ານ Lin Zuluan ຕິດຕັ້ງໂດຍພວກປະທ້ວງ ເພື່ອໃຫ້ປ່ອຍ ໂຕທ່ານ Lin.
ຮູບພາບຄຸກຄຸມຂັງຢູ່ໝູ່ບ້ານ Wukan ທີ່ເຫັນຮູບພໍ່ບ້ານ ທ່ານ Lin Zuluan ຕິດຕັ້ງໂດຍພວກປະທ້ວງ ເພື່ອໃຫ້ປ່ອຍ ໂຕທ່ານ Lin.

ຕຳຫລວດ​ຢູ່​ແຂວງ Guangdong ພາກໃຕ້​ຂອງ​ຈີນ ​ໄດ້​ກັກ​ຂັງ​ປະ​ຊາ​ຊົນ​ທີ່​ພາກັນ​ຕິດ​ຕັ້ງ​ຂໍ້​ມູນ ​ແລະ​ລາຍ​ງານ​ຂ່າວ​ກ່ຽວ​ກັບລັດຖະບານ ທີ່​ທັບ​ມ້າງ​ພວກ​ປະ​ທ້ວງ​ຢູ່ໃນ​ໝູ່​ບ້ານ​ນ້ອຍໆ Wukan ​ທີ່​ເປັນຊາວ​ປະ​ໂມງ.

ນາງ Huang Meijuan ​ແມ່​ຂອ​ງ​ເດັກນ້ອຍ​ຜູ້​ຊາຍ​ອາຍຸ 5 ປີ ​ໄດ້​ຖືກ​ນຳ​ໄປ​ຫາ​ປ້ອມ​ຍາມ​ຕຳຫລວດ​ຢູ່່​ເຂດ​ເພື່ອນ​ບ້ານ​ໄກ້​ຄຽງ Shenzhen ​ໃນ​ວັນ​ທີ 14 ກັນຍາ ທີ່ໄດ້​ສົ່ງ​ລາຍ​ງານ​ເຜີຍແຜ່​ໂດ​ຍ ສຽງ​ອາ​ເມຣິກາ ກ່ຽວ​ກັບ ໝູ່​ບ້ານ Wukan.

Wukan, China, map
Wukan, China, map

​ລາຍ​ງານ ວີ​ໂອ​ເອ ((://www.voachinese.com/a/wukan-20160913/3505073.html)) ​ໄດ້​ລາຍ​ງາ​ນກ່ຽວກັບ​ຜູ້​ເຫັນ​ເຫດການ ຂອງ​ການ​ຖະຫລົ່ມ​ຂອງເຈົ້າ​ໜ້າ​ທີ່​ຕຳຫລວດ ທີ່​ເກີດ​ຂຶ້ນໃນ​ຕອນ​ເຊົ້າ​ວັນ​ທີ 13 ກັນ​ຍາ ອັນ​ທີ່​ແຫລ່ງຂ່າວໄດ້​ກ່າວ​ຕໍ່ ວີ​ໂອ​ເອ ວ່າ ຈຳນວນ​ເຈົ້າ​ໜ້າ​ທີ່​ຢ່າງ​ຫລວງ ຫລາຍ​ໄດ້​ຖະຫລົ່ມໝູ່​ບ້ານ ຄົ້ນ​ຫາ​ບ້ານ​ເຮືອນ​ຂອງ​ຄົນ ​ແລະ​ຈັບກຸ​ມຊາວບ້ານ​ຫລາຍ​ກວ່າ​ສິບ​ຄົນ. ການ​ຖະຫລົ່ມ​ໄດ້​ເຮັດໃຫ້​ເກີດ​ການ​ປະ​ທ້ວງ​ຕິດຕາ​ມມາກັບ ອັນ​ທີ່ ບັນດາ​ຊາວບ້ານ​ກ່າວ​ວ່າ ຕຳຫລວດ​ໄດ້​ຍິງ​ແກັສນໍ້າຕາ ​ແລະ​ລູກປືນ​ຢາງ ​ເຮັດ​ໃຫ້​ຫລາຍ​ຄົນ​ໄດ້​ຮັບ​ບາດ​ເຈັບ ((://www.voachinese.com/a/wukan-20160913/3505073.html))

China Wukan Riot
please wait
Embed

No media source currently available

0:00 0:00:32 0:00
ລິງໂດຍກົງ

​ເວລາ​ມາ​ເຖິງ​ປ້ອມ​ຍາມ​ຕຳຫລວດ Shenzhen ນາງ Huang ​ໄດ້​ຖືກ​ແນະນຳ​ວ່າ ນາງຈະ​ຖືກ​ກັກ​ຂັງ​ເປັນ​ເວລາ 10 ມື້​ໃນ​ຖານ “​ແຜ່​ຂ່າວ​ຊາ​ລື” ຜ່ານທາງ Wechat ອີງ​ຕາມ​ສາມີ​ຂອງ​ລາວ ທ້າວ Wu Bin ຜູ້​ທີ່​ໄດ້​ຖືກ​ອະນຸຍາດ​ໃຫ້​ສຳພາດ​ຈາກ​ທັງ​ສອງ ສຽງ​ອາ​ເມຣິກາ ​ແລະ​ອົງການຂ່າວ​ທີ່​ພົວພັນ ວິທະຍຸ​ເອ​ເຊຍ​ເສຣີ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG