ຈີນ ແລະອັງກິດ ລົງນາມ ໃນຂໍ້ຕົກລົງ ທຸລະກິດ ມູນຄ່າ ຫຼາຍພັນລ້ານ ໂດລາ

ຈີນແລະອັງກິດ ມີກຳນົດຈະລົງນາມ ໃນຂໍ້ຕົກລົງທາງທຸລະກິດ
ມູນຄ່າຫລາຍພັນລ້ານໂດລາ ໃນຂະນະທີ່ປະທານປະເທດຈີນ
ທ່ານ Xi Jinping ພົບປະກັບ ນາຍົກລັດຖະມົນຕີ David Ca-
meron ໃນລະຫວ່າງມື້ທີສອງ ຂອງການຢ້ຽມຢາມປະເທດອັງ
ກິດຢ່າງເປັນທາງການຂອງຜູ້ນຳຈີນ.

ເປັນທີ່ຄາດກັນວ່າ ພວກຜູ້ນຳທັງສອງຈະປະກາດຢ່າງເປັນທາງ
ການກ່ຽວກັບການຕົກລົງສຳຄັນ ທີ່ຈະເຫັນພວກນັກລົງທຶນດ້ານ
ການເງິນຈີນ ປະກອບເປັນນຶ່ງສ່ວນສາມ ຂອງທຶນຮອນກ່ຽວກັບ
ໂຮງໄຟຟ້ານິວເຄລຍ Hinkley Point C ທີ່ຈະສ້າງໂດຍບໍລິສັດ
ສັນຍາຈ້າງຝຣັ່ງ ຢູ່ທາງພາກຕາເວັນຕົກສຽງໃຕ້ໃນປະເທດອັງກິດ.

ນອກນັ້ນ ບໍລິສັດລັດວິສາຫະກິດ ນ້ຳມັນແຫ່ງຊາດຂອງຈີນ ແລະບໍລິສັດນ້ຳມັນຍັກໃຫຍ່
BP ຂອງອັງກິດ ຍັງຄາດວ່າຈະຕົກລົງເພື່ອເຮັດການພັດທະນາຮ່ວມກັນ. ຮວມແລ້ວ ເຈົ້າ
ໜ້າທີ່ອັງກິດກ່າວວ່າ ພວກທ່ານຄາດວ່າການຕົກລົງທັງໝົດຈະມີມູນຄ່າ 46 ພັນລ້ານໂດ
ລາ ໃນລະຫວ່າງການຢ້ຽມຢາມເປັນເວລາ 4 ມື້ຂອງທ່ານ Xi.