ທ່ານໂບຊີຫລາຍ ຜູ້ນໍາພັກຄອມມີວນິສທີ່ມີພອນສະຫວັນໃນເມືອງຈົງຈິງຂອງຈີນ ໄດ້ຖືກ
ປົດອອກຈາກຕໍາແໜ່ງ ຫລັງຈາກຂ່າວນອງນັນ ທີ່ພົວພັນກັບອະດີດຜູ້ຊ່ອຍວຽກຄົນນຶ່ງ.
ອົງການຂ່າວຊິນຫົວຂອງທາງການຈີນໄດ້ພິມເຜີຍແຜ່ຖະແຫລງການສັ້ນໆສະບັບນຶ່ງໃນ
ວັນພະຫັດມື້ນີ້ແຈ້ງວ່າ ທ່ານໂບ ກໍາລັງຖືກຊັບຊ້ອນໂດຍຮອງນາຍົກລັດຖະມົນຕີ Zhang
Dejiang. ຖະແຫຼງການບໍ່ໄດ້ແຈ້ງເຫດຜົນໃຫ້ຮູ້ກ່ຽວກັບການປົດທ່ານໂບອອກຈາກຕໍາແໜ່ງ.
ທ່ານໂບ ໄວ 62 ປີ ແມ່ນຖືວ່າຈະເປັນຄູ່ແຂ່ງເອົາຕໍາແໜ່ງຜູ້ນໍາຢູ່ໃນຄະນະກໍາມະການກົມການ
ເມືອງສູນກາງ ທີ່ມີອິດທິພົນຂອງພັກຄອມມິວນິສຈີນນັ້ນ. ແຕ່ຊື່ສຽງຂອງທ່ານໂບໄດ້ຕົກຢູ່ໃນ
ຄວາມລະແວງສົງໄສມາ ນັບແຕ່ທ່ານ Wang Lijun ທີ່ເປັນຫົວໜ້າຕໍາຫລວດຂອງທ່ານມາເປັນ
ເວລາດົນນານ ໄດ້ໄປຍັງສະຖານກົງສູນຂອງສະຫະລັດທີ່ເມືອງ Chengdu ໃນເດືອນແລ້ວນີ້
ໃນອັນທີ່ລາຍງານຂ່າວແຈ້ງວ່າ ເປັນຄວາມພະຍາຍາມຫາທາງລີ້ໄພການເມືອງນັ້ນ.
ອົງການຂ່າວຊິນຫົວ ກ່າວຕື່ມວ່າ ທ່ານ Wang ໄດ້ຖືກສືບສວນສອບສວນ ແລະຖືກປົດອອກ
ຈາກຕໍາແໜ່ງ ຮອງເຈົ້າຄອງກໍາແພງເມືອງ Chongqing ໃນວັນພະຫັດມື້ນີ້.