ລິ້ງ ສຳຫລັບເຂົ້າຫາ

logo-print

ຈີນສັນຍາວ່າຈະສືບຕໍ່ຫລຸດຜ່ອນ ການປ່ອຍທາດ carbon


ກອງປະຊຸມວ່າດ້ວຍການປ່ຽນແປງຂອງດິນຟ້າອາກາດຂອງສະຫະປະຊາຊາດທີ່ເມືອງຕຽນຈິນຂອງຈີນ ວັນທີ 4 ຕຸລາ 2010

ເຈົ້າ​ໜ້າ​ທີ່​ດ້ານ​ພະລັງງານ​ສູງ​ສຸດ​ຂອງ​ຈີນ​ທ່ານ​ນຶ່ງ​ກ່າວ​ວ່າ ຈີນ​ຈະສືບ​ຕໍ່ດໍາ​ເນີນ​ງານ​​ເພື່ອຫລຸດ​ຜ່ອນ​ການປ່ອຍ​ທາດ carbon ອອກ​ສູ່​ບັນຍາກາດ​ ຕາມ​ຄໍາ​ໝັ້ນ​ສັນຍາ​ທີ່​ໃຫ້​ໄວ້ ກ່ອນ​ການ​ເຈລະຈາ​ເລື້ອງ​ການ​ປ່ຽນ​ແປງ​ຂອງ​ດິນ​ຟ້າ​ອາກາດຂອງ​ສະຫະ​ປະຊາ​ຊາດ​ ​ໄຂ​ຂຶ້ນ​ທີ່ນະຄອນ Copenhagen ປະ​ເທດ​​ເດັນ​ມາກ ໃນ​ປີ​ແລ້ວ​ນີ້.

ທ່ານ Xie Zhenhua ຮອງ​ປະທານ​ຄະນະ​ກໍາມາ​ທິການ​ດ້ານ​ການ​ພັດທະນາ​ແລະ​ການ​ປະຕິ​ຮູບ​ແຫ່ງ​ຊາດ​ຂອງ​ຈີນ ກ່າວ​ວ່າ ມາ​ຮອດ​ປັດຈຸບັນ​ນີ້​ ​ໂດຍ​ສ່ວນ​ໃຫຍ່​ແລ້ວ ລັດຖະ ບານແມ່ນໄດ້​ພະຍາຍາມປຸກລະດົມໃຫ້​ປະຊາຊົນ​ຮູ້ສຶກ ​ສໍານຶກ​ເຖິງເລື້ອງການ​ປະຢັດ​ພະລັງງານ​ແລະ​ການ​ປົກ​ປ້ອງ​ສິ່ງ​ແວດ​ລ້ອມ.

ໃນ​ການ​ຖະ​ແຫລ​ງ​ຢູ່​ກຸງ​ປັກ​ກິ​ງ ທ່ານ Xie ກ່າວ​ວ່າ ຕໍ່​ໄປ​ນີ້ ຈີນ​ຈະທຸ່ມ ​ເທ​ຄວາມ​ພະຍາຍາມ​ຫລາຍ​ຂຶ້ນ​ໃສ່​ການ​ແກ້​ໄຂ​ບັນຫາ​ການ​ປ່ຽນ​ແປງ​ຂອງ​ດິນຟ້າ​ອາກາດ​ໃນ​ແຜນການ 5 ປີ ​ຕໍ່ໜ້າ ຊຶ່ງ​ຈະ​ເລີ້ມ​ແຕ່​ປີ 2011 ຫາ 2015 ນັ້ນ.

ທ່ານ Xie ​ເວົ້າ​ວ່າ ລັດຖະບານ​ຈະ​ອາ​ໄສ​ເຄື່ອງມື​ທາງ​ດ້ານ​ກົດໝາຍຫລາຍ​ຂຶ້ນ​ ເພື່ອ​ສົ່​ງ​ເສີມ​ສັງຄົມ​ໃຫ້​ປ່ຽນ​ແປງ​ຮູບ​ແບບໃນການ​ຊົມ​ໃຊ້​ພະລັງງານແລະອັນ​ທີ່​ທ່ານເອີ້ນ​ວ່າ “ຮູບ​ແບບ​ການ​ພັດທະນາ​ດ້ານ​ເສດຖະກິດ​ນັ້ນ.”

ທ່ານ Xie ກ່າວ​ຕື່ມ​ວ່າ ​ເປົ້າ​ໝາຍ​ບາງ​ຢ່າງໃນ​ການ​ແກ້​ໄຂ​ການ​ປ່ຽນແປງ​ຂອງ​ດິນ​ຟ້າ​ອາກາດ​ ເຊ່ນການ​ປ່ອຍທາດ carbon ​ເຂົ້າສູ່ບັນຍາກາດແລະການເພີ່ມທະວີ​ການ​ໝຸນ​ໃຊ້​ພະລັງງານ ຄືນ​ໃໝ່​ນັ້ນ​ ຈະ​ເປັນ​ເລື້ອງທີ່ບັງຄັບໃຫ້​ປະຕິບັດ.

ນອກ​ນັ້ນ ​ທ່ານ​ຍັງ​ໄດ້​ເນ້ນ​ເຖິງ​ຄວາມ​ເຊື່ອ​ໝັ້ນ​ໃນ​ແນວ​ຄິດ​ປະດິດ​ສ້າງ​ໃໝ່​ທາງ​ດ້ານເທັກ​ໂນ​ໂລ​ຈີ​ ໂດຍ​ກ່າວວ່າ ພວກ​ບໍລິສັດ​ຈີນກໍາລັງ​ຄົ້ນ​ຄວ້າ​ຊອກ​ຫາ​ຊ່ອງ​ທາງໃໝ່ໆ ​ເພື່ອປັບປຸງ​ວົງ​ການ​ອຸດສາຫະກໍາ​ແບບ​ດັ້ງ​ເດີ​ມຂອງ​ຈີນ​ໃຫ້​ທັນ​ສະ​ໄໝຂຶ້ນ.

ມີ​ການ​ຄຶດ​ກັນ​ວ່າ ການ​ປ່ອຍ​ແກ໊​ສ​ເຮືອນ​ແກ້ວເຂົ້າ​ສູ່​ບັນຍາກາດ ​ເຊ່ນ​ທາດ carbon dioxide ທີ່​ສ້າງ​ຄວາມເປິ​ະເປື້ອນ ທີ່ເກີດ​ຈາກ​ການ​ເຜົາໄໝ້​ເຊື້ອໄຟ​ຕ່າງໆ​ ເຊ່ນ​ນໍ້າມັນ​ເຄື່ອງ ແລະ​ຖ່ານ​ຫິນ​ນັ້ນ ມີ​ສ່ວນ​ຊ່ອຍ​ກໍ່​ໃຫ້​ເກີດ​ສະພາວະໂລກ​ຮ້ອນ.

ກອງ​ປະຊຸມ​ວ່າ​ດ້ວຍ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ຂອງ​ສະຫະ​ປະຊາ​ຊາດ​ ທີ່​ນະຄອນ Copenhagen ​ໃນ​ເດືອນ​ທັນວາ​ປີ​ແລ້ວ​ນີ້ ​ໄດ້​ພັງລົງ​ຍ້ອນ​ການ​ຂັດ​ແຍ້​ງກັນ​ລະຫວ່າງ​ພວກ ປະ​ເທດ​ພັດທະນາ​ແລະ​ພວມພັດທະນາ ​ໂດຍ​ບໍ່​ໄດ້ມີ​ການ​ບັນລຸຂໍ້​ຕົກລົງ​ທີ່​ຜູກ​ມັດ​ທາງ​ກົດ ໝາຍກ່ຽວ​ກັບ​ວິທີ​ການ​ຕັດ​ການ​ປ່ອຍທາດ carbon ​ເຂົ້າສູ່​ບັນຍາກາດ​ນັ້ນ.

ໃນວັນພຸດ​ສັບປະດາ​ແລ້ວ​ນີ້ ທ່ານ Xie ກ່າວ​ເນ້ນ​ເຖິງ​ທ່າ​ທີ​ຂອງ​ກຸ​ງປັກກິງ​ ​ກ່ຽວ​ກັບການ​ລົດ​ຜ່ອນ​ການ​ປ່ອຍທາດ carbon ນັ້ນວ່າ ຈີນ​ແມ່ນ​ປະ​ເທດ​ພວມ​ພັດທະນາ ບໍ່​ແມ່ນ​ປະ​ເທດ​ທີ່​ພັດທະນາ​ແລ້ວ.

ທ່ານ Xie Zhenhua ຫົວໜ້າຄະນະເຈລະຈາ ເລື້ອງການປ່ຽນແປງຂອງດິນຟ້າ ອາກາດຂອງຈີນ. (File Photo)
ທ່ານ Xie Zhenhua ຫົວໜ້າຄະນະເຈລະຈາ ເລື້ອງການປ່ຽນແປງຂອງດິນຟ້າ ອາກາດຂອງຈີນ. (File Photo)

ທ່ານ Xie ​ເວົ້າ​ວ່າ ຈີນ​ຍັງ​ຈະ​ຕ້ອງ​ໄດ້​ສືບ​ຕໍ່​ການ​ພັດທະນາ​ເສດຖະກິດ​ຂອງ​ຕົນ​ຕໍ່​ໄປ ​ເພື່ອ​ປັບ​ປຸງຊີວິດ​ການ​ເປັນ​ຢູ່​ຂອງ​ປະຊາຊົນ​ຂອງ​ຕົນໃຫ້​ດີ​ຂຶ້ນ. ​ທ່ານ​ກ່າວ​ອີກ​ວ່າ ການ​ທີ່ຈະໃຫ້​ ບັນລຸ​ຄວາມ​ສໍາ​ເລັດ​ໃນ​ດ້ານ​ການ​ ພັດທະນາ​ແລະ​ປົກ​ປ້​ອງສິ່ງ​ແວດ​ ລ້ອມໄປ​ພ້ອມ​ກັນນັ້ນ ​ແມ່ນ​ເປັນ​ ພາລະກິດ​ທີ່​ໃຫຍ່​ມະຫາສານ.

ກອງ​ປະຊຸມທີ່​ນະຄອນ Copenhagen ​ໄດ້​ຢຸດ​ສະ​ງັກ ລົງ ​ໂດຍສາ​ເຫດສ່ວນ​ນຶ່ງ​ ກໍ ​ເປັນຍ້ອນວ່າ​ພວກ​ປະ​ເທດ​ຕ່າງໆ​ບໍ່​ສາມາດ​ຕົກລົງ​ກັນ​ໄດ້​ ກ່ຽວ​ກັບ​ວ່າ ປະ​ເທດ​ພວມ​ພັດ ທະນາທີ່​ໃຫຍ່ໆ ​ເຊ່ນ​ຈີນ​ນັ້ນ ຄວນ​ຈະ​ຖືກ​ບັງຄັບ​ໃຫ້​ຕັດ​ການ​ປ່ອຍ​ທາດ carbon ​ລົງ​ຫລື​ບໍ?

ຈີນ​ເປັນ​ປະ​ເທດ​ປະ​ເທດ​ທີ່​ປ່ອຍ​ຄວັນ carbon dioxide ​ເຂົ້າ​ສູ່​ບັນຍາກາດຫລາຍ​ທີ່ສຸດ​ຂອງ​ໂລກ ຊຶ່ງ​ສ່ວນໃຫຍ່ແມ່ນ​ມາ​ຈາກ​ການ​ເຜົາ​ເຊື້​ອໄຟ​ຟອສຊິ​ລ ທີ່​ມາ​ຈາກ​ໃຕ້​ດິນ ​ເຊ່ນ​ຖ່ານ​ຫິນ ຫລື​ຫິນ​ນໍ້າມັນ​ນັ້ນ. ພວກປະ​ເທດ​ຝ່າຍ​ຕາ​ເວັນ​ຕົກ​ຢາກ​ໃຫ້​ກຸງ​ປັກ​ກິ​ງ​ ໃຫ້​ຄໍາ​ໝັ້ນ​ສັນຍາ​ຢ່າງ ​ໜັກ​ແໜ້ນ​ໃນ​ການ​ລົດ​ຜ່ອນ​ການ​ປ່ອຍ​ຄວັນ carbon dioxide ອອກ​ຈາກ​ໂຮງ​ຈັກ​ໂຮງ ງານຂອງ​ຕົນ​ນັ້ນ.

ທ່ານ Xie ​ໄດ້​ຮຽກຮ້ອງຊໍ້າ​ແລ້ວ​ຊໍ້າ​ອີກ​ ໃຫ້​ພວກ​ປະ​ເທດ​ທີ່ພັດທະນາ ແລ້ວດໍາ​ເນີນ​ການ​ໃຫ້​ຫລາຍ​ຂຶ້ນ​ແລະ​ໃຫ້​ດີ​ຂຶ້ນ​ກວ່າ​ເກົ່າ ​ໃນ​ການ​ເປັນ​ຜູ້​ນໍາໃນ​ການ​ລົດ​ຜ່ອນ​ລົງໃຫ້​ໄດ້ຢ່າງ​ຫລວງ ຫລາຍ ການ​ຊົມ​ໃຊ້ພະລັງງານ​ແລະ​ການ​ປ່ອຍ​ມົນ​ລະ​ພິດ​ນັ້ນ. ນອກ​ນີ້ ​ທ່ານ​ຍັງ​ຮຽກຮ້ອງ​ໃຫ້ ພວກ​ປະເທດພັດທະນາ​ທັງຫລາຍ ​ໃຫ້ການ​ຊ່ອຍ​ເຫລືອ​ທາງ​ດ້ານ​ການ​ເງິນ​ແລະ​ດ້ານເທັກ​ໂນ​ໂລ​ຈີ​ ແກ່​ພວກ​ປະ​ເທດ​ພວມ​ພັດທະ​ນາ​ເພື່ອ​ຊ່ອຍ​ພວກ​ເຂົາ​ເຈົ້າ ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​.

ໃນ​ສັບ​ປະດາ​ນີ້ ຈີນເປັນ​ເຈົ້າພາບ​ຈັດ​ການ​ເຈລະຈາທີ່​ໄດ້​ດໍ​າ​ເນີນ​ມາ​ຢ່າງ​ຍາວ​ນານຂອງສະຫະ ປະຊາ​ຊາດ ​ກ່ຽວ​ກັບ​ການ​ປ່ຽນ​ແປງ​ຂອງດິນຟ້າ​ອາກາດນັ້ນ ເປັນ​ເທື່ອ​ທໍາ​ອິດທີ່​ເມຶືອງ ​ຕຽນ​ຈິນ. ກອງ​ປະຊຸມດັ່ງກ່າວ ຊຶ່ງ​ມີ​ວັດຖຸ​ປະສົງ​ເພື່ອ​ໃຫ້​ບັນລຸ​ຂໍ້​ຕົກລົງກັນ​ກ່ຽວ​ກັບ​ວິທີ​ການ​ຮັບ ມື​ກັບ ການ​ປ່ຽນ​ແປງ​ຂອງ​ດິນ​ຟ້າ​ອາກາດ ​ຖືກ​ເບິ່ງ​ເຫັນ​ວ່າ ເປັນ​ບາດກ້າວໄປ​ສ ູ່​ການເຈລະ​ຈາ​ກັນ​ເລື້ອງ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ຄັ້ງສໍາຄັນ​ທີ່​ປະ​ເທດ​ເມັກ​ຊິ​ໂກ​ ໃນ​ທ້າຍ​ປີ​ນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG