ເຈົ້າໜ້າທີ່ຈີນ ໄດ້ລົ້ມເລີກແຜນການສໍາລັບໂຄງການສ້າງທໍ່ລະບາຍນໍ້າເສຍອຸດສາ
ຫະກໍາ ລຸນຫລັງທີ່ມີປະຊາຊົນຫລາຍກວ່າ 1000 ຄົນ ພາກັນລົງສູ່ຖະໜົນຫົນທາງ
ເດີນຂະບວນ ຢູ່ໃນເມືອງ Qidong ແຄມຝັ່ງທະເລ ຊຶ່ງພວກເຂົາເຈົ້າໄດ້ເອົາລົດລາ
ຫລາຍໆຄັນປີ້ນຂວ້າມລົງ ແລະບຸກເຂົ້າໄປໃນໂຮງການລັດຖະບານຫລາຍໆແຫ່ງ.
ພວກເຈົ້າໜ້າທີ່ທ້ອງຖິ່ນ ໄດ້ອອກຖະແຫລງການໃນວັນເສົາວານນີ້ວ່າ ໂຄງການດັ່ງ
ກ່າວໄດ້ຖືກຍົກເລີກ ລຸນຫລັງທີ່ພວກປະທ້ວງໄດ້ປະທະກັນກັບຕໍາຫລວດ ຜູ້ທີ່ສາ ມາດລະງັບຄວາມວຸ້ນວາຍໄດ້ໃນທີ່ສຸດນັ້ນ.
ທໍ່ລະບາຍນໍ້າທີ່ທາງການມີແຜນຈະສ້າງຂຶ້ນນັ້ນ ແມ່ນຈະປ່ອຍນໍ້າເສຍອຸດສາຫະກໍາ
ຈາກໂຮງງານຜະລິດເຈ້ຍແຫ່ງນຶ່ງຢູ່ໃກ້ໆກັບເມືອງຂອງເຂົາເຈົ້າ ລົງສູ່ທະເລ.
ການປະທ້ວງຕໍ່ການສ້າງຄວາມເຊື່ອມເສຍຕໍ່ສິ່ງແວດລ້ອມ ໄດ້ມີຫລາຍຂຶ້ນເລື້ອຍໆ
ໃນປະເທດຈີນ ບ່ອນທີ່ຄວາມຈະເລີນເຕີບໂຕດ້ານອຸດສາຫະກໍາຢ່າງວ່ອງໄວ ແລະ
ບໍ່ມີການຄວບຄຸມມາເປັນເວລາ 3 ທົດສະວັດແລ້ວ ແລະໄດ້ນໍາໄປສູ່ການລົ້ມເຈັບ
ຍ້ອນພິດເຄມີຂອງປະຊາຊົນຈໍານວນຫລວງຫລາຍ ແລະສ້າງຄວາມຢ້ານກົວດ້ານ
ສຸຂະພາບ ຫລາຍໆຄັ້ງ.