ກຳປູເຈຍໄດ້ເນລະເທດຜູ້ຕ້ອງສົງໃສ 240 ຄົນທີ່ກ່ຽວຂ້ອງກັບການພະນັນແລະການສໍ້ໂກງ ເມື່ອວັນພະຫັດແລະຄາດວ່າຍັງມີອີກຫລາຍກ່ວາ 500 ຄົນທີ່ຈະສົ່ງຕົວໃຫ້ກັບທາງການຈີນ ອ້າງອີງຈາກສື່ລັດຖະບານປັກກີ່ງໃນຊ່ວງທີ່ຈີນຍົກລະດັບການປາບປາມອົງກອນອາດສະຍາ ກຳໃນເອເຊຍຕາເວັນອອກສຽງໃຕ້.
ການສົ່ງຕົວຜູ້ຕ້ອງສົງໄສກັບຈີນຂອງທາງການກຳປູເຈຍນັ້ນເປັນຄັ້ງທີ 2 ໃນປີນີ້ພາຍໃຕ້ ການຮ່ວມມືລະຫວ່າງຈີນກັບກຳປູເຈຍ ມຽນມ້າ ແລະ ຟິລິີປີນ ໃນການປາບປາມການພະ ນັນອ໋ອນລາຍແລະການຫລອກລວງຜ່ານແກ້ງຄອລເຊັນເຕີ້ເຊີ່ງມີຖານປະຕິບັດການໃນກຸ່ມ ປະເທດອາຊ້ຽນຫລັງຈາກເມື່ອເດືອນເມສາທາງການນະຄອນຫລວງພະນົມເປັນໄດ້ສົ່ງຕົວ ຊາວຈີນ 680 ຄົນກັບປະເທດດ້ວຍເຫດຜົນດັ່ງກ່າວ ອ້າງອີງຈາກສື່ໂທລະພາບ ຊີຊີທີວີ.
ເມື່ອອາທິດຜ່ານມາມຽນມ້າ ແລະ ຈີນໄດ້ເປີດໂປງສູນປະຕິບັດການຂອງແກ້ງຄອລເຊັນເຕີ ທາງຕອນເໜືອມຽນມ້າແລະຕະຫລອດ 1 ປີຜ່ານມາຈີນໄດ້ຈັບພົນລະເມືອງຊາວຈີນ 53,000 ຄົນທີ່ກ່ຽວຂ້ອງກັບອົງກອນອາດສະຍາກຳເຫລົ່ານີ້.
ເມື່ອເດືອນກັນຍາຈີນແລະກຳປູເຈຍໄດ້ເພີ່ມທະວີການຮ່ວມມືໃນການຕໍ່ຕ້ານການພະນັນ ແລະ ການສໍ້ໂກງອ໋ອນລາຍດ້ວຍການລົງນາມຄວາມຮ່ວມມືໃນການບັງຄົບໃຊ້ກົດໝາຍ ແລະປາບປາມອົງກອນອາດສະຍາກຳໃນກຳປູເຈຍໂດຍກ່ອນໜ້ານີ້ກຳປູເຈຍສັ່ງຫ້າມການ ພະນັນອ໋ອນລາຍໄປເມື່ອປີ 2019 ເໜັ້ນເປົ້າໄປທີ່ປະຕິບັດການທີ່ມີທືນຈີນໜູນຫລັງໃນ ເຂດສີຫານຸວີລ ມາແລ້ວ.
ທາງ ຊີຊີທີວີ ລາຍງານຕື່ມວ່າ ຈີນນໍາຕົວຜູ້ຕ້ອງສົງໃສຊາວຈີນນັບໝື່ນຄົນກັບປະເທດພາຍ ໃຕ້ປະຕິບັດການ Operation Fox Hunt ທີ່ເລີ່ມຕົ້ນເມື່ອ 10 ປີກ່ອນໃນການເຂົ້າຈັດ ການບັນຫາທຸລະກິດສໍ້ລາດບັງຫລວງແລະອາດສະຍາກຳທາງເສດຖະກິດຂອງປະເທດ.
ຟໍຣັມສະແດງຄວາມຄິດເຫັນ