ຈີນໄດ້ຮຽກຮ້ອງໃຫ້ມີການເຈລະຈາກັນກັບມຽນມາ ຫລັງຈາກລັດຖະບານມຽນມາໂຈະ
ໂຄງການສ້າງເຂື່ອນ ທີ່ເປັນຫົວຂໍ້ຂັດແຍ້ງກັນນັ້ນ.
ໃນບົດຖະແຫລງບົດນຶ່ງທີ່ລົງໃນເວບໄຊ້ຂອງກະຊວງການຕ່າງປະເທດຈີນ ເມື່ອວັນເສົາ
ວານນີ້ ທ່ານຮົງ ເລ ໂຄສົກກະຊວງ ໄດ້ຮຽກຮ້ອງໃຫ້ມຽນມາ ຈົ່ງມາປຶກສາຫາລືກັນເພື່ອ
ແກ້ໄຂບັນຫາໃດໆກໍຕາມກ່ຽວກັບໂຄງການສ້າງເຂື່ອນ ມີອິດໂຊນ (Myitsone) ນັ້ນ.
ບົດຖະແຫລງໃຫ້ຂໍ້ສັງເກດວ່າ ທັງສອງປະເທດໄດ້ຕົກລົງກັນດໍາເນີນໂຄງ ການດັ່ງກ່າວ
ຫລັງຈາກໄດ້ມີການສຶກສາແລະທົບທວນຄືນເບິ່ງຢ່າງລະອຽດຖີ່ຖ້ວນທີ່ສຸດແລ້ວ.
ຈີນ ແລະມຽນມາ ໄດ້ຕົກລົງກັນສ້າງເຂື່ອນ ທີ່ມີມູນຄ່າກໍ່ສ້າງ 3,600 ລ້ານໂດລານີ້ ໃນ
ປີ 2009 ໃສ່ແມ່ນໍ້າອີຣາວະດີ ໃນພາກເໜືອຂອງມຽນມາ ໂດຍມີກໍານົດຈະສໍາເລັດລົງ
ໃນປີ 2019.
ໂຄງການຮ່ວມດັ່ງກ່າວນີ້ ໄດ້ກໍ່ໃຫ້ເກີດການປະທ້ວງຢ່າງໃຫຍ່ ຈາກພວກອະນຸລັກທໍາມະ
ຊາດ ແລະພວກຊາວບ້ານຊາວເມືອງທ້ອງຖິ່ນ ທີ່ເວົ້າວ່າ ເຂື່ອນຈະພາໃຫ້ເກີດນໍ້າຖ້ວມ
ເນື້ອທີ່ອັນກວ້າງໃຫຍ່ໄພສານ ແລະຈະມີ ຜົນກະທົບອັນໃຫຍ່ຫລວງຕາມມາ ຕໍ່ປະຊາ
ຊົນແລະສະພາບແວດລ້ອມ.
ອະດີດນາຍພົນທະຫານ ທ່ານ Thien Sein ປະທານາທິບໍດີຄົນໃໝ່ ຂອງມຽນມາ ໄດ້
ບອກສະພາໃຫ້ປະຕິບັດຕາມຄວາມປາດຖະໜາຂອງປະ ຊາຊົນ.
ລັດຖະບານມຽນມາ ທີ່ຈິງໆແລ້ວ ເປັນລັດຖະບານພົນລະເຮືອນແຕ່ໃນນາມ ໄດ້ຖືກເລືອກ
ຕັ້ງຂຶ້ນມາ ໃນເດືອນພະຈິກ ໃນການເລືອກຕັ້ງທົ່ວປະເທດເທື່ອ ທໍາອິດຂອງມຽນມາໃນ
ຮອບຊາວປີ. ປະທານາທິບໍດີ Thein Sein ໄດ້ສາບານຕົວເຂົ້າຮັບຕໍາແໜ່ງ ໃນເດືອນມີ
ນາຜ່ານມາ.
