ກອງທັບຈີນ ກຳລັງສ້າງລະບົບຕ້ານເຮືອບິນລົບແລະຈະຫຼວດ ໃນໝູ່ເກາະທຽມທີ່ສ້າງ
ຂຶ້ນໃນທະເລຈີນໃຕ້ ພ້ອມດຽວກັນນີ້ ກໍຍັງໄດ້ປະຕິຍານວ່າ ປະຕິບັດການທາງເຮືອບິນ
ໃນໝູ່ເກາະທີ່ເປັນບັນຫາໂຕ້ແຍ້ງກັນນີ້ ອິງຕາມໜ່ວຍງານວິໄຈຂອງສະຫະລັດ.
“ນີ້ແມ່ນຫຼັກຖານເພີ່ມຕື່ມ ທີ່ປະທານປະເທດ Xi Jinping ໄດ້ກ່າວຕໍ່ປະທານາທິບໍດີ ບາຣັກ ໂອບາມາ ໃນປີກາຍນີ້ ວ່າ ຈະບໍ່ມີການປະຕິບັດງານທາງທະຫານແຕ່ຢ່າງໃດ
ໃນໝູ່ກາະດັ່ງກ່າວ ວ່າ ຈະເຮັດໃຫ້ດີທີ່ສຸດ ແລະຍັງບໍ່ທັນສົມບູນພໍ,” ຊຶ່ງທ່ານ Gregory Polling ຜູ້ອຳນວຍການ ຂອງອົງການ Asia Maritime Transparency Initiative (AMTI) ໄດ້ບອກກັບ VOA ໃນການໃຫ້ສຳພາດໃນວັນພຸດວານນີ້ ແລະທ່ານຍັງໄດ້ກ່າວ
ອີກຕື່ມວ່າ “ມັນເປັນທີ່ຈະແຈ້ງແລ້ວ ໃນການຕຽມພ້ອມໝູ່ເກາະນີ້ ດ້ວຍອາວຸດ
ໃນກໍລະນີທີ່ອາດເກີດມີການປະທະກັນຂຶ້ນມາ.”
ໃນຂະນະທີ່ການຕໍ່ເຕີ່ມນີ້ ບໍ່ສາມາດພິຈາລະນະໄດ້ວ່າເປັນການປົກປ້ອງທາງອາວຸດ
“ເຖິງແມ່ນແຕ່ລະບົບທີ່ວ່ານີ້ແລ້ວ ກໍລະເມີດການປະຕິຍານທີ່ທ່ານ Xi ໄດ້ໃຫ້ໄວ້
ໃນຕອນທີ່ມາຢ້ຽມຢາມທຳນຽບຂາວ” ຊຶ່ງທ່ານ Dennis Wilder ອາຈານສອນມະຫາວິທະຍາໄລ Georgetown ອະດີດກຳມະການກະຊວງຮັກສາຄວາມປອດໄພ
ແຫ່ງຊາດ ສຳຫຼັບພາກຕາເວັນອອກສຽງໃຕ້.
ທ່ານ Polling ກ່າວວ່າ. “ຜົນສະຫຼຸບຂອງລະບົບອາວຸດໃໝ່ນີ້ ໄດ້ຕິດຕັ້ງໃນໝູ່ເກາະ
ມາເປັນເວລາຫຼາຍໆເດືອນ ຂອງການວິໄຈຂອງລະບົບດາວທຽມດ້ານທຸລະກິດ
ໂດຍອົງການ AMTI.”
“ພວກເຮົາສາມາດເຫັນໄດ້ວ່າ ການເຮັດປືນທີ່ຕ້ານທານຕໍ່ ເຮືອບິນລົບ. ຖ້າຫາກວ່າລູກປືນຍາວພໍ ມັນກໍຈະສາມາດມອງເຫັນໄດ້ຈາກອາວະກາດ ເພາະສະນັ້ນ ມັນຈຶ່ງ
ຕ້ອງໃຫ່ຍພໍສົມຄວນ”
ອ່ານຂ່າວນີ້ເພີ້ມຕື່ມເປັນພາສາອັງກິດ
