ລິ້ງ ສຳຫລັບເຂົ້າຫາ

ເສດຖະກິດຈີນ ເຕີບໂຕ 7.9 ເປີເຊັນ ໃນໄຕມາດແລ້ວ


ພວກຄົນງານຂີ່ລົດຖີບຜ່ານໂຄງການກໍ່ສ້າງບ້ານເຮືອນແຫ່ງນຶ່ງ ໃນກຸງປັກກິ່ງ (13 ມັງກອນ 2013)
ບັນດາ​ເຈົ້າ​ໜ້າ​ທີ່​ຈີນກ່າວ​ວ່າ ​ເສດຖະກິດ​ຂອງ​ປະ​ເທດ ເຕີບໂຕ​
ຂື້ນ​ເຖິງ 7.9 ​ເປີ​ເຊັ​ນ​ໃນ​ໄຕຣ​ມາດ​ທີ​ສີ່ຂອງ​ປີ 2012 ​ເຮັດ​ໃຫ້ການ
​ເຕີບ​ໂຕ​ແບບຊັກ​ຊ້າ​ ທີ່ຕິດ​ຕໍ່​ກັນ​ມາ​ເປັນ​ເວລາ 7 ​ໄຕຣມາດ ສິ້ນ
ສຸດ​ລົງ.

ຫ້ອງການ​ສະຖິຕິ​ແຫ່ງ​ຊາດຂອງ​ຈີນ ກ່າວ​ໃນ​ວັນ​ສຸກ​ມື້​ນີ້​ວ່າ ອັດ
ຕາ​ການເຕີບ​ໂຕ​ ໃນ​ໄລຍະແຕ່ເດືອນ​ຕຸລາຫາ​ເດືອນ​ທັນວາ ​ໄດ້
ເພີ້ມຂື້ນຈາກ 7.4 ​ເປີ​ເຊັ​ນ ຂອງໄຕ​ຣມາດ​ກ່ອນ. ​

ຫ້ອງການ​ສະຖິຕິ ​ກ່າວ​ວ່າ ​ໂຕ​ເລກ​ນີ້​ເຮັດ​ໃຫ້ອັດຕາ​ການເຕີບ​ໂຕ
ຂອງ​ປີຕົກ​ເປັນ 7.8 ​ເປີ​ເຊັ​ນຊຶ່ງ​ເປັນ​ໂຕ​ເລກ​ທີ່​ອ່ອນເພຍ​ທີ່​ສຸດນັບ​
ແຕ່​ປີຊຸມ​ປີ 1990 ​ເປັນຕົ້ນມາ.

ຫ້ອງການ​ສະຖິຕິແຫ່ງ​ຊາດກ່າວ​ວ່າ ຍອດ​ຜະລິດ​ຮວມ​ແຫ່ງ​ຊາດ​ຂອງ​ຈີນໄດ້​ຖີບ​ໂຕ​ຂຶ້ນ​ເປັນ​ປະມານ 8 ພັນ 280 ຕື້​ໂດ​ລາ​ໃນ​ປີ​ກາຍ​ນີ້ິ ຊຶ່ງ​ເປັນ​ພື້ນຖານ​ອັນແໜ້ນໜາທີ່ຢືນຢັນ​ວ່າ​ຈີນ​ເປັນ​ເສດຖະກິດ​ໃຫຍ່​ສຸດອັນ ດັບສອງ​ຂອງ​ໂລກ ລຸນ​ຫລັງສະຫະລັດ.

ຢູ່​ໃນ​ຖະ​ແຫລ​ງການທີ່​ນຳ​ອອກ​ເຜີຍ​ແຜ່ນັ້ນ ຫ້ອງການ​ສະຖິຕິແຫ່ງ​ຊາດ ຂອງ​ຈີນກ່າວ​ວ່າ ພາກ​ປະຕິບັດໂດຍ​ທົ່ວ​ໄປທັງ​ໝົດ​ຂອງເສດຖະກິດຈີນ “ກໍາລັງ​ມີ​ຄວາມ​ທຸ່ນ​ທ່ຽງ” ​ແລະ​ພວກ​ນັກ​ວິ​ເຄາະກ່າວ​ວ່າ ​ເຂົາ​ເຈົ້າ​ຄາ​ດ ​ວ່າ ການ​ຟື້ນ​ໂຕ​ຄືນ​ຂອງ​ເສດຖະກິດ​ຈີນ ຈະ​ດຳ​ເນີນ​ໄປ ​ຕະຫລອດ​ປີ 2014.
XS
SM
MD
LG