ກຸ່ມສິ້ງຊອມສິດທິມະນຸດ Human Rights Watch ໄດ້ສົ່ງຈົດໝາຍສະບັບນຶ່ງໄປຍັງຈີນທີ່ກ່າວຫາຈີນວ່າລະເມີດກົດໝາຍສາກົນ ຍ້ອນໄດ້ບັງຄັບຊາວມຽນມາຫຼາຍພັນຄົນ ກັບຕ່າວຄືນບ້ານເກີດເມືອງນອນຂອງພວກເຂົາເຈົ້າ ບ່ອນທີ່ໄດ້ເກີດບັນຫາຂັດແຍ້ງກັນນັ້ນ.
ກຸ່ມດັ່ງກ່າວເວົ້າວ່າ ເມື່ອບໍ່ດົນມານີ້ປັກກິ່ງໄດ້ສົ່ງພວກຊົນເຜົ່າກະຈິນຢ່າງ ໜ້ອຍ 4,000 ຄົນ ທີ່ໄດ້ຫຼົບໜີອອກຈາກມຽນມາ ໄປເພິ່ງພາອາໄສຢູ່ທີ່ແຂວງຢຸນນານຂອງຈີນນັ້ນ ກັບຄືນປະເທດ. ກຸ່ມສິ້ງຊອມສິດທິມະນຸດ ກຸ່ມນີ້ເວົ້າອີກວ່າ ພວກຊົນເຜົ່າຈຸດັ່ງກ່າວ ໄດ້ຖືກສົ່ງກັບຄືນປະເທດ ເມື່ອ ທ້າຍເດືອນສິງຫາຜ່ານມາ ຫຼັງຈາກລັດຖະບານປະກາດແບບຮວບຮັດຕັດ ຕອນວ່າ ພວກເຂົາເຈົ້າບໍ່ແມ່ນຊາວອົບພະຍົບແລ້ວ.
ປະຊາຊົນຫຼາຍສິບພັນຄົນ ໄດ້ຫຼົບໜີການສູ້ລົບກັນຢູ່ທາງພາກເໜືອຂອງມຽນມາ ນັບຕັ້ງແຕ່ເດືອນມິຖຸນາ ປີ 2011 ຜ່ານມາ ເວລາສັນຍາຢຸດຍິງ ທີ່ມີມາເປັນເວລາ 17 ປີ ລະຫວ່າງຝ່າຍທະຫານ ແລະກອງທັບເອກກະ ລາດເຜົ່າກະຈິນ ພັງທະລາຍລົງ.
ຈີນໄດ້ປະຕິເສດວ່າ ຕົນບໍ່ໄດ້ບັງຄັບໃຫ້ຈັດສົ່ງພວກຊົນເຜົ່າກະຈິນກັບຄືນ ບ້ານເກີດ ໂດຍກ່າວວ່າພວກເຂົາເຈົ້າເຕັມໃຈກັບຄືນໄປຍັງມຽນມາຫຼັງຈາກການສູ້ລົບກັນໄດ້ຍຸຕິລົງແລ້ວ. ແຕ່ກຸ່ມສິ້ງຊອມສິດທິມະນຸດກ່າວວ່າ ເຫດ ການຮຸນແຮງຍັງດໍາເນີນຕໍ່ໄປຢູ່ໃນລັດກະຈິນ ແລະປະຊາຊົນອີກຫຼາຍພັນຄົນຕ້ອງໄດ້ພັດພາກຈາກຖິ່ນຢູ່ອາໄສ.
ຈົດໝາຍຂອງກຸ່ມສິ້ງຊອມສິດທິມະນຸດທີ່ໄດ້ສົ່ງໃຫ້ກະຊວງຕ່າງປະເທດຈີນ ເວົ້າວ່າ ພວກອົບພະຍົບເຜົ່າກະຈິນຫຼາຍເຖິງ 10,000 ຄົນ ທີ່ໄດ້ຮັບອະ ນຸຍາດໃຫ້ເຂົ້າໄປຍັງຈີນໄດ້ນັ້ນ ແມ່ນບໍ່ໄດ້ຮັບການຊ່ວຍເຫຼືອດ້ານມະນຸດ ສະທໍາໃດໆ ແລະໄດ້ຖືກປະຕິເສດບໍ່ໃຫ້ພວກເຂົາເຈົ້າຕິດຕໍ່ໄປຫາເຈົ້າໜ້າທີ່ດ້ານສິດທິມະນຸດອົງການສະຫະປະຊາຊາດ.
ກຸ່ມດັ່ງກ່າວເວົ້າວ່າ ເມື່ອບໍ່ດົນມານີ້ປັກກິ່ງໄດ້ສົ່ງພວກຊົນເຜົ່າກະຈິນຢ່າງ ໜ້ອຍ 4,000 ຄົນ ທີ່ໄດ້ຫຼົບໜີອອກຈາກມຽນມາ ໄປເພິ່ງພາອາໄສຢູ່ທີ່ແຂວງຢຸນນານຂອງຈີນນັ້ນ ກັບຄືນປະເທດ. ກຸ່ມສິ້ງຊອມສິດທິມະນຸດ ກຸ່ມນີ້ເວົ້າອີກວ່າ ພວກຊົນເຜົ່າຈຸດັ່ງກ່າວ ໄດ້ຖືກສົ່ງກັບຄືນປະເທດ ເມື່ອ ທ້າຍເດືອນສິງຫາຜ່ານມາ ຫຼັງຈາກລັດຖະບານປະກາດແບບຮວບຮັດຕັດ ຕອນວ່າ ພວກເຂົາເຈົ້າບໍ່ແມ່ນຊາວອົບພະຍົບແລ້ວ.
ປະຊາຊົນຫຼາຍສິບພັນຄົນ ໄດ້ຫຼົບໜີການສູ້ລົບກັນຢູ່ທາງພາກເໜືອຂອງມຽນມາ ນັບຕັ້ງແຕ່ເດືອນມິຖຸນາ ປີ 2011 ຜ່ານມາ ເວລາສັນຍາຢຸດຍິງ ທີ່ມີມາເປັນເວລາ 17 ປີ ລະຫວ່າງຝ່າຍທະຫານ ແລະກອງທັບເອກກະ ລາດເຜົ່າກະຈິນ ພັງທະລາຍລົງ.
ຈີນໄດ້ປະຕິເສດວ່າ ຕົນບໍ່ໄດ້ບັງຄັບໃຫ້ຈັດສົ່ງພວກຊົນເຜົ່າກະຈິນກັບຄືນ ບ້ານເກີດ ໂດຍກ່າວວ່າພວກເຂົາເຈົ້າເຕັມໃຈກັບຄືນໄປຍັງມຽນມາຫຼັງຈາກການສູ້ລົບກັນໄດ້ຍຸຕິລົງແລ້ວ. ແຕ່ກຸ່ມສິ້ງຊອມສິດທິມະນຸດກ່າວວ່າ ເຫດ ການຮຸນແຮງຍັງດໍາເນີນຕໍ່ໄປຢູ່ໃນລັດກະຈິນ ແລະປະຊາຊົນອີກຫຼາຍພັນຄົນຕ້ອງໄດ້ພັດພາກຈາກຖິ່ນຢູ່ອາໄສ.
ຈົດໝາຍຂອງກຸ່ມສິ້ງຊອມສິດທິມະນຸດທີ່ໄດ້ສົ່ງໃຫ້ກະຊວງຕ່າງປະເທດຈີນ ເວົ້າວ່າ ພວກອົບພະຍົບເຜົ່າກະຈິນຫຼາຍເຖິງ 10,000 ຄົນ ທີ່ໄດ້ຮັບອະ ນຸຍາດໃຫ້ເຂົ້າໄປຍັງຈີນໄດ້ນັ້ນ ແມ່ນບໍ່ໄດ້ຮັບການຊ່ວຍເຫຼືອດ້ານມະນຸດ ສະທໍາໃດໆ ແລະໄດ້ຖືກປະຕິເສດບໍ່ໃຫ້ພວກເຂົາເຈົ້າຕິດຕໍ່ໄປຫາເຈົ້າໜ້າທີ່ດ້ານສິດທິມະນຸດອົງການສະຫະປະຊາຊາດ.
