ລັດຖະມົນຕີການຕ່າງປະເທດຈີນ ເຕືອນສະຫະລັດ ໃຫ້ນັບຖືຜົນປະໂຫຍດທີ່ສຳຄັນ
ຂອງປັກກິ່ງໃນສະຖານທີ່ຕ່າງໆເຊ່ນວ່າໃຕ້ຫວັນແລະ ທິເບດ ໃນຂະນະທີ່ປະເທດທັງ
ສອງກຳລັງດຳເນີນງານເພື່ອເສີມສ້າງຄວາມໄວ້ເນື້ອເຊື່ອໃຈຊຶ່ງກັນແລະກັນ.
ລັດຖະມົນຕີການຕ່າງປະເທດ Yang Jiechi ຍັງໄດ້ຮຽກຮ້ອງໃຫ້ປະຊາຄົມໂລກຈົ່ງ
ປ່ອຍໃຫ້ປະຊາຊົນໃນພາກຕາເວັນອອກກາງແກ້ໄຂບັນຫາຂອງເຂົາເຈົ້າເອງ ໂດຍບໍ່ໃຫ້
ໂລກພາຍນອກເຂົ້າໄປຫຍຸ້ງກ່ຽວ.
ທ່ານ Yang ໄດ້ກ່າວຕໍ່ສື່ມວນຊົນໃນວັນອັງຄານມື້ນີ້ ນອກກອງປະຊຸມປະຈໍາປີຂອງ
ສະພາປະຊາຊົນແຫ່ງຊາດ ທີ່ກຸງປັກກິ່ງ.
ກ່ຽວກັບຄວາມສຳພັນລະຫວ່າງ ສະຫະລັດແລະຈີນນັ້ນ ທ່ານ Yang ໄດ້ຮຽກຮ້ອງໃຫ້
ມີການແລກປ່ຽນເພີ່ມເຕີມໃນລະດັບສູງ ລະຫວ່າງປະເທດທັງສອງເພື່ອເປັນຊ່ອງທາງໃນ
ການເສີມສ້າງຄວາມໄວ້ເນື້ອເຊື່ອໃຈ.
ແຕ່ຂະນະດຽວກັນ ທ່ານກໍກ່າວອີກວ່າ ວໍຊິງຕັນຕ້ອງປະຕິບັດຕາມພັນ ທະທີ່ຕົນໄດ້ໃຫ້
ໄວ້ໃນຖະແຫຼງການຮ່ວມຕ່າງໆທີ່ມີມາເປັນລຳດັບໂດຍ ສະເພາະຢ່າງຍິ່ງ ແມ່ນກ່ຽວກັບ
ເລື່ອງໄຕ້ຫວັນແລະທິເບດ.
ທ່ານ Yang ມີຄວາມປິຕິຍິນດີ ໃນຄວາມຄືບໜ້າ ຂອງການເຈລະຈາ ຫວ່າງມໍໆມານີ້
ລະຫວ່າງ ສະຫະລັດ ແລະເກົາຫລີເໜືອ ທີ່ໄດ້ຕົກລົງໃນສັບປະດາແລ້ວ ໂຈະບາງໂຄງ
ການດ້ານນີວເຄລຍ. ທ່ານກ່າວວ່າ ການເຈລະຈາດັ່ງກ່າວ ໄດ້ດຳເນີນໄປໃນທາງບວກ
ແລະມີປະຕິກິລິຍາ ຕອບຮັບເປັນຢ່າງດີ.