ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ຈີນພົບວ່າ ຄົນເປັນ ໄຂ້ຫວັດ ສັດປີກ H7N9 ອາດຕິດຕໍ່ ໃສ່ຜູ້ອື່ນໄດ້ (ວີດິໂອ)


ນາງນ້ອຍທີ່ຕິດເຊື້ອໄວຣັສ H7N9, ສາຍພັນໃໝ່ ຂອງໄຂ້ຫວັດສັດປີກ ແຕ້ມຮູບຢູ່ ກັບນາງພະຍາບານ ຄົນນຶ່ງໃນໂຮງໝໍ Ditan ໃນກຸງປັກກິ່ງ ໃນເດືອນເມສາ ປີ 2013.
ນາງນ້ອຍທີ່ຕິດເຊື້ອໄວຣັສ H7N9, ສາຍພັນໃໝ່ ຂອງໄຂ້ຫວັດສັດປີກ ແຕ້ມຮູບຢູ່ ກັບນາງພະຍາບານ ຄົນນຶ່ງໃນໂຮງໝໍ Ditan ໃນກຸງປັກກິ່ງ ໃນເດືອນເມສາ ປີ 2013.
ພວກນັກວິທະຍາສາດ ທີ່ຄົ້ນຄວ້າກ່ຽວ​ກັບສາຍພັນໃໝ່ຂອງ
ໄຂ້ຫວັດສັດປີກ ຢູ່ໃນພາກຕາເວັນອອກຂອງຈີນ ລາຍງານ
ກ່ຽວກັບກໍລະນີທໍາອິດ ທີ່ອາດມີການຕິດຕໍ່ ລະຫວ່າງມະນຸດ
ຫາ​ມະນຸດ ຂອງ​ອັນ​ທີ່​ເອີ້ນວ່າ ເຊື້ອໄວຣັສ H7N9.

ລາຍງານຂອງການຄົ້ນພົບດັ່ງກ່າວ​ ໄດ້ພິມເຜີຍແຜ່ໃນວັນອັງ
ຄານວານນີ້ ຢູ່ໃນວາລະສານ ການ​ແພດ​ຂອງ​ອັງກິດ ຫຼື
British Medical Journal ແລະເພັ່ງເລັງໃສ່ຜູ້ຍິງ ທີ່ໃຫຍ່ ​
ແລ້ວ​ຄົນ​ນຶ່ງກັບພໍ່ຂອງລາວອາຍຸ 60 ປີ ທີ່ລົ້ມປ່ວຍລົງໃນ
ເດືອນມີນາຜ່ານມາ ລຸນຫລັງ ທີ່ໄດ້ໄປຕະຫລາດຂາຍສັດປີກ
ສົດເລື້ອຍໆ. ເຖິງແມ່ນວ່າ ໄດ້ມີການປິ່ນປົວ ແລະເຂົ້ານອນ
ໃນໂຮງໝໍໃນທີ່ສຸດກໍຕາມ ພໍ່ຂອງລາວ ກໍຍັງເສຍຊີວິດໄປໃນ 6 ອາທິດຕໍ່ມາ.

ພວກນັກຄົ້ນຄວ້າເວົ້າວ່າ ຄົນເຈັບສ່ວນໃຫຍ່ປະກົດວ່າ ໄດ້ໄປຕະຫລາດຂາຍສັດປີກສົດ ຫລືບໍ່ກໍໄດ້ດໍາລົງຊີວິດຢ່າງໃກ້ຊິດກັບສັດປີກ ໃນລະຫວ່າງ 7 ຫາ 10 ມື້ກ່ອນຈະມີການ ເຈັບປ່ວຍ​ເກີດຂຶ້ນ ຊຶ່ງໄດ້ເຮັດໃຫ້ຫລາຍກວ່າ 100 ຄົນ​ໄດ້ປ່ວຍ ແລະສົ່ງຜົນໃຫ້ 43 ຄົນ ເສຍຊີວິດ ນັບແຕ່ໄວຣັສດັ່ງກ່າວໄດ້ປະກົດຂຶ້ນຄັ້ງທໍາອິດໃນເດືອນມີນາຜ່ານມາ.

ໃນກໍລະນີການຕິດຕໍ່ກັນລະຫວ່າງພໍ່ ແລະລູກສາວນີ້ ລາຍງານເວົ້າວ່າ ຜູ້ຍິງອາຍຸ 32 ປີ ທີ່ເປັນຄົນມີສຸຂະພາບແຂງແຮງດີໃນເມື່ອກ່ອນ ບໍ່ມີການສໍາພັດໂດຍກົງກັບສັດປີກ ທີ່ມີຊີ ວິດຢູ່ ແຕ່ວ່າ ນາງໄດ້ເຝົ້າດູແລໂດຍກົງແບບບໍ່ມີການປ້ອງກັນ ຢູ່ຂ້າງຕຽງ ຂອງພໍ່ທີ່ເຈັບ ປ່ວຍຂອງລາວ ແລະລາວກໍໄດ້ລົ້ມປ່ວຍລົງ ໃນເວລາປະມານນຶ່ງອາທິດຕໍ່ມາ ພາຍຫລັງທີ່ ໄດ້ສໍາພັດກັບພໍ່ຂອງນາງ. ຫລັງຈາກນັ້ນ ນາງກໍໄດ້ເສຍຊີວິດໄປໃນເວລານຶ່ງເດືອນຕໍ່ມາ.

ເບິ່ງວີດິໂອກ່ຽວກັບຂ່າວນີ້:

ວີດິໂອ-ໄຂ້ຫວັດສັດປີກ ສານພັນໃໝ່
please wait

No media source currently available

0:00 0:01:21 0:00
XS
SM
MD
LG