ລິ້ງ ສຳຫລັບເຂົ້າຫາ

ຈີນຕິຕຽນຄວາມເຫັນ ຂອງທ່ານ Mitt Romney ກ່ຽວກັບຈີນວ່າ "ບໍ່ມີຄວາມຮັບຜິດຊອບ"


ກະຊວງການຕ່າງປະເທດຈີນ ກ່າວວ່າ ຄໍາເຫັນຂອງທ່ານ Mitt Romney ກ່ຽວກັບຈີນ ເປັນຄໍາເວົ້າທີ່ "ບໍ່ມີຄວາມຮັບຜິດຊອບ."

ກະ​ຊວງ​ການ​ຕ່າງປະ​ເທດ​ຈີນ ​ໄດ້​ຕິຕຽນ​ຜູ້​ທີ່ມີ​ຄວາມ​ຫວັງວ່າຈະ​ໄດ້​ຜູ້ສະມັກປະທານາ
ທິບໍດີ​ສ​ະຫະລັດ ຂອງ​ພັກຣີພັບ​ບລີ​ກັນ ທ່ານ Mitt Romney ທີ່ໄດ້​ໃຫ້ຄວາມ​ເຫັນໃນ​
ອັນ​ທີ່​ຈີນ​ເອີ້ນວ່າ “ບໍ່ມີຄວາມຮັບຜິດຊອບ” ກ່ຽວ​ກັບ​ຈີນ​ນັ້ນ.

ທ່ານ Romney ໄດ້ກ່າວຢູ່ໃນບົດບັນນາທິການຂອງ​ໜັງສືພິ​ມ Wall Street Journal
ໃນເດືອນນີ້ວ່າ ຈີນມີຄວາມຜິດກ່ຽວ​ກັບ​ການ​ກະທຳທີ່ “ບໍ່​ຖືກຕ້ອງ” ໃນຂົງ​ເຂດ​ວຽກ​ງານ
ການຄ້າ ຊັບ​ສິນ​ທາງ​ດ້ານ​ປັນຍາ ແລະການຕັ້ງຄ່າ​ເງິນຕາ​ຂອງ​ຕົນ. ນອກ​ນັ້ນທ່ານຍັງ​ໄດ້
ຕໍາໜິຕິຕຽນນະ ໂຍບາຍຂອງລັດຖະບານທ່ານໂອບາມາ ທີ່ທ່ານ​ເວົ້າວ່າ “​ໃຫ້​ລາງວັນແກ່​
ຈີນ ທີ່ຂີ້ລັກສໍ້​ໂກງ​ນັ້ນ”

ເວລາມີ​ການ​ຊັກຖາມ ກ່ຽວກັບບົດບັນນາທິການນັ້ນ ໂຄສົກກະຊວງການຕ່າງປະເທດຈິນ
ທ່ານ Hong Lei ກ່າວໃນວັນຈັນວານ​ນີ້ວ່າ ທ່ານ Romney ຄວນລະມັດລະວັງຫຼາຍ
ຂຶ້ນ ກ່ຽວ​ກັບ​ຜົນ​ກະທົບ​ຈາກການ​ໃຫ້ຄວາມ​ເຫັນຂອງທ່ານ ຕໍ່ຄວາມ​ສຳພັນລະຫວ່າງສະ
ຫະລັດແລະຈີນ.

ທ່ານ Romney ທີ່ສະແຫວງຫາຊ່ອງ​ທາງ​ ເພື່ອ​ໃຫ້​ໄດ້​ເປັນ​ຜູ້ຕາງໜ້າຂອງພັກ Republi-
can ໃນການເລືອກຕັ້ງປະທານາທິບໍດີສະຫະລັດ ໃນປີນີ້ ໄດ້ກ່າວຂູ່ຂວັນຈີນ ຊໍ້າແລ້ວຊໍ້າ
ອີກວ່າຈະ​ບົ່ງ​ຊື່​ຈີນ​ວ່າ​ເປັນ​ຜູ້ຄວບຄຸມເງິນຕາແລະທ່ານຈະລົງໂທດຈີນ ຖ້າຫາກທ່ານໄດ້ຖືກ
ເລືອກເປັນປະທານາທິບໍດີ.

XS
SM
MD
LG