ອະດີດລັດຖະມົນຕີກະຊວງລົດໄຟຂອງຈີນ ທີ່ດູແລການຂະ
ຫຍາຍໂຕຢ່າງວ່ອງໄວຂອງເຄືອຂ່າຍລົດໄຟຄວາມໄວສູງຂອງ
ປະເທດ ທີ່ໄດ້ເຕັມໄປດ້ວຍຂ່າວນອງນັນນັ້ນ ຖືກກ່າວຫາວ່າ
ກິນສິນບົນ ແລະໃຊ້ອໍານາດໃນທາງທີ່ບໍ່ຖືກຕ້ອງ.
ອົງການຂ່າວຊິນຫົວ ຂອງທາງການຈີນ ໄດ້ປະກາດການກ່າວຫາ
ດັ່ງກ່າວ ຕໍ່ ທ່ານ Liu Zhijun ໃນວັນພຸດມື້ນີ້. ແຕ່ອົງການຂ່າວ
ຊິນຫົວ ບໍ່ໄດ້ແຈ້ງໃຫ້ຊາບກ່ຽວກັບວັນເວລາຂອງການດໍາເນີນ
ຄະດີ ຫລືໃຫ້ຂໍ້ມູນສະເພາະເຈາະຈົງ ໃນການກ່າວຫາຕໍ່ທ່ານ
ແຕ່ຢ່າງໃດເລີຍ.
ທ່ານ Liu ໄດ້ຖືກປົດອອກຈາກຕໍາແໜ່ງຂອງທ່ານໃນປີ 2011 ຍ້ອນການລະເມີດກົດລະ
ບຽບ ທີ່ບໍ່ໄດ້ລະບຸໃຫ້ຊາບຢ່າງຮຸນແຮງ.
ອົງການຂ່າວຂອງທາງ ການຈີນດັ່ງກ່າວ ກ່ອນໜ້ານີ້ ກໍກ່າວຫາທ່ານວ່າ ໄດ້ຮັບສິນບົນ ຢ່າງຫຼວງຫຼາຍ ແລະໄດ້ອະນຸມັດສັນຍາກໍ່ສ້າງທີ່ຜິດກົດໝາຍຫລາຍສະບັບ.
ທ່ານ Liu ທີ່ມີອາຍຸ 60 ປີ ໄດ້ນໍາພາການຂະຫຍາຍເຄືອຂ່າຍລົດໄຟຫົວກະສຸນປືນ ຊຶ່ງປັດ
ຈຸບັນແມ່ນເຄືອຂ່າຍທີ່ໃຫຍ່ທີ່ສຸດຂອງໂລກ. ໂຄງການທີ່ມີຄ່າໃຊ້ຈ່າຍແພງຫລາຍນັ້ນ ໄດ້
ປະສົບກັບບັນຫາໜີ້ສິນແລະຖືກຕິຕຽນວ່າ ໄດ້ຍອມສະ ຫຼະເລື່ອງຄວາມປອດໄພເພື່ອແລກ
ກັບຄວາມໄວ.
ການຕໍາໜິເຄືອຂ່າຍລົດໄຟຄວາມໄວສູງ ໄດ້ທະວີຄວາມຮ້າຍແຮງຂຶ້ນ ລຸນຫລັງ ທີ່ລົດ
ໄຟຄວາມໄວສູງສອງຂະບວນຕໍາກັນ ໃນປີ 2011 ຢູ່ເມືອງ Wenzhou ທາງພາກຕາເວັນ
ອອກຂອງປະເທດ ຊຶ່ງໄດ້ເຮັດໃຫ້ 40 ຄົນເສຍຊີວິດ.
ໃນເດືອນແລ້ວນີ້ ຈີນເວົ້າວ່າ ຕົນໄດ້ຫຍຸບ ແລະແຍກໜ້າທີ່ຮັບຜິດຊອບຂອງກະຊວງລົດ
ໄຟ ທີ່ປະເຊີນກັບຂໍ້ຫາສໍ້ລາດບັງຫລວງ ແລະໄດ້ແບກຫາບພາລະໜີ້ ສິນເປັນຈໍານວນ ຫລວງຫລາຍນັ້ນ.
ທ່ານ Xi Jinping ປະທານປະເທດຈີນ ທີ່ຫາກໍ່ເຂົ້າກຳຕຳແໜ່ງເປັນຜູ້ນຳພັກຄອມມີວນິສ
ຫວ່າງມໍ່ໆມານີ້ ກ່າວວ່າ ການປາບປາມການສໍ້ລາດບັງຫລວງແມ່ນບູລິມະສິດອັນດັບນຶ່ງ
ສຳລັບລັດຖະບານຂອງທ່ານ.
ຫຍາຍໂຕຢ່າງວ່ອງໄວຂອງເຄືອຂ່າຍລົດໄຟຄວາມໄວສູງຂອງ
ປະເທດ ທີ່ໄດ້ເຕັມໄປດ້ວຍຂ່າວນອງນັນນັ້ນ ຖືກກ່າວຫາວ່າ
ກິນສິນບົນ ແລະໃຊ້ອໍານາດໃນທາງທີ່ບໍ່ຖືກຕ້ອງ.
ອົງການຂ່າວຊິນຫົວ ຂອງທາງການຈີນ ໄດ້ປະກາດການກ່າວຫາ
ດັ່ງກ່າວ ຕໍ່ ທ່ານ Liu Zhijun ໃນວັນພຸດມື້ນີ້. ແຕ່ອົງການຂ່າວ
ຊິນຫົວ ບໍ່ໄດ້ແຈ້ງໃຫ້ຊາບກ່ຽວກັບວັນເວລາຂອງການດໍາເນີນ
ຄະດີ ຫລືໃຫ້ຂໍ້ມູນສະເພາະເຈາະຈົງ ໃນການກ່າວຫາຕໍ່ທ່ານ
ແຕ່ຢ່າງໃດເລີຍ.
ທ່ານ Liu ໄດ້ຖືກປົດອອກຈາກຕໍາແໜ່ງຂອງທ່ານໃນປີ 2011 ຍ້ອນການລະເມີດກົດລະ
ບຽບ ທີ່ບໍ່ໄດ້ລະບຸໃຫ້ຊາບຢ່າງຮຸນແຮງ.
ອົງການຂ່າວຂອງທາງ ການຈີນດັ່ງກ່າວ ກ່ອນໜ້ານີ້ ກໍກ່າວຫາທ່ານວ່າ ໄດ້ຮັບສິນບົນ ຢ່າງຫຼວງຫຼາຍ ແລະໄດ້ອະນຸມັດສັນຍາກໍ່ສ້າງທີ່ຜິດກົດໝາຍຫລາຍສະບັບ.
ທ່ານ Liu ທີ່ມີອາຍຸ 60 ປີ ໄດ້ນໍາພາການຂະຫຍາຍເຄືອຂ່າຍລົດໄຟຫົວກະສຸນປືນ ຊຶ່ງປັດ
ຈຸບັນແມ່ນເຄືອຂ່າຍທີ່ໃຫຍ່ທີ່ສຸດຂອງໂລກ. ໂຄງການທີ່ມີຄ່າໃຊ້ຈ່າຍແພງຫລາຍນັ້ນ ໄດ້
ປະສົບກັບບັນຫາໜີ້ສິນແລະຖືກຕິຕຽນວ່າ ໄດ້ຍອມສະ ຫຼະເລື່ອງຄວາມປອດໄພເພື່ອແລກ
ກັບຄວາມໄວ.
ການຕໍາໜິເຄືອຂ່າຍລົດໄຟຄວາມໄວສູງ ໄດ້ທະວີຄວາມຮ້າຍແຮງຂຶ້ນ ລຸນຫລັງ ທີ່ລົດ
ໄຟຄວາມໄວສູງສອງຂະບວນຕໍາກັນ ໃນປີ 2011 ຢູ່ເມືອງ Wenzhou ທາງພາກຕາເວັນ
ອອກຂອງປະເທດ ຊຶ່ງໄດ້ເຮັດໃຫ້ 40 ຄົນເສຍຊີວິດ.
ໃນເດືອນແລ້ວນີ້ ຈີນເວົ້າວ່າ ຕົນໄດ້ຫຍຸບ ແລະແຍກໜ້າທີ່ຮັບຜິດຊອບຂອງກະຊວງລົດ
ໄຟ ທີ່ປະເຊີນກັບຂໍ້ຫາສໍ້ລາດບັງຫລວງ ແລະໄດ້ແບກຫາບພາລະໜີ້ ສິນເປັນຈໍານວນ ຫລວງຫລາຍນັ້ນ.
ທ່ານ Xi Jinping ປະທານປະເທດຈີນ ທີ່ຫາກໍ່ເຂົ້າກຳຕຳແໜ່ງເປັນຜູ້ນຳພັກຄອມມີວນິສ
ຫວ່າງມໍ່ໆມານີ້ ກ່າວວ່າ ການປາບປາມການສໍ້ລາດບັງຫລວງແມ່ນບູລິມະສິດອັນດັບນຶ່ງ
ສຳລັບລັດຖະບານຂອງທ່ານ.