ລິ້ງ ສຳຫລັບເຂົ້າຫາ

ຄ່າເງິນຢວນຈີນ ຖີບໂຕ ສູງຂຶ້ນອີກ

  • ໄພສານ ວໍຣະຈັກ

ຄ່າເງິນຢວນ ຂອງຈີນ ຖີບໂຕຂຶ້ນ ສູ່ລະດັບສູງສຸດ ໃນຮອບຫຼາຍໆປີ ຫຼັງຈາກປັກກິ່ງ ໄດ້ໃຫ້ຄຳໝັ້ນສັນຍາ ເມື່ອໄວໆມານີ້ວ່າ ຈະປ່ອຍໃຫ້ ມີການແລກປ່ຽນ ເງິນຢວນ ແບບເສລີຫຼາຍຂຶ້ນ ກັບເງິນໂດລາ ຂອງສະຫະລັດ.

ທະນາຄານ ປະຊາຊົນຈີນ ໄດ້ຕັ້ງອັດຕາ ແລກປ່ຽນເງິນຢວນໄວ້ 6.789 ຢວນ ຕໍ່ 1 ໂດລາ ຂອງສະຫະລັດ ມີຄ່າເພີ້ມຂຶ້ນ 0.3% ຈາກມື້ວັນພະຫັດວານນີ້.

ປັກກິ່ງ ໄດ້ປະກາດ ໃນສັບປະດາແລ້ວນີ້ວ່າ ຕົນຈະປ່ອຍໃຫ້ ເງິນຢວນ ຂຶ້ນໆລົງໆ ຕາມລາຄາຕະຫຼາດ ຊຶ່ງເຮັດໃຫ້ ການຕັ້ງອັດຕາແລກປ່ຽນ ແບບຕາຍໂຕ ກັບເງິນໂດລາ ຂອງສະຫະລັດ 6.8 ຢວນ ຕໍ່ 1 ໂດລາ ທີ່ມີມາ ເປັນເວລາ 2 ປີນັ້ນ ສິ້ນສຸດລົງ. ລັດຖະບານຈີນ ໄດ້ຮັບຄວາມກົດດັນ ເພີ້ມຂຶ້ນ ຈາກສະຫະລັດ ແລະຄູ່ການຄ້າ ຕ່າງປະເທດອື່ນໆ.

ວໍຊິງຕັນ ໄດ້ຈົ່ມມາ ເປັນເວລາດົນນານ ແລ້ວວ່າ ການແລກປ່ຽນ ຕໍ່າກວ່າຄ່າທີ່ແທ້ຈິງ ຂອງເງິນຢວນນັ້ນ ອຳນວຍໃຫ້ຈີນ ໄດ້ປຽບແບບບໍ່ຍຸຕິທຳ ຢູ່ໃນຕະຫຼາດໂລກ ແລະເຮັດໃຫ້ ພວກຄົນງານ ອະເມຣິກັນ ສູນເສຍວຽກເຮັດງານທຳ.

XS
SM
MD
LG